LinkBack URL
About LinkBacks
تقدر تغير التخصص وإنتا في بلد الدراسه أو بعد سنة اللغه كله بكيفك والملحقيه متعاونه مع الطلاب في هاذي المواضيع
7 " 
عاجل جداً للجميع: تغيير التخصص بعد الوصول لبلد الدراسة
عاجل جداً للجميع: تغيير التخصص بعد الوصول لبلد الدراسة
تنبيه: هذا الموضوع قديم. تم طرحه قبل 4979 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- وعليكم السلام7 "
تغير التخصص موجود وصعب انه يكون بطريقة مباشرة وتختلف الاجراءت قبل وبعد صدور قرار الابتعاث لكن اسمع انهم يمشو
وسبب ان التخصص ماله ابتعاث يرجع لانه مهو مطلوب ومايحتاجه سوق العمل - انا نفس استفسار الاخ جزا لاني نفس التخصص .. اتمنى افادتنا7 "
- الاخوان ماقصروا في الرد7 "
تخصص اللغويات من ضمن التخصصات الادبيه بالعكس قبوله اسهل
باختصاار
يختاروا لك اقرب تخصص لتخصصك إذا مو مووجود بالقاائمه
بالتوفيق يااااااااارب - مشكور أخوي النايف على تفاعلك السريع, ولكن ماذا تقصد بعبارة (قبوله سهل) هل قبوله سهل من حيث تغييره في الملحقية السعودية بفرنسا, أم (قبوله سهل) إذا جيت أقدّم عليه بالجامعات الفرنسية.؟7 "
أي (قائمة) التي تقصدها حفظك الله؟
إذا كنتَ تقصد (قائمة) التخصصات المطروحة من وزارتنا, فلا يوجد منها تخصص قريب إلى (اللغويات).. كلها لا تمس له لا من قريب ولا من بعيد.. وأنا سجّلت (تسويق) مبدئياً وإذا وصلت بلد الدراسة بإذن الله.. أغيره إلى (اللغويات)..
وإن كنتَ تقصد بـ(القائمة) قائمة أخرى فأتمنى توضيحها لي.
همسة: نصيحتك تهمني.. هل ترى طريقتي مغامرة قد تصيب أو تخيب.. لأني لا أتصور نفسي أكمّل في شيء غير (اللغويات) <<< رحم الله امرءًا عرف قدر نفسه.. تخصص تشبّعت في معلوماته من الصعب أن أدرس تسويق أو قانون وأنا ما أعرف فيها أدنى معلومة..!!
ولا أستريح في (سعوديا عريبيا) وأخليها دكتوراه ابتعاث داخلي .؟
طمّني: فيه أحد قبلي سواها ووافقت الملحقية أنه يغير تخصصه.. إلى تخصص ماله شبيه بقائمة تخصصات الوزارة.. ؟
وأمور التغيير سهلة.. ولا فيها (عكننة) موظفين وزارات السعودية.. حتى في باريس ما افتكينا منها
سامح إحنا, كثّرت عليك بربرة.. وأنت أهل للإجابات المؤكدة..
تحياتي لك.. أخوك الصغير/ جـزا Linguistics
- هلا فيك اخوي7 "
تخصصك لغه فرنسيه وبتكمل في اللغويات موجود هالشي ضمن الابتعاااث وتقدر تسأل الملحقيه للتأكد
قبوله سهل ( لانو امتدااد تخصصك ) واقصد اللغويات في اللغه الفرنسيه وبتدرس فرنسي لو تبي الان تبدأ
الملحقيه من اقوى وافضل الملحقيات السعوديه ككل ....
اخوي الكريم وللجميع الاخوان والاخوات
لاتضيعوا اعماركم في تخصصات لاتفيد ولاتشعروا بالانتاج فيها
استخيروا ربكم وبالتوفيق - اخ جزاء7 "
اذا حاط هدف انك تطلع على دراسة تخصص اللغويات واستلمت قرار الابتعاث على تخصص اخر
هذي يبيلك تسال فيها شيخ يفتيلك فيها لان يغلب عليها التحايل على النظام واخذ مال بغير محله
وطبعا الوزارة ماتختار لك تخصص الا اذا فيه جامعات تقبلك فيه وبكذا مايكون لك عذر للتغير وقبل كانو يغيرو ل الي
تخصصهم تجارة الكترونية لان وجوده قليل ولكن الحين الوزارة لغت تخصص التجارة الالكترونية
واعتقد وكيل الوزارة الدكتور الموسى تكلم عن تغير التخصص وانه فيه عدم جدية من المبتعثين والوزارة متفشلين من الي صاير
وقال هذا الكلام للناس الواعية الي تفهم معنى كل كلمة قالها وتصريحه موجه ل اكادميين ومثقفين وبعد قوية وكيل وزارة ومهمشين تصريحه مدري ننتظر الوزير يرفعها للملك في مجلس الوزراء
بس ماتوقع لان كذا راح نشوه صورتنا قدام الملك ونوابه ونطلع مو كفو بعثة
واذا الحين فيه طلاب يغيرو التخصصات وتوافق لهم الملحقية ماصار برنامج ابتعاث صار برنامج تسليك
ويبيلنا 1000 من الاستاذ احمد الشقيري عشان نغير في اخلاقيتنا ونلتزم بكلمتنا ونلغي مقولة مسلمين بلا اسلام !! - 7 "
بارك الله فيك على طرحك الواعي.. لكن يا أخي بالعقل احسبها.. لو تأخذ شخص لو مايزيد على الثمان سنوات وهو يُبحر في كتب الهندسة أو اللغويات.. وفجأة تقوله رح ادرس تسويق أو قانون.. تتوقع بينتج.؟ وبيفهم شي.؟ يمكن أقولك بيجتاز المرحلة وبيجيب الشهادة اللي تخالف تخصصها القديم.. لكن ثق وتأكد إنه بالطريقة ذي (سمسار) شهادات.. وثاني شي لا يخفى على الجميع تخلُّف عقليات بعض المسؤولين في دولتنا.. فمثلاً: أغلب المبتعثين يطمحون للوظائف الأكاديمية بعد عودتهم.. فهذا المبتعث اللي عنده دكتوراه تسويق.. وماستر وليسانس لغويات.. بأي قسم بتوظفه.؟
هل التسويق أو اللغويات.؟ أصلاً وقفت على حالات تم رفضها من بعض الأقسام في جامعاتنا السعودية.. بحجّة إن مؤهلاتهم تختلف عن مؤهلاتهم السابقة.. زي واحد من الشباب.. بكالريوس رياضيات..ماستر تقنيات تعليم.. دكتوراه مكتبات <<=--- وين توديه ذا.؟ صارت خلطة سوبيـا ..
والإنسان الفطين.. إذا انكبّ الناس على شي ينتهز أقرب فرصة للخروج من طابورهم لتخصص مالفت نظرهم..
شوف الكم الهائل من الألوف اللي في التسويق والقانون.. وكل هؤلاء محجوزة وظايفهم بزعمك بعد العودة.؟
أرى إن اللغويات .. فرصة وخاصة إذا كانت من بلد عريق كفرنسا .. والمبتعثين ما ألتفتوا لأهميتها ولا تلقاهم طوابير عليها ممَّا يجعل التوظيف عليها يُغلق أبوابه في السعودية..
شوف الطلاب يوم انفلتوا على التخصصات الصحية .. سدّها بوجيههم د. الربيعة .. قال وين أودي الألوف ذولي كليهم..!!
كلامي قد يحتمل الصواب وقد يحتمل الخطأ.. وتبقى وجهة نظر قابلة للرفض والقبول..
وما زلت أحتاج مزيد عن إمكانية تغيير التخصص (أرجو التعاون مع أخوكم المسكين)
أو أن الوضع مجازفة..
كل عام وأنتم بخير .. ومن العايدين الفايزين .. والشكر موصول لجميع من أدلى بدلوه للمشاركة.. وعلى رأسهم الشيخ النايف.. - سؤال فقط7 "
اللي فهمته انت تبي تدرس لغويات اللغه العربيه في فرنسا ؟!
ابي جواب بليز
September 6th, 2010, 07:48 AM
السلام عليكم ورحمة الله وبركاته
إخواني الأعضاء الفضلاء,, تحية طيبة وبعد, وكل عام وأنتم بخير, وعساكم من عواده (قبل الزحمة)
عندي سؤال له فترة محيرني.. ومن كثر الأجوبة المختلفة اللي جاوبت عليه.. صارت أجوبته مثل قضية اغتيال
الخلاصة
شخص مقدّم على ابتعاث لمرحلة (الدكتوراه) وسجّل مبدئياً في الاستمارة بالموقع تخصص: (تسويق) مثلاً. ويريد بعد وصله لبلد الدراسة - بإذن الله - أن يغيّر تخصص (التسويق) إلى تخصص (اللغويات) لأنه امتداد لتخصص في الماستر وكذلك في الليسانس
وعلى ما تقدّم ذكره: هل الملحقية في بلد الدراسة توافق على تغيير التخصص إلى تخصص آخر ليس ضمن المطروح.؟ حتى وإن كان هذا الغير مطروح هو امتداد لمؤهلات المبتعث.؟
وعلى ضوء إجاباتكم التي ستطرحونها.. هل تعرفون أحد سوى اللي بسويه ومشّتها الملحقية له.. هل يمكن هذا التغيير بسهولة.. أم بطلعة الروح
أخيراً: جميعكم يعلم أن الابتعاث فرصة العمر.. وصعب تكرره السعودية مرة أخرى.. فما نصيحتكم الأخوية لي.. مع تذييل النصائح والأجوبة.. بثغرات أهكِّر فيها شروط الوزارة ومسوغاتها التعسفية
تحياتي لكم.. وسامحوني على الإطالة