أحلى وطن

June 7th, 2009, 06:06 PM

أعجبتني هذه الكلمات
كلمات الشاعر الأمير / بدر بن عبدالمحسن
وحبيت أنقلها لكم


كثر الله ألف خيرك.. يا وطنا وبارك الله هالثرى
ما نسينا وين كنا وكيف صرنا في التقدم والثرا
ولو تفجر في تراب
أرضنا نفط وذهب
لا عدمنا هالشباب كنزنا لا من نضب
كل أرضي للعطا سهل خصيب وكلمة الله فخرها
وكل عالم.. أو مهندس.. أو طبيب وكل جندي ذخرها
جينا عبدالله نعاهد حنا ياالجيل الجديد
نفتدي والله شاهد أرضنا بدم الوريد
***
يا محقق لي الأماني
الغلا والحب لك
أدري في قلبك مكاني
وأدري همي مشغلك
يا بو متعب وش نقول
الغلا شرحه يطول
يكفي عبدالله عطاني
لين خلاني ملك
أنا شعبك مثل ظنك
أفخر بملكي وزود
أنت مني وأنا منك
أرض وأحلام وجدود
يا بو متعب وش نقول
يا عسى عمرك يطول
أحمد اللي بك حماني
عن أذى كل الفصول
أنا ملكي للي عطاني
لين خلاني ملك
كل ماضي لي ملاحم
وكل حاضر لي نعيم
أنا ياالشعب السعودي
لا أضام ولا أضيم
يا بو خالد وش نقول
الغلا شرحه يطول
كلكم خير ومحبة
وعهدكم سعد وقبول
يكفي عبدالله عطاني
لين خلاني ملك

• نشر عبر تويتر
• نشر عبر فيسبوك
• نشر عبر جوجل