طلب مساعدة

بالنسبة لمعهد جامعة ستيرلنج
اخذنا كورس جنرال انجلش لمدة 7 اسابيع والحين بنكمل بعد اسبوعين
جنرال انجليش ومدته
9 اسابيع وبعدها تحضير ايلتس واكاديمي اتوقع
وبالنسبة لكل جامعه لها مواعيد للتدريس في اوقات محددة افتحي على الجامعه اللي تبغيها وشوفي انت مواعيدهم
والله يوفقك

ما شا الله عليك يا شمالية ..... معلومات 100% ونشاط

موفقة

تسلمون أخواني على تفاعلكم
بس هل تعتقدون دراسة أربع شهور في معهد الجامعة كافي
انا الأن على وشك أنهاء ثلاث شهور في معهد عادي وماني عارفة اكمل فيه ثلاث شهور ثانية
او اروح معهد جامعة مع ان لغتي ما فيها ذاك التطور
والله يجزاكم خير على ردودكم

اختي .. اعتقد ان الأخت شمالية اصابت الحق

انتي اعلم في نفسك .. بخصوص اللغه , اذا تشوفي ان الـ(سبيكنج) عندك تطور

هذا دليل انك بديتي تتقني الأساسيات .. ولكن لاتهملي جانب مهم وهو (الرايتنج)

لأن الأشياء هذي .. مستحيل تتقنيها اثناء دراستك في معهد الجامعه لأن المستوى
الأكاديمي يفوق مستوى الجنرال بكثير ..

طبعا هذا مو معناه ان الأكاديميك يهمل هذا الجانب .. لكن ماراح يكون مثل المعهد الخاص او (الجنرال) عموما

.
.
خلاصة الكلام : انتي اعرف بنفسك .. اذا انتي تشوفي في نفسك قدره على دخول الأكاديمك .. توكلي على الله

(بس انتي ايش مستعجله عليه .. اللغه بلحالها اهم كثير من اي شهاده اخرى)

اتقني اللغه .. حتى ترتاحي في دراسة الجامعه .. ولايصير عندك في كل امورك (تعقيدات) والسبب اللغه

بس عندي سؤال .. انتي ماستر والا بكالوريس

وشكراً

تسلم يا خوي
كلامك صحيح لغتي الحين تطورت بس ماهو مرة يعني يبيلي وقت
أنا محددة لمعهد الجامعة 4 شهور بس لأني ما عندي خلفية عن معاهد الجامعة مدري هل تكفي أو لا
زي ما قلت لغتي تطورت بس ما تأهلني لدخول معهد الجامعة
أهلي ودهم أدخل معهد الجامعة عشان أخلص بسرعة
لو قلت لا راح يخلوني على كيفي بس ما أبغى اتخذ قرار إلا وأنا دارسته من كل النواحي
جزاكم الله ألف خير

أنا ماستر أحياء دقيقة

جزاكم الله ألف خير
شوركم وهداية الله