مساعدة ياشباب سويسرا

نفس وضعك.

بس كنسلت فكرة الابتعاث لفرنسا بسبب نظام التعليم هناك، وقاعد افكر بسويسرا.

ياليت الشباب يفيدوننا هنا.

والله ماعندي علم ياخوي .. بس مكأفاة المبتعث بأي دولة تكفي الطالب اللي يتغدا يوميا من مطعم سعره حلو .. ويشتري اشياء خفيفة ماكؤلات ملابس .. كافيه على حسب ظني .. بس صراحة انا ماجربت ماعدا بريطانيا هذي الطلاب يقولون انها ماتكفيهم

عموما بالنسبة للسفارة السويسرية بالرياض اكيد هي بحي السفارات بس اتمنى الاخوان والاخوات يفيدونك اكثر
بس الحين سويسرا اي لغة بالجامعات؟؟ اذا لغة المانيه ترا ماراح تستفيد شي بحياتك منها .. الفرنسية افضل انتشارا ويمكن تعلما .. عند لبنان والمغرب العربي كلهم يتكلمون اللغة الفرنسية اما الالمانيه تلاقيها بس بالمانيا وشوي بسويسرا وبلجيكا
عموما اتمنى ما اكون ازعجتك بوجهة نظري

:

اخوي ثامر ممكن اعرف ليه غيرت رأيك ؟؟ كيف نظامهم التعليمي ياليت توضح لي ..




بالتوفيق

في فرنسا نوعين من الجامعات:

جامعات حكومية واللي تقبل الطلاب باي معدل مادام عندهم شهادة ثانوية للبكالوريوس و شهادة بكالوريوس للماجستير، واللي هو اسفر عن زحمة غير طبيعية للطلاب.

وGrandes Ecole الي هي بمثابة جامعات ماتقبل الاعدد قليل من الطلاب و الاستعداد للحصول على فرصة للقبول يستغرق من الفرنسيين دراسة سنتين تحضيري.

وممكن جامعات خاصة بس اغلبها غير معتمدة من قبل الوزارة.

كييف زحمه غير طبيعيه؟؟ وهل عندك مصدر؟؟ لانو اذا بتصدق الناس صدقني ماراح تعيش ولا تحقق امنياتك

المصدر: بحثي المكثف لمدة شهر على الانترنت!

عموما انا ما اكذبك اكيد

بس حاول تتأكد بنفسك من صحة هالمعلومه , وبعدين كل جامعه ولابد فيها ازدحام ..

اسال اي شخص يدرس هناك بجامعة حكومية باي من المدن الكبيرة وتاكد من صحة كلامي!

اوكي .. طيب انت جربت بنفسك؟؟

وبعدين اخوي تقصد الزحمه بالتسجيل والقبول او شي ثاني؟؟!

وانا اخوك انا ماجربت، بس اسال اي عضو او شخص تعرفه يدرس بفرنسا وشف وش يقولك.

ولا يرجال، القبول سهل اذا قدرت تجيب اعلى درجة في اختبار الDELF (توفل حق اللغة الفرنسية)واللي هي B2 (مستوى رابع) تقدر تدخل اي جامعة حكومية باي تخصص تبغاه بسهولة، مافي شروط ثانية.

بس اول سنة في الكلية بتكون فيه زحمة مو طبيعية، لكن بعد السنة الاولى الجامعات الحكومية تصفي كثير من الطلاب عن طريق وضع اختبارات صعبة، وقليل من الطلاب يعدي الاختبارات ويكمل دراسته للسنة الثانية.

هذي هي القصة بالتفصيل للجامعات الحكومية بفرنسا.

الزبدة: متحمس لفرنسا؟ اجل يبغالك تشد حيلك في اول سنة باي جامعة فرنسية حكومية، وبترتاح بعدين من كل النواحي، خاصة ان الزحمة بتخف بالقاعات الدراسية بعد اول سنة دراسية بالجامعة الحكومية.