الأعضاء الإشتراك و التسجيل

الملتقيات
ADs

رجاء أخوي

رجاء أخوي


NOTICE

تنبيه: هذا الموضوع قديم. تم طرحه قبل 5889 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية selver
    selver

    مبتعث مستجد Freshman Member

    selver فرنسا

    selver , ذكر. مبتعث مستجد Freshman Member. من السعودية , مبتعث فى فرنسا , تخصصى قانون , بجامعة pierre mondes france
    • pierre mondes france
    • قانون
    • ذكر
    • grenoble, grenoble
    • السعودية
    • Nov 2007
    المزيدl

    February 12th, 2008, 09:57 PM

    السلام عليكم ورحمة الله وبركاته

    اخواني ساكنين منطقة الرياض هل لا تكرم احدكم ودهب الى وزارة التعليم العالي وسألها عن قبولاتنا (معقولة مافيه احد من سكان الرياض طالع الى فرنسا ) رجاء خاص اداكان احد معانا بيطلع على فرنسا ان يتكرم ويعطينا من وقته الثمين ويدهب الى الوزارة ويرى ما الدي حصل بقبولاتنا

    وتقبلو مني كل التحية وجزيل الشكر
  2. أضم صوتي لصوتك .. ياريت اللي رايح يسألهم بالحرف الواحد .. هل راسلتوا فعلاُ الجامعات والمعاهد في فرنسا ومنتظرين الرد ولا لا.. إيش المعاهد اللي راسلتوها .. ومتى هتبدأ الدراسة.. لو قالولك انتظر ردّ عليه لمتى انتظر إن شاء الله بصراحة هل فيه قبولات هتجيبوها ولا لا ؟؟؟؟!!!!!!!
    ياريت لمّا تروح تسأل لا تسأل موظفين روح طوالي على أي دكتور : ماجد الحربي ، أو د.هذال العتيبي على فكرة د.هذال هو المسؤول عن قبولات أسبانيا يمكن عنده فكره عن قبولات فرنسا.. رجاءاً ... الله يوفقكم ويوفق الجميع إن شاء الله
    7 "
  3. السلام عليكم ورحمة الله وبركاته

    اخواني الطيبين الشاطرين كانكم كنتو معاي يوم الاحد اللي راح

    أنا من سكان الرياضضضضض يا طويل العمر (( أقووووووووول وين جوهررررر ))

    ورحت للوزارة قبل أسبوعين ويوم الاحد الفايت وسألتهم عن قبولات فرنسا وحصل الاتي

    الموظف : نعم أخوي
    أنا : هلا يالحبيب أبي اسال عن قبولات فرنسا
    الموظف : راح يتصلون عليك
    انا : طيب في احد اقدر استفسر منه عن القبولات خصيصا
    الموظف: ياخي راح يتصلون عليك
    أنا : طيب ياخي مر شهر ونصف وانتم تقولون خلال شهر راح نتصل وللحين ماجا شي
    الموظف: مالي علاقة أنتظر الاتصال انشالله

    المهم راح اقولك اللي صار معا شباب اصدقائي من جدة هم جو للرياض الاحد علشان الوزارة علشان كذا انا سألت هذولي طول الله في عمرك اللي حصل معاهم الجامعة راسلتهم وعطتهم ابلكيشن وهم عبوه وردو ارسلوه على الجامعه والاوزارة ماكان لها اي تدخل الى ان جا واحد وقالهم ان القبولات وصلت وتقدرون تاخذونها فلذلك جو الرياض وراحو معاي الوزارة وسالنا قالو في مكتب قبولات اسمه مدري ايش للاستثمارات التعليميه ورحنا للمكتب قال والله مافي شي للبكالورويس فاااا خاب املهم ورجعو لحدة وهم في الطريق اتصلو على فرع المكتب اللي في جدة قالهم القبولات موجودة عندي هنا فااا فرحو الشباب الطيبين الشاطرين وراحو استلمو قبولاتهم
    وهذا ملخص اصحابي الوفد اللي جاني من جدة وهم مبتعثين لكندا وتوتا توتا خلصت الحدوتا وانا اقول ماراح يجي شي اذا ما تراجع الوزارة واانا على توقعاتي ان الددراسة في شهر 4 اقل تقدير لي اما اذا كان حركات ام سنه الله لا يقولها فاااااااا ربنا يعينك وعلى الطاري انا اذا ماحصل وجابو لي القبولا خلال الشهر الجاري واللي بعده راح اخذ الضمان المالي وادورلي جامعه وووومعهد وارجو اني افدكم ياااا اعزائي الطيبين الشاطرين
    7 "
  4. سيلفر

    أمس كنت بالوزارة ,, الله لا يوريك الزحمة


    - أول ما سألت المؤظف المختص عن قبولات فرنسا ؟
    طالع فيا الموظف .. كان عنده خبر << تحس انه عندة تعليمات معينه

    قالي : انتظر شوي

    ثم غاب حوالى الخمس دقايق وجاني


    فتكلم معي : انه في قبولات قاعدة تجيء الآن من فرنسا


    بس كان الوزارة قاعدهـ تنتظر تجمع قبولات كل طلاب فرنسا , وتوزعها مرة وحدة .



    وهذه كل السالفة ,, يا طويل العمر والسلامة
    7 "
  5. شكرا لكم جميعا على تفاعلكم مع الموضوع لكن والله استملينا لو احنا مخلصين اجراءاتنا بعد تقول اوكي ماعدنا مشكلة الا ابد ماسوينا شي باقي مرمطة السفارة وبعدها مرمطة الوزارة والأعضم من هدا كله رايحين على دولة ما نعرف ولا شي عن لغتها

    ما اقول الا الله يعين
    اضم صوتي للك لملوم حبدا لو سألتم اي شخص قبل اسمه بيت شعر
    هههههه يعني دكتور او استاد دكتور
    وشكرا
    7 "
  6. الله يعطيكم العافية جميعاً ..
    بس من جدّ فيه موظفين ما عندهم أي معلومات ويقوم يتفلسف من عنده زي مثلاً الموظف اللي بيقول.. فيه قبولات وصلت ومنتظرين باقي الطلاب علشان يوزعوها مرة واحدة طيب فرضاً الناس اللي جاهم قبولات مبكرة مواعيد دراستهم قريبة أقرب من الناس اللي لسه قبولاتهم ماوصلت وبعدين يجي الطالب مسكين يتفاجأ إنه موعد دراسته فات أو ما باقي عليه إلا أسبوع أو أقل والفيزا يبغالها على الأقل شهر وشويه يعني بأي منطق الموظف ده بيرد..

    فياريت اللي يقدر يطلع لأي دكتور هذال العتيبي أو ماجد الحربي .. ويستفسر منه بصراحة كده هل راسلته الجامعات والمعاهد فعلاً ولا لا بمعنى هل فيه قبولات حقيقية منتظرينها ولا ما في؟ ؟ لمتى الانتظار؟؟

    بصراحة نبغى نرتاح بس .. هل فيه فعلاً شيء ولا بس ينايمونا في العسل وبعدين تتفاجيء بالصواعق...
    7 "
  7. اي والله ياخوفي من الصواعق بعدين يا اأخ / اخت لملوم والله كاني احس انهم بيعطونا القبول وبيقولو لنا لكم اسبوع لاحضار الفيزيا يعني دبرو حالكم

    لدللك رجاء خاص من الاخوة في الرياض الدهاب الى احد المسئولين وسؤالة مباشرة عن وضعنا
    ونشكره سلفا على تحملة عناء الدهاب للوزارة
    7 "
  8. يا شباب يا طيبين اولا السلام عليكم

    ثانيا ليش احنا ما عندنا ثقة في موظفينا الاعزاء اذا كان عنده شي ليش بيخبي
    ارجو انكم تثقون شوي فيهم ترا الناس تاخذ رواتب موب ببلاش يشتغل ولاهم بيصرفوننا حتى لو كان بيصرف ايش بيستفيد ؟؟؟ لعلمكم الوزارة محترمين وشغلهم يشكرون عليه جزاهم الله الف خير لاكن اللي اقولك اللي يخلي الموظف يرد عليك بدون نفس وتروح تظن انه يصرفك ومدري كيف ترا لا تلومه يجونه ناس اعوذو بالله ينرفزون اللي ما يتنرفز ويسوون حركات مالها داعي والدليل الاخ اللي يقولك الزحمة في الوزارة ترا 90&#37; ماعنده سالفة جاي يسأل هل ممكن أسوق سيارة دفع رباعي في بلد الابتعاث أسئلة تافهه مع احترامي ووووحركات مدري وش تبي واذا ماجاوبه الموظف وقاله روح للقسم الفلاني جا في المنتديات هذولي يصرفوني وهذولي يبون الفكة مني وهذولي مدري ايش !!!

    ارجو تتقبلون الواقع اللي احنا فيه المفروض جميع المبتعثين يخضعون لمقابلات شخصيه لأن صراحة المبتعث يعد صورة للبلد ويعني اكبر مصدر لعادات البلد وعقليته فلذلك اقترح عليهم هالرأي ويمكن سمعتو عن الدفعات السابقة وما حصل فيها من افعال وحركات والله تقهرررررر

    وووووانا نقلتلكم الصورة الموجوده في الوزارة يا شباب المدن الاخرى فااااااا انشالله اني ما نقلتلكم الا الكلام الحاصل وارجو منكم اللين على الوزارة فلا تصدق مصدر او مصدرين يذمون فيهم ترا الوزارة والله لو تحسبها ترا والله يتعبون واجد واجد وشغلهم الشاغل 6000 شخص وليس شخص واحد وسلامتكم وشكرا
    واختي لاملوم والاخ الطيب سيلفر ولا يهمكم علشان تتطمنون انا رايح الوزارة السبت او الاحد واكلمكم الدكاترة كلهم واخذ منهم الكلام مع اني متأكد بيكون زي كلام الموظفين لاكن والله لاروح ولا يهمكم اعزائي الشطار وفي امان الله
    7 "
  9. المشاركة الأصلية كتبت بواسطة selver
    شكرا لكم جميعا على تفاعلكم مع الموضوع لكن والله استملينا لو احنا مخلصين اجراءاتنا بعد تقول اوكي ماعدنا مشكلة الا ابد ماسوينا شي باقي مرمطة السفارة وبعدها مرمطة الوزارة والأعضم من هدا كله رايحين على دولة ما نعرف ولا شي عن لغتها

    ما اقول الا الله يعين
    اضم صوتي للك لملوم حبدا لو سألتم اي شخص قبل اسمه بيت شعر
    هههههه يعني دكتور او استاد دكتور
    وشكرا
    أي مرمطة يا اخي العزيز ؟؟؟

    مافي اي مرمطة ترا الموضوع سهالات الوزارة ازهلها عطني اوراقك وانا اغقبلك فيها اذا تظن انها بترمطمطك والسفارة زرتهم سابقا انشالله انهم بيتعاونو معاك وموضوع اللغة سبق تكلم فيه كثير من الشباب اللغة ليس بعائق اخي الكريم واذا ممكن عندك واسطة حول انصحك بانك تحول مادام ما تستطيع تتعلم لغة ثالثه فااا لا تحمل هم مافي اي مرمطة الدنيا حلوه لا تعكرها بالتفكير السلبي تقبل ردي اخي العزيز
    7 "
  10. أشكرك ياأخي eric صراحه انك خطير وكتابة هذا السناريو بينك وبين الموظف ممتاز جدا ومع شوي تخيل للزحمه في الوزاره ههههههههه ياشباب خلونا نتفاؤل شوي وان شاء الله كلنا بتسهل امورنا وبتجي القبولات وبنروح السفاره وكل شي بيصير اوكيه تفاؤلو ا بالخير تجدوه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.