مباري والاخوه وش رايك

وعليكم السلام ورحمة الله وبركاته

حياك الله اخوي نواف

انا قريت موضوعك من الاول بس مارديت لاني للاسف ماعندي ذيك المعلومات اللي راح تفيدك واجد

انا اذكر اني سمعت انهم وقفوا التأشيرات للاطباء الا للي حاصلين على شهادة B2 في اللغة الفرنسية (يعني يجي وموب محتاج لغة) بس موب متأكد 100% من الخبر ومدري ليش والله ,,, اما بـ خصوص انك طبيب أسنان وموب تابع للاطباء الباقين فـ الموضوع اداري بحت وأتوقع موضوعك بيد الله سبحانه ثم عند السفارة الفرنسية

بـ خصوص قبولك ,, فـ لا تشيل هم لان الملحقية مشكورين يجيبون لك قبول والحمد لله ماحد عنده مشكلة من ذي الناحية (وهذي من حسناتهم الوحيدة وتستحق الاشادة للامانة) لكن لا تسأل عن المدينة (وانا اشوف ان ذا الشي موب مهم جدا)

بـ خصوص تعامل السفارة معكم فـ مادري وراهم شادين عليكم كذا وانا سمعت ان القنصل الجديد هو اللي عقد الموضوع شوي ولا على وقتي (اخر 2006) كان تعاملهم جدا ممتاز وجتني تأشيرتي في 17 يوم بس ولله الحمد والمنة

قصة انك تجي بـ قبول معهد بس فـ هذا الحاصل مع الدكاترة اللي جايين ياخذون تخصص ,, واغلبهم ماجابت لهم الملحقية قبول في وحده من الجامعات الا بعد ما بدا يدرس بـ المعهد بـ فترة موب بسيطة (عدة أشهر في الغالب) ,, لكن لازم تسأل الملحقية عن ذا الموضوع لانه يمكن الوضع يكون تغير الان أو انت بالذات وضعك مختلف (بـ حكم انك طبيب أسنان وموب تابع للاطباء الباقين)

المعذرة ياخوي ,, لكن معلوماتي محدودة جدا في موضوعك ولكن انا في الخدمة دائما في أي موضوع لي خبرة فيه

تحياتي اخوي ,, وأي استفسار انا في الخدمة

8 8

في الخدمة ياخوي ,, وماسويت الا الواجب

لكني اكرر انك لازم تتأكد لان بعض الاعضاء هنا يقولون انهم طلبوا منهم قبول جامعي ويبدو ان السفارة صايرين معقدين في الفترة الاخيرة

اهم شي لاتنسى الاستخارة والدعاء ,, واطلب الخيرة من ربك

تحياتي

الله يبشرك بالخير اخوي ريكلمي ,,, ومبروك عليك التأشيرة ماشاء الله

بـ خصوص جودة المعاهد فـ اللي متأكد منه كتبته هنا

http://www.mbt3th.us/vb/forum67/thread94464.html

اما التغيير فـ اللي اعرفه انه مايحق لك بس لو فكرت تغير فـ جرب وشف

بـ النسبة لـ معهد ديجون وغرونوبل فـ ماعندي فكرة عنهن لان هذي اول سنة يبتعثون عليهم طلاب (على حد علمي) فـ ماعندي فكرة عنهم اطلاقا

ووالنعم والله بـ شمر واهلها ,,, وماقول الا توصل بالسلامة يابعد حيي

واي سؤال انا في الخدمة

تحياتي

السلام عليكم ورحمة الله وبركاته
مبروووك الفيزا .. بالنسبة لمعهد تور فهو من أفضل المعاهد بفرنسا وأقدمها ( له تقريبا مئة سنه حسب ما قالوا لي ) .. وإذا على تغيير المعهد انت كلم الملحقيه وقول لهم برغبتك بتغيير المعهد .. وتقدر تجي بقبول المعهد ومن هناك تقدم على اي جامعه تبيها وتنتظر قبولها .. أتمنى إني أفدتك ... وبالتوفيق

السلام عليكم
وبحالك يامباري
الله يسلمك ويبارك فيك
ويوسع رزقك يالحبيب
وعقبال التخرج ان شالله
وعسالله يكتب الي فيه الخير للجميع
مشكور علئ الردود
فاللك الخير كله
ومشكوره يابحر المشاعر علئ المعلومه ابي اروح انشب للملحقيه وعسئ الامور تجي زي مابي
والله يوفقك وعساك دوم سلامه

نسيت اسا ل
وبالنسبه للمكفاءه متئ يصرفونها الملحقيه

8 8

في نهاية كل شهر هجري (غالبا مابين 20 - 24 من الشهر الهجري)

فـ عشان كذا اعرف انك في البداية راح تصير بدون فلوس فـ جب معك مبلغ جيد

اهم شي احرص على نظافة بطنك ولا تاكل الا الاكل الحلال

واذا تبيني افيدك بـ اي خدمة او اسئلة عن فرنسا وشركاتها او بنوكها وما الى ذلك فـ ابشر بعزك بـ ما اعرف

تحياتي