لطلاب اسبانيا ارجوالمصداقيه

مرحبا أختي غلا الكون..
صدقيني ياقمر مافي أحد بيكذب لكن كل الأشخاص بيكتبوا من وجهة نظرهم وإنت بتعرفي إنه لكل شخص شخصيته وإسلوبه الخاص فيه هو بيكتب تجربته وإحساسه وشعوره بدون مايقصد توريط الآخرين لكن أحيانا وبحسن نيه ننسى إنه اللي يناسبنا ممكن مايناسب الغير, عشان كذا لازم الشخص يعرف نفسه أكثر ويعرف اش حاب هو واش يناسبه هو, بالنسبه لي كانت إسبانيا حلم طفولي وعشق أزلي إخترتها من غير ماأطلع على هذا المنتدى إصلا ماعرفته إلا لما قربت أسافر أنا حابه اللغه وحابه أشوف الأندلس المفقود ونفسي أتقن لغتهم وعشان كذا قررت إسبانيا حاسه حالي بلاقي نفسي هنا وان شاء الله ربي يسهل أموري.
أخوك هو اللي لازم يصادق نفسه أكثر ويعرف اش طموحاته بالزبط وبعد كذا هو يقرر ,كتابات الإخوه مجرد تصوير لواقع كل شخص ممكن تساعده على تصور الحياه في البلد لكن في النهايه هو المسؤول عن خياراته..أتمنى له التوفيق بس هو يستخير أول والخيره فيما إختاره الله.
بس لازم يعرف إنه الأيام الأولى بالمره صعبه خاصة إنه الشعب مايتكلم إلا لغته في النادر يلاقي أحد بتكلم إنجليزي.
"بس إذا جايين على مدريد راح أقولك على بقاله فيها هندي يتكلم إنجليزي هههههههههههههه صرنا مانشتري إلا من عنده نعرف نخارج حالنا معه"
أما بالنسبه للحجاب لي مايقارب الاسبوعين وماتعرضت لإي إهانه مجرد نظرات فضوليه وتعدي .....ممكن إختلاف المدن الله أعلم .
وبالتوفيق ياحبي

تسلمين على ردك واهتمامك بالموضوع
وصدقيني انا مو قصدي اكذب احد اواجرح احد
لكن ودي نرسم صوره واضحه عن الدوله والشعب
عشان في ناس كثير مساكين يعيشون في خيال ويرسمون احلامهم على هالخيال وبعدين يتفاجئون بواقع مختلف تماما"
وهذي الصوره اللي راح نرسمها لهم راح تساعدهم على اختيار هدفهم الصحيح من البدايه
لانها مبنيه على حقائق واقعيه 100%للحياه والدراسه والمعيشه والشعب هناك
فهمتم انا وش قصدي
وعلى العموم:
يسعدني ويشرفني كثير اني اتعرف عليكي
واتمنى اشوفك لما اسافر على اسبانيا
ودمتي بخير
ملاحظه:
مانوع الحجاب اللي تتكلمين عنه هل هو مجرد غطاء للراس مع كشف الوجه؟
ام تغطية الوجه>>>>>>>وهذا هواللي انا اقصده
وشكرا"

وعليكم السلام ورحمة الله وبركاته
اختي غلا الكووون
اول حاجه اكتبها (اقولك اي شخص يبغى يدرس بكالريوس يفكر بدوله غير اسبانيا)
لان الطالب مايقدر يدخل البكالريوس إلا لما يتخطى اختبار السلكتبيداد
اللي هو مثل اختبار القدرات عندنا وهذا شوي صعب للي يتعلمون اللغه واخونا بندووووري
واجته المشكله هذي
وقريت في احدى الردود له بأنه حول بعثته إلي امريكا ( قريت الرد في موضوع مذهله )
لكن للي راح يدرسون الماجستير ما يحتاج الاختبار هذا
واللغه الاسبانيه للأمانه فيها بعض الصعوبات
لكن هذا يتواجد في اي لغه ومع مرور الوقت راح يتخطاها الشخص
وانا الحمدالله تقريبا تخطيت الامور هذي صحيح انا خريج لغه اسبانيه من جامعة الملك سعود
ومع ذالك اخذت لغه سنه بخصوص أحسن اللغه وادخل الماجستير وانا مرتااااااح البال


ومن ناحية الحجااااب بالعكس اشوف بعض البنات العربيات
بحجابهم ولا واجهتهم اي مشاكل ولا شفت اي شخص اعتدى عليهم او تهجم بسبب الحجاب
سواء اسباني او غير اسباني لكن هذا غطاء الراس مع كشف الوجه
لكن تغطيه الوجه للأمانه من جيت اسبانيا ماشفت وحده مغطيه وجهه

وأي استفسارثاني انا حاضر
وشكـــرا

غلا الكون : أنتي لحد الان ما بدأتي البعثة !!!

فاكركي من سنة كنتي تتكلمي عن التقديم و خطوات الابتعاث , سبحان الله !

انا معكم بالنسبة لقبول الجامعات..

صارلي 4 شهور وانا منحاس وماجاني قبول ماجستير من التعقيد اللي واجهته لحد الان..!

حتى قبول المعهد تعرقلت فيه..!

الله يسهلها ان شالله

انا اشوف العيب الوحيد في اسبانيا هي الوقت اللي يستغرقونه بالمعاملات

يعني الاقامه تطول تجديدها وتطليعها ومواعيدهم مشواااار وسالفة البكالريوس والاتفاقيات والاختبار

لكن الباقي عسل على عسل كا جوو وراحه نفسيه اكذب عليكم لو قلت اني حسيت بغربه

بالعكس احس اني بديرتي يمكن هالوضع ينطبق علي انا بس لكن انا انقل لكم تجربتي

انا احس بالانتماء لمدريد >>> يمكن في عرق اسباني منذ مبطي ما ادري >>> هع هع >> هذي الضحكه ترفع ضغط حمدان


من ناحية الوناسه انا بقوه استانست وزرت مدن كثيره في اسبانيا وجزر بعد واعجبتني كثير وحملت في خلال سنه ذكريات

ومعارف واصدقاااء كثير مره مره مره >> احس ما بقي الا الملك خوان كارلوس ما تعرفت عليه ههههههههههههااااي

مع اني سكنت على القران بيا بالسنتر عند الزحمه والازعاج لكن بالنسبه لي احلى مكان للسكن ما تطفش حركه على طووول

وانا بالنسبه لي احب المدن الكبيره اللي فيها حركه مشان هيك ناسبتني كثير مدريد وجات على مزازي >> يعني مزاجي

بكل مصداقيه اختي غلاا الكون انقلك وانقل لاخواني المبتعثين تجربتي في اسبانيا عامه وفي مدريد خاصه

يمكن يجي احد مدريد وما تعجبه ويقول بندور كذاب لكن الاذواق تختلف والمزاجات غير

تقبلوووا مشاركتي واتمنى ماا كون طولت عليكم

بندووور

طيب هل اسبانيا مناسبه لدراسة العلوم الطبيه والمحاسبه ماستر والا لا ؟

يعني جامعاتها قويه بهالتخصصين ؟

ياليت تردون علي بأسرع وقت عشان انا تدقيق اوراقي يوم الجمعه وودي اعدل بالدول ..

وغير كذا هل المرافق يدرس لغه والا لا ؟؟
ويقدر يكمل بدون اي تعقيدات ؟ والا لازم اقامه ومدري وشو ؟

ياليت تفيدوني واكون شاكره لكم ..

هلا اختي

كل عام وانتم بخير

مثل ما ذكرت اكثر من مره في المنتدى
اسبانيا ما تصلح باكلوريوس
اسبانيا ما تصلح لمراهقين
اسبانيا بلد سياحه بالمقام الاول...يعني تصلح اجازه. الحياه هنا ممتعه جدا لكن غير عمليه بمعنى انه مثل ما ذكر بندر ايضا الاجرائات طويله جدا ومعقدة. متعودين على سياح ما تعودو على سعوديين يعيشون ويدرسون عندهم!

الاخت الي تسأل عن العلوم الطبيه...اذكر الشباب اشتكو من صعوبه الحصول على قبول اصلا. ما اعتقد انهم بذاك التطور مقارنه بدول اخرى مفتوح لها الابتعاث. الماحسبه غير....المحاسبه مهيب مشكله في اي دوله ممكن تلقى جامعات قويه فيها. لكن بشكل عام ايضا اسبانيا اضعف بكثير في المحاسبه من مثلا بريطانيا او كندا او امريكا. اسبانيا بشمل عام جيده جدا في تخصصات السياحه, اداره الاعمال, التسويق, طب العيون, والعمارة.

السكن غالي
بلد امن مقارنه بدول اخرى اوروبه او امريكا
اللغه الاسبانية مهيب سهله
الاكل جيد جدا وغير مكلف...
المواصلات ممتازه في المدن الرئيسيه ومتنوعه
الي بس بيحط اسبانيا وهو ماعنده فكره وش بيسوي هنا او وين بيدرس, اعتقد افضل له يروح لمكان اسهل من ناحيه التعامل والاجرائات. البلد هذا يبيله صبر وفهلوه.
بالنسبه للحجاب..حجاب غطى شعر مثل باقي المسلمين هنا اوكي ماعندك مشكله...لكن غطى وجه صعبه جدا في اسبانيا. شي غير معتاد عليه هنا وبيصير مدعاة للمشاكل اكثر منه ستر.

بصراحه لو عندي اخ باكلوريوس او اخت بغض النظر ايش تدرس, ماراح اخليهم يجون يدرسون هنا...امريكا او بريطانيا ممكن تكون افضل اذا ابتعدو عن التجمعات السعوديه الي مالها فايده هناك.


تحياتي

يااااااااااااارررررررررررررربي خليتوني اتشائم من اسبانيا ..... وانا اصلا موحاطه فبالي دوله غيرها!!!

لا امريكا"تخوف" ولا كندا"صعبة" داخله مزاجي ومااتوقع فيه غير هالدولتين احسن من اسبانيا !!!

طيب قولوا لي مستوى الدراسه صعبه بشكل عام؟؟؟
وانا بدرس امن معلومات !!!

واتوقع الاجراءات مو مشكله حتى لو كانت طويله ووش ورانا دامنا مطولين هناك!!


ولو بغير وش اختار مثلا ايرلندا ... فرنسا .... ايطاليا... التشيك... النمسا.... بلجيكا... المجر .... ...شرق اسيا !!!!!!!!!!!

لو كان فيه بريطانيا اواستراليا اكيد بنختارها بدون تردد بس وش السواة؟؟

يعني نروح اسبانيا افضل خيااار ولا وش رايكم والله يوفقننا...