جامعة داربي بريطانيا

لايوجد ردد

ارجو التفاعل مع الموضوع

اخوي اذا انت تقصد هالجامعة University of Derby

فهي جامعة حكومية ومعتمدة في البكالوريوس ،، واذا انت تبي تكمل ماستر فيها ادخل موقع الوزارة وشوف الجامعات الموصى بها ببريطانيا وشوف هل هي معتمدة بالهندسة في الماستر او لا ,,

بس انا فهمت انك تبي تعادل اي انك تبي تكمل فيه بكالوريوس
بالنسبة للقبول والمعادلة عندك احد خيارين ،، اما انك تراسل الجامعة انت بنفسك

او انك تشوف احد مكاتب القبول

تمنياتي لك بالتوفيق

شاكر لك عزيزي ع ردك

طيب اقدر اقدم على بعثه او راح الوقت ؟

ونصحيتك من ناحية الجامعه وقوتها .. دام هي معتمده هل تعتبر قويه في مناهجها ؟

العفو ،، ماسوينا شيء يستحق الشكر ،،

من ناحية الجامعة وقوتها ،، بصراحة ليس لدي علم ،، ويأتيك ان شاء الله من يفيدك بهذا الشأن

بشأن البعثات ،،

حسب تصريح وزير التعليم العالي في لندن قبل ايام ،، انهم اوقفوا الابتعاث إلى بريطانيا والإلحاق لمرحلة البكالوريس

يؤسفني ان احمل هذا الخبر السيء لك ،،



عموما انا نصيحتي لك ان تشوف احدى الجامعات الأمريكية افضل لك،،،


تمنياتي لك بالتوفيق

مشكور طالب على ردودك السريعه الله يوفقك ان شاء الله ويفتحها عليك وين مارحت ..

والله محتار المشكله موظف ومتزوج .. وباقي سنه لين اخذ البكالوريس من العربيه المفتوحه .. لكن ماتعطيك هندسه بس تقنية معلومات ..

وعملي هندسي

تظن فرصتي اطلع اكمل والا انهي دراستي في العربيه وبعدها اطلع ماستر
عشان نفسيتي راحت من العمل كل ماجتهدت يقلون لازم بكالوريس عشان نرقيك .. والا مكانك ؟

من جهة بريطانيا واقفال الابتعاث لمرحلة البكالوريس ان شاء الله فيها خيره .. انا سبق وزرت بريطانيا الشعب عنصري والعياذ بلله

امريكا هل تعرف جامعات تعادل لي اللي درسته في الجامعه مع كلية الاتصالات ...

مثل جامعة داربي قالو يبقى لك سنه وتاخذ الشهاده هذا طبعا من غير اللغه ...

نصائحك عزيزي

شاكر لك مره اخرى

أمين وإياك يارب وجميع المسلمين


---
أولا ،، اذا الجامعة بتعادل لك موادك وبتاخذ الشهادة من جامعة ديربي فهي بالطبع اقوى من شهادة العربية المفتوحة


ثانيا ،، اذا انت باقي لك سنة والله هذا الأمر يرجع لك ،، ولكن انا لو مكانك بكمل هالسنة واطلع ماستر
يعني عندك احتمال لاسمح الله انها تكون اكثر من سنة في جامعة ديربي ممكن ترسب او او لاسمح الله

عموما بالنسبة للجامعات الأمريكية ماعندي خلفية عنها ،، بإمكانك سؤال الطلاب في ملتقى أمريكا

او اللجوء إلى أحد مكاتب القبول وهم بيفيدونك بهذا الأمر ،،

عموما استخير ،، والله يكتب لك إلي فيه خير ،،

أتمنى لك التوفيق في حياتك العلمية والعملية

تحياتي