March 31st, 2009, 01:55 PM
السلااام عليكم ورحمة الله وبركااااته
اخبااركم شلوونكم؟؟؟
طبعا انتوا على درايه بكل اللي صارلي لما قدمت على قرار الابتعاث وكلموني الوزاره وطلبوا مني تغيير التخصص
لا وخيروووني بين ماليه وتسويق فقط
الموهم امس رحت لهم الوزاره بالرياض انا والوالد
طبعا ابدن ماحبيت اخلص اموري من قسم النسااء واعطيت الوالد اوراقي كلها وانا شاحنته كلااااام
لانهم هم السبب بكل تأخير حصل لي اول شي حولوني من فرنسا غصب وانا ماابي احول وبحجة تخصصك الحاسب مو امتدااد لتخصصك حولي الدوله قلنا اوك وحولت
والحين على اخر اسبوعين قالوا غيري التخصص ومااختار بكيفي
الموهم<<<<<<<< مالكم بالطويله تراني ثرثاره ولا مسكت خط مااوقف
دخل الوالد عليهم بدون مايناقشهم في شي قال ابي اطلع قرار ابتعاث لبنتي
قاله الموظف اوك اخذ الاوراق كلها وقال لابوي خلاص كله اوك تعال الساعه 11 وتستلمه
طلع لي ابوي فرحان ولما قال لي الخبر فرررحت ماصدقت بهالسهوله يعني؟؟
الموهم جاهم ابوي على 11 قاله الموظف للاسف لازم تغير التخصص وتختار ماليه او تسويق فقط
قال ابوي لا هي ماتبي لا ماليه ولا تسويق ابد هي تبي حاسب او تجاره الكترونيه بسسس ماتبي غيرهم
قال الموظف لا ماعندها الا ماليه او تسويق بس
قال ابوي وين مديركم بدخل عليه قال تفضل هذا مكتبه بس عنده اجتماع لما يخلص ندخلك عليه
ومن 11 الين 2 ننتظر المدير يطلع ( د/ ماجد الحربي ) المووهم لما طلع له ماجد ابوي قاله كل شي
قال الدكتور ماجد وليش ماغيروا لها باللي تبيه ؟؟؟
قاله خلها تختار التخصص اللي تبيه من تخصصات الوزاره ويتغير لها
يعني يقدروون بس حقروووورين الموظفين ابوي ولع منهم يقول يعني تقدرون تغيرونه لي من اوووول وتنتهي السالفه بس انتم كذا لازم اوصلها للمدير يعني؟؟
انا بهالوقت دقيت على دكتور ببريطانيا واستشرته قال لي الدكتور اذا رفضوا الحاسب اختاري اداره عالميه وانا اجيب لك قبولاتك
قال لي التخصص ذا جدا ممتاز ومطلووب كثير
الموهم قلت لابوي قاله الدكتور ماجد والله عادي اغير لها بس مو من ضمن التخصصات خلها تشوف غيره
الموهم قلت خلاص بتوكل على الله وباخذ تجاره الكترونيه وعلى طول طلع لي القرار وامر الاركاب
وقطع لي التذاكر ابوي وانتهييييييييييييييييييييييييييييييييييييييييييييي ييييييت
وبس
حبيت اقولكم بالضبط وش صاار معاي بالرياااض والله حزني ابووي ربي يحفظه لي
تخيلوا مواااصلين رحلتنا كانت 7 ونص الصباح للرياض وطلعنا ع المطار 5 الفجر وصلنا الرياض 9 رحنا ع الوزاره ماخلصنا من الوزاره الا الساعه 3 ونص وابوي من 9 الين 3 ونص على رجوووله
يااااااقلبي عليه لما خلصنا جاني حيله مهدووود الله ياااخذهم وشوله هالمرمطه كلهااا كان اخذت قراري بالحاسب وطلعنا وخلصنا
بس شقوول هاذي الوزاره وهاذي بلاويهااا
ايييه نسيت كنت بسألكم
الحين امر الاركاب صح زي ماقال لي ابوي يعطيه مكتب الطيار وياخذونه ويعطونه التذاكر؟؟؟؟؟
وهاذي سااالفتي
واخيرن طلعت بقرار الابتعاث والتذاكر وعقبااااااااااااااال كل مبتعث ياااااااااااااااارب
رحلتي بتكون يوم الاثنين 13 ابريل ع الخطوط القطريه من جده - للدوحه ومن الدوحه - للندن
مااتوقع فيه احد معاي ههههههههههههههههااااي
وبس ^_^
March 31st, 2009, 01:55 PM
يعني يقدروون بس حقروووورين الموظفين ابوي ولع منهم يقول يعني تقدرون تغيرونه لي من اوووول وتنتهي السالفه بس انتم كذا لازم اوصلها للمدير يعني؟؟