الملحقيه الاسبانيه .....

للاسف انه مافيه ملحقية في اسبانيا ..

اسبانيا تابعه للملحقية الي في باريس ملحقية فرنسا .

سليمان - مدريد .

مشكوور اخوي سليمان يعطيك العافيه
طيب كيف تتعاملو مع الملحقيه لو حدث اى طارئ لا سمح الله .

اخوي ممكن سؤال هل تكفيك المكافأه الشهريه
من السكن والاكل والشرب
يعني تقدر توفر منها ولااااا .......

اخوي mzo0on ما سوينا شيء يالغالي ..

وعن التعامل ... نتعامل عن طريق النت او التلفون وانت مخير .

اختي المكأفاة تكفي وزيادة ولله الحمد ومع الإسراف بعد .

سليمان - مدريد .

سليمان - مدريد حبيت أسئل عن ألحاق اخي بالبعثة كيف يتم ومافيه ملحقية.
من جد محتااااااااااااااااااااااااره كثير في هذي الدولة أتمنى تفيدني عنها وعن اللغة صعبة ولا سهله وهل أرتداء النقاب في الجامعة دارج وإلا ممنوع (ماخترتها الاعلشان الحجاب (النقاب) ) ؟؟؟؟؟؟؟؟؟؟؟؟؟؟؟؟؟؟؟؟؟
وهل فيه جامعة تعطي ماستر نانو اتنمنى انك تفيدني لانه ماعندي خبره في هذا الموضوع ؟؟؟؟

انت جاية تدرسين على حسابك او جاية مرافقه لانه تختلف .
اذا جاية مرافقة من اسهل شيء وبساطة يلحقونك بالبعثة اما جاية تدرسين على حسابك وتبين تلتقين للبعثة فهذي الطريقة ما اعرف عنها شيء .. وبعدين فيه ملحقية من يقولك مافيه ملحقيتنا بفرنسا حنا تبع لفرنسا اي شيء نبيه نخاطبهم على طول .

اللغة هي لغة اصعب من الانجليزي ولكن درجة صعوبته وسهولتها انتي تتحددينه بنفسك .. انا اعتقد انه مافيه شيء اسمه هذا صعب وهذا سهل ايه صح انه فيه هذا اصعب من هذا او اسهل بس ان اللغة الفلانية والله صعبة ما اعتقد ليش لان الشخص هو الي يجيب الصعوبة او السهولة على نفسه .

استر نانو للاسف ما اعرف وش تقصدين في نانو >>> اول مرة يسمع بالتخصص هذا .

بالنسبة لنقاب باسبانيا الي اعرفه انه مسموح ولكن ليس دارج >>> من سبع شهور ما شاف بنت متنقبه الا ثنتين .
الدارج في اسبانيا كثير الحجاب وليس النقاب .

تقبل تحيات :
سليمان - مدريد .

أنا جايه مبتعثة من ضمن برنامج خادم الحرمين المرحلة الخامسة واخوي هو المحرم
اما التخصص هو ماجستير تقنية النانو أحد فروع الفيزياء.
واتمنى انك تفيدني عن الجامعات وشكرا على التوضيح .

والله الصراحة اول مرة اسمع بتخصص النانو بالفيزياء ... أنا ابي اعرف وش اسم التخصص بالضبط مو عارف ؟!؟!

اما بالنسبة لاخوك مثل ما قلت لك المرافق سهل الالتحاق له ولا تخافين .

ابي احاول ابحث لك عن تخصص النانو بالاسباني ايش يعني .. بس افيدك بالجامعات من فاهم يعني ايش الجامعات الي عندها تخصص النانو او الجامعات المعترفة او ايش ؟؟؟

تقبل تحيات :
سليمان - مدريد .

شكرا اخوي محامي العتبان على تعاونك معنا

انا مبتعثه من برنامج خادم الحرمين للمرحله الخامسه ماستر تخصص تمويل

هل يصلح هذا التخصص للدراسه باسبانيا؟

وبأي جامعه تنصحني؟

غير كذا انتم يالمرحله الرابعه لما جاكم القبول سويتوا شي ولا الوازارة تكفلت بكل شي يعني جبتم قبول لغه وموافقه من الجامعه قبل الملتقى اللي حددوه لكم الوزاره؟يعني انا اللحين جاني القبول وقاعده اداوم بالدوره اللانقليزي تبع الوزاره اسوي شي غيره ولا احط ايدي على خدي وانطر الوزاره وش تسوي والله محتاره..

وسؤال بعد كم مدة دراسة الماستر هناك؟

وهل الحياة باسبانيا حلوة ولا لا؟

ادري اني كثرت اسئله بس والله خايفه ومحتاره ^_^