أنا عن نفسي والله العظيم لو عندي أي معلومة تساعد أي طالب كان ما تأخرت دقيقه ؟ ذ

ان شاءالله ابي اطالبكم اصير مشرفة القسم هذا .. بس مب الأن بعد ما اوصل هيناك
وارد ع الجمييييييييييع وما اخلي احد يحتاج شيء

اختي انشاء الله ماحاد يقصر معاك
بس ياختي طلاب فرنسا قليلون جداً ويكادون ينعدمون .
لاتحسبيهم زي طلاب امريكا او كندا

فلذلك لن تجدي ردود
انا نفسي طرحت الف سؤال هنا ولا احد يجيب

عدد طلاب فرنسا قليل جداً

اجل الله لا يهينك نسوي انا وانت حزب ل فرنسا .. هينا ..
طبعا انا لين ما اروح واعرف الموضوع ثمن بساعدك بالموقع بالأسئله والأجابه

ما تقصر شكرااااااااااا

ياليت والله اقدر افيدك عن فرنسا ..والله ماكان تأخرت ..

بس زي ماقالت الأخت Le traducteur طلآب فرنسا قليل ولآ يقارنون بطلاب امريكا وبريطانيا وكندا ..

لكن ليش ماتآخذين رقم الملحقيه بفرنسا وتستفسري منها عن كل شيء ..

هذا رقمهم ..

0033156605000

وبالتوفيق ..

شكرااااااااااااااا
تشكرات لكم ع الرد )))))))))
وع فكرة صدق لازم نساعد بعض يعني امريكا كندا ياربي على المجموعات الي هناك

عامة شكرا وما قصرتواااا

بالعكس طلاب فرنسا عددهم جيد
بس للاسف مايدخلون الموقع من بعد الابتعاث

ولو دخل تلاقيه بس يطرح سؤاله ويروح

ايش يااختي مشكلتك ؟ ممكن اساعدك بالي اقدر عليه

هو فعلاً لا يوجد أحد هنا فضلاً عن أن المواضيع المثبة ما يرد صاحبها وهو كاتب انو يقبل أي استفسار !!!!!!

لكـــــــــــن ربي يعين

ع العموم أنا عايش هنا بالرياض بين فرنسيين وأحاول أخش هنا وأجاوب على اللي اقدر بس حتى اذا جاوبت اللي يسأل وناقشته علشان يفهمني سؤاله يروح ما يرجع؟؟




بالتوفيق....

السلام عليكم اولا شكرااااااااااا ع الرد وتسلمون

أولا أبي بعد 3 او 4 شهور اروح فرنسا .. طبعا انا بنت يعني لوحدي احتاج اقعد في مكان أمان ومريح وبنفس الوقت ماهيب ضيقة صدر
ابي اتعلم اللغه لآني ان شاءالله بكمل ماستر طب أسنان
الحين سؤالي ؟
كنت محتاره بين مدن تولوز و ليون ؟؟
السؤال الثاني : وش الأفضل أخذ اللغه الفرنسية في الجامعه ولا في معهد برا الجامعه ؟
السؤال الثالث : هل في مكاتب هيناك تجيب قبول للماستر ولا مافي ؟
السؤال الرابع :: حاليا أسعار السكن والمعيشه كيف ؟ سواء مع عائله او في سكن طلاب او لوحدي في استديو
علما بأني رايحة ع حسابي الخاص

وشكرااااااااا

أختي بالنسبة لوجودك لوحدكـ أنا ما أشوف فيه مشكلة خاصة بفرنسا (ع الأقل ع شان ما تكبرين المسألة)

وبالنسبة للوحدة وضيقة الصدر ترى اللي يصنعها أنتي يعني بس توصلين فرنسا روحي لمدينة كبيرة واطلعي روحي مكتبات روحي مسرحيات ثقافية أو توظفي بالتطوع يعني بدون راتب كذا بيطير عنك الطفش والملل وبتكتسبين لغة وثقافة وصداقة وعلم ،، يعني انتي طبيبة شوفي لك مستشفى روحي لهم وقولي بشتغل بعمل تطوعي ،، وسجلي بنوادي صحية واختلطي مع الناس الصالحة والطموحة .

وانتبهــــــــــــــــــــــي
من النت خاصة مواقع النفسيات زي بعض المواقع اللي تتواصلين بالناس عن طريقها تراها هي اللي تجيب الاكتئاب والمرض ،، النت خصصي له ربع ساعة فقط .
ولا تروحين للشقة الا وقت النوم فقط ،، وكذلك انتبهي من الذهاب للكفيهات والاماكن اللي تكونين جالسة بروحك.
أنا مثلا بالنسبة لي بشوف لي مكاتب محاماة وبخدمهم ببلاش..! وفيه مراكز تدريب مجانية ومحاضرات بشرق اوربا مدري عن فرنسا.

المدن صدقيني انتي اللي تحددينها فيه ناس ما تبي تتعلم ولا تتثقف لذلك تدور مدن صغيرة علشان تاخذ الشهادة بدون وجع راس وترجع للسعودية وتدور وظيفة وخلاص يعني بتريح مخها
وفيه مدن فيها الاامان او البرد القارس ووو .... فأنتي خشي جوجل وابحثي عن خصائص المدينة واختاري بنفسك ما عليك من كلام غيرك.

الثاني : طبعا اكيد معهد تبع الجامعة منها تستفيدين اذا بتلتحقين بنفس الجامعة يسهلون عملية القبول خاصة باختبار اللغة،،، لكن بعض الناس يفضل المعاهد المستقلة علشان السهولة والتساهل بالامتحانات ويغيب ويريح راسه ويتوهق بالجامعة . (طبعا فيه معاهد جيدة)

الثالث : مدري بس انتي اذا رحتي هناك ونتي تدرسين اللغة دوري افضل بألف مرة من المكاتب اللي يبون فلوس وخلاص ويدورون ازفت الجامعات علشان يجيبون القبول بسرعة واساسا ما تقدرين تجيبين قبول جامعة الا بعد ما تخلصين اللغة

الرابع: السكن تقول احدى الاخوات هنا العوائل بـ700 وهو نظام موحد لكن اعتقد فيه ب400 حسب كلام الملحقية وانا انصحك بالعئلة ع الأقل أول ما تروحين علشان يدبرونك وتفتكين من مصاريف الما والكهرب والنت ووو والمعيشة على حسب مصاريفك فيه ناس ما تكفيها 15 الف وفيه ناس تكفيه الف يعني حقين الجوالات والنت والكافيهات والمطاعم ووو الله يعينهم

سكن لوحدك بباريس الاستديو ب900 الى 1200 برى باريس ب400 الى 600 يورو بس ربي يعينك بمصاريف الفواتير
سكن الطلاب ب120 بس عليه زحمة ولازم حجز
رأيي أول ما تروحين اول 3 شهور خذي عائلة بعدها انتي دوري هناك

بالنسبة للمعيشة الاسعار نفس السعودية مو بعيدة يعني مثلا السندوتش شورما كبيرة ب3يورو ووجبة من ماكدونالدز ب7يورو يعني قريبة من الرياض موية 2ليتر ب1يورو
بس انتي كوني اقتصادية جدا فيه اكل رخيص تشترين المكونات من كارفور وتقدرين تطبخين بمطبخ العائلة

وبما إنك رايحة ع حسابك دائما استخدمي المواصلات الميترو بطاقة بـ100 يورو سنة كاملة خذي خصم حق الطلاب يوديك للي تبغين
وموبايل 30 يورو شهريا

يعين تقدرين تقتصدين بس يبيلك تتحملين اذا انتي متعودة على فخفخة اهلنا

والمعيشة تكفيك على كلام الناس هناك 150الف ريال سنوياً بالنسبة لي تكفيني 70 الف وووووواجد وراح اعيش بذوق واتيكت وصرف بذكاء

وهــــــــــــــذي روابط تهمــــكـ

1- نظام الدراسة ع الرابط هذا: http://www.interad.co/?page_id=181

2- نظام مرحلة اللغة والجامعة والمعاهد والجامعات المعترفه (قابلة للتحديث) http://www.interad.co/?page_id=98

3- نظام المعيـــــــشة والاسعار: http://www.interad.co/?page_id=183

وبالتوفيق،،،