أسئلة بسيطة و واضحة ...

وعليكم السلام ورحمة الله وبركاته

حياك الله اخوي

اولا ,,, مبروك البعثة ما شاء الله وبالتوفيق يا رب

بـ خصوص الرحلة ,,, لازم تمر على باريس عشان تكمل اوراقك في الملحقية همن تاخذ القطار على نيس بدون اي مشاكل إن شاء ,,, وخليها يومين او ثلاثة سياحة مع عايلتك الكريمة

الاقامة بشكل مختصر ,,, اذا انتهت فيزتك تقدم على الاقامة وخلال الفترة بين انتهاء فيزتك واستخراج الاقامة راح يعطونك ورقة اسمها la recepessee (موب متأكد من الكتابة) هذي تقدر تسميها اقامة مؤقتة وتقريبا تكون معك لـ مدة 3 اشهر على ما يعطونك الاقامة

طبعا متطبات الاقامة هي (على ما اذكر) :
صورة الجواز مع الاصل
صورة الفيزا
4 صور مكشوف الرأس( ما اعرف وش المقاسات بس رح لاقرب محل تصوير وقل له صورة للاقامة ويعرفونها)
اثبات سكن (تعطيهم صورة عقد السكن) وان كنت مع عائلة فرنسية فـ تجيب منهم اقرار انك ساكن معهم مع صورة اخر فاتورة كهرب
اثبات راتب (وهذي خذها من الملحقية اذا مريت باريس اول يوم واسمها attestation de bource )
اثبات دراسة (وتجيبها من المعهد)
ظرف عليه طابع ومكتوب فيه عنوانك (عشان يرسلون لك رسالة بـ البريد ان اقامتك جاهزة وانت تروح تستلم بطاقتك بـ الورقة اللي ترسل لك في البريد)
واظن تأمين طبي (موب متأكد بالضبط)

اما بطاقة la recepessee (الاقامة المؤقتة) فـ تجي لمهم قبل نهاية الفيزا بـ يومين او ثلاثة ايام وانت مكمل اوراق استخراج الاقامة وهذي يعطونك اياها فورية ويطلبون منك صورتين للوجه فقط على ما تستلم اقامتك بعد 3 اشهر

اتمنى اني افدتك

تحياتي

مرحبا اخوي مباري,,


اخوي مباري ,, انت قصدك ماقدر اطلع اقامة الا بعد 3 شهور من اقامتي بفرنسا؟؟ مااقدر اول مااوصل اقدم عليها؟؟

طيب في استخراج الاقامة مايطلبون شهادة اليلاد؟؟ كثير قالو لي انهم يطلبونها
وقالو لي اذا تبين تطلعين بدل فاقد لشهادة الميلاد تراجعين شؤون الرعايا في السفارة السعودية,,,

اذا ماقدر اطلعها الا بعد 3 شهور كيف راح افتح حساب بنكي عشان الملحقية تحول لي المكافاة,,على حد علمي البنك يطلب صورة من الاقامة,,,

لما اطلع لولدي وزوجي اقامة ماهي الاوراق المطلوبة؟؟؟

انا ناوية اجلس بباريس يومين قبل مااتوجه لمدينة المعهد..عشان امر الملحقية واعطيهم خبر اني جيت واخذ منهم اثبات الراتب على ان الخطاب اللي صدر مع قرار الابتعاث واللي كان موجه للسفارة مبين المكافاة اللي تنزل لي انا وزوجي وولدي ماتكفي؟؟,, وان شاء الله برضو ناوية امر السفارة عشان نسجل جوازاتنا وامر شؤون الرعايا عشان اطلع لي وزوجي شهادة ميلاد بدل فاقد,,فيه شي ثاني لازم اسويه بباريس قبل مااتوجه لمدينة المعهد؟؟؟


ثقلت عليكم بالاسئلة بس اعذروني سفرتي بنوفمبر ومرة متوترة,,

سلام
كل ما قالة اخي مباري القوس مزبوط مية بالمية لكن ان حبيت اضيف شي بسيط للفرنسية
بخصوص شهادة الميلاد (بلدية المدينة )préfecture تطلب شهادة ميلا مترجمة للفرنسية ومصدقة من قبل القنصلية في باريس او تقدري تترجميها قبل لا تطلعي طبعا الى كل فرد معاك يطلبوا شهادة الميلاد المترجمة للفرنسية فاما ان تترجميهم في جدة او الرياض او لما توصلي بالسلامة انشاء الله الى باريس تمري الملحقية وفي نفس الوقت تمري القنصلية طبعا القنصلية مو بنفس مكان الملحقية فعندك عدة خيارت اما ان تاخدي تاكسي او ميترو ادا كنت بتاخدي التاكسي طبعا سهلة اما الميترو طبعا لازم تعرفي الخطوط او ما نسميها الألوان المتجهة وخصوصا ( محطة شارل ديغول ايتوال)لان فيها عدة خطوط و الي هي قريبة جدا من الشارع الي فية الملحيقة الي هو avenue de hoche طيب في القنصلية هناك راح تخصلي اوراقك وكدى
اما بخصوص الحساب البنكي فالملحقية في العادة تعطي شهادتين شهادة موجهة الى préfecture وشهادة الى البنك شهادة بوغس طبعا والي من خلال الثانية الي موجهة للبنك تفتحي حساب بعد استلام الورقة المؤقتة الي تفضل اخي الكريم مباري بدكرها وهي récépissé ومعناها بالعربي طبعا إيصال او وصل وشي من هدا القبيل
طيب فتاخدي هدا الوصل وتروحي على اي بنك يفتح لك حساب على طول و في كل مدينة فيه بنوك تعامل الطلاب معاملة خاصة مثلا bnpوlcl مثلا وغيرها من البنوك تفتح لك حساب مباشرة ماعندك مشكلة
لكن المشكلة مو في فتح الحساب المشكلة انك لازم تبحثي عن سكن لان كل الارقام السرية لحسابك راح تجيك على البريد على عنوانك الي انت سكانة فيه وايضا راح يوصل لك اشعار بانك تجي تستلمي البطاقة على عنوان سكنك ( الله يخلي ديرة ابو متعب ) في نفس اليوم البطاقة والرقم السري وما تاخد حتى عشر دقايق
ومن ناحية الاقامة النهائية لو تدققي في الفيزا تبعك في نهاية الورقة الخضراء راح تلاقي هدي العبارة （ carte de séjour dans les deux mois suivant l'arivée بس مدري كم محدد لك في الغالب هو شهرين من تاريخ الوصول
يعني اجباري على ما ادري نسميها بلدية المدينة تصدر االفيزا بعد شهرين

هدا الي حبيت اضيفة واتمنى لكم طيب الدراسة والاقامة في فرنسا و

bienvenu

الف شكر على المرور والرد الوافي

بالنسبة لشهادة الميلاد كيف اطلع بدل فاقد من الرياض؟ وكيف الطريقة؟وهل بسرعة تطلع..
وهل تنصحني اطلعها من هناك؟ زي ماقلت لك هل صحيح لازم امر شؤون الرعايا بالقنصلية عشان اطلع بدل فاقد وتكون مصدقة من عندهم؟؟
بالنسبة للترجمة انا صاحبتي بفرنسا ماقبلو الا ترجمة قصر العدل في المدينة نفسها قبل مااروح الى البلدية عشان استخرج الاقامة,,,

بالنسبة للخطاب اللي راح اخذه من القنصلية الموجه للبنك..هل تقصد انو ممكن افتح حساب بنكي بها من دون الغيسبسي او زي ماقلت الايصال؟؟

انا عارفة اني دوختك..الزبدة اني ابي اسال اذا هما محددين فيزتي شهرين او ثلاثه..هل مااقدر اروح لبلدية المدينة عشان آخذ هذا الايصال
الغيسيبسي الا بعد انقضاء المدة المذكورة بالفيزا؟؟

او على طول اول مااستقر ويكون عندي عنوان سكن ,,,حتى لو بعد اسبوع اقدر اروح اقدم على الاقامة الطويلة لنا كلنا 3 وآخذ هذا الغيسبسي عشان افتح حساب بنكي وارسله للملحقية عشان يحولون لي المكافأة؟؟

بالنسبة لزوجي وولدي... ماهي الاوراق المطلوبة للاقامة غير شهادة الميلاد والصور وصورة من جواز السفر وصورة من الفيزا؟؟

هلا اختي
من ناحية شهادة الميلاد بحكم انها ضايعة ما اعرف كيف الاجراءات بس ممكن تتصلي بالملحقية وتساليهم عن هالموضوع
اما من ناحية الغيسبيسى فهدا اول ما توصلي الى مدينتك تجهزي كل الاوراق المطلوبة وتروحي مباشرة الى بلدية المدينة علشان تقدمي على الاقامة طويلة الامد وتحصلي في نفس اليوم على الغيسبيسى اما الزوج والاولاد صراحة هم ما عندي خلفية كافية عن الموضوع
لكن هي اوراق مماثلة لاوراقك في العادة ومثل ما قلت لك لازم تاخدي الايصال هدا وتروحي مع الخطاب الي من الملحقية للبنك وتفتحي حساب

لكن اختي الكريمة خدي احتياطاتك كاملة لان مثلا التأخير في الحصول على سكن راح يأخر اجراءات الاقامة وكدى وطبعا راح تتاخر اجراءات فتح الحساب وراح تتاخر المكافاة عليك
نصيحتي لك احملي معاك مبلغ احتياطي غير الي حاطته لرحلة الوصول

يعني انا مثلا جلست اكثر من شهر بدون مكافاة لان صار فيه خطا بسيط جلسني اكثر من شهر بدون مكافاة وفي فرنسا بلد الغلى

بالتوفيق

الف شكر اخوي سلفير على المرور والرد اللي اكثر من وافي والله يوفقك ويوفق جميع المبتعثين

حبيت أسالك عن التامين الطبي هل الملحقية راح تعطينا بطاقة تامين؟؟ او اي فواتير نرسلها لهم؟؟

بالنسبة للتأمين الطبي طبعا من ناحية التعويض فيه تعويض للحالات الطارئة والعمليات لاقدر الله وايضا تعوض الملحقية الحالات العادية بس فيها تفاصيل مثلا يطلبوا تقرير طبي ومدري شنهو

لكن اختي الكريمة في شي اسمة التأمين الطبي او ما يسمى ب لاكاغت فيتال كارت فيتال هدا انت انشاء الله اول ما توصلي وتخلصي اوراق الاقامة والسكن وتستقر امورك وتفتحي جساب بنكي تروحي الى مكان اسمة سيكيورتي سوسيال وتسوي فيه تامين طبي 70في المية طبا في كل مدينة يوجد سيكورتي سوسيال اول ما توصلي الى مدينتك اسئلي عنه او تشوفي عنوانة بالنت مثلا او تروحي الى ميزون دو توغيزم تسالي عنه يعني انشاء الله ما تتعطلي وتلقي عنواة بطريقة او اخرى وتعملي تامين طبي سبعين في المية وفي شركات ثانية تكمل لك التامين حتى 100% يعني الشركات هدي تامن عليك بنسبة ثلاثين بالمية ويصبح عندك تأمين طبي 100% شامل
وخصوصا انك مثل ما تفضلتي معاك اولاد يعني الافضل انك تأمني عليهم في السيكورتي سوسيال افضل من الملحقية تعرفي اجراءات الملحقية وجيب اوراق وارسل اوراق ومعاك تقرير او مامعاك والاوراق ما وصلت ومدري شنهو
انا نصحيتي لك انشاء الله اول ما توصلي وتخلصي امور السكن والاقامة تروحي للسيكروتي سوسيال
وتامني للعائلة الكريمة افضل من تعتمدي على الملحقية ولا تنسي تغيرات الجو في فرنسا لاسمح الله احد الاطفال تعب او شي من هدا القبيل

وطبعا الاجراءات انشاء الله لما توصلي بتعرفيها كل العادة اوراق من اقامة ومدري شنهو هدي بلد البيرواقراطية
لازم الواحد يتعلم الصبر واقول لك من الان اختي احجزي لك اكبر كمية من الصبر هههههههه لان في فرنسا لازم الواحد يصبر علشان يعيش
يعني لا تتوقعي بتوصلي وبتحصلي سكن على طول او بتخلصي اجراءات الاقامة على طول او كرت التامين حتى يبي لك فترة
حتى الحساب البنكي لا تتوقعي انك بتدخلي البنك مثلا وبتفتحي الحساب وبيقول لك تفضلي هدا الرقم والكارت والرقم السري
لا اختي كل شي بمواعيد ومواعيد نوعا ما طويلة حسب المدينة
بالتوفيق اختي

الله يعطيك العافية وماااااااااااااااقصرت ابد,,بالنسبة للصبر بابدا بصراحة اشتغل عليه واوفر منه,,
الله يوفقك ,,

مباري و الأخوة و الأخوات ..
أشكر لكم مداخلتكم ..
لكن هناك المزيد من الاسئلة أعانكم الله ..
ما هي الإجراءات التي في الملحقية و هل أحتاج احضار أي أوراق .. و هل هناك أوراق آخذها من الملحقية مثل التعريف وغيره ؟
ثانيا: اين أُقدّم على الاقامة .. وهل التقديم بعد انتهاء الفيزا ام استطيع الحصول عليها قبل؟

الله يوفقكم .