هذا مادار بيني وبين الملحق السعودي في باريس ... تحطيم

للاسف اللي كلمك بالملحقيه هذا يبي يطفشك وبس>>>خاصة من كلامه ان فرنسا غاليه
هو صح انو الالحاق بفرنسا بعد قبول الجامعه بس انا اشوف ناس يلحقونهم وهم باللغه!!!
وعن تجربه ،،،،الملحقيات السعوديه بكل العالم كلامهم شي وفعلهم شي ثاني حتا موظفين الملحقيه نفسه كل واحد يقولك كلام غير الثاني>>> خلاصةً اعتبر انك ماكلمتهم ولا يحبطك كلامهم
شد حيلك واذا ربي كاتبلك رزق بفرنسا بتاخذه

الحقيقه هو طفشني
بس اذا الالحاق بعد الجامعه فعلا والنظام ماكان فيه مرونة مثل امريكا وكندا
معناها ماراح ادفع اقل من 150 وانا اضحك
وانا بصراحة مامعي هالمبلغ نهائي
قمت افكر باسبانيا .. لكن الى الان ماحد فادني فيها

الله يرزقك الجنه ع ردك ياقمر

أنا عندي أخوي يدرس لغه من سنه وألين اليوم الملحقيه ترفض قبول أوراقه بسبب عدم توفر قبول جامعي ..

بصراحة أنصحك تحول أمريكا بسبب سهولة القبولات الجامعيه وسهولة الإلحاق أما هنا في فرنسا الوضع لك عليه شوي غير إنه لغتهم ودراستهم صعبه ..

أنا أكلمك عن تجربه وهذا أنا قربت أخلص أول ترم في الجامعه ودرجاتي تفشل مع العلم إني أذاكر طول اليوم ولو ما كنت بالجامعه تلاقيني عند مدرس خصوصي ..

تحياتي

عن تجربة قريب لي لم يضم للبعثه الا بعد إنتهاء اللغة الفرنسية وقبول وتسجيل رسمي بالجامعه

الوضع فعلا صعب بفرنسا
الله يسهل لك امورك اخي

استخير وسلم أمرك لله
حاول تشوف خيار اسهل

مرحبا اخي
اكيد عندما تتكلم مع مسئول بيكلمك حسب النظام ولاكن في استثنائات وفر قبول معهد وجامعة وارفع مباشرتك وربنا ييسر امورك بالتوفيق ,,,,,

والله مادري وش اقول ، خلونا بين نارين
نار انهم بيضمونا بعد اللغه على طول ونار انهم بعد ترم بالجامعة وراح نتكلف كثييير. ، والجواب!؟؟؟
لاحول ولا قوة الا بالله

هل الملحق هو نفسه د.عبدالله الخطيب ولا تغير ؟

اولا اسلوبه غلط حتى لو معه حق
ثانيا صحيح فرنسا شوي غاليه لكن فيها مساعدات كثيرة للطلاب، الطلاب لهم معامله خاصة في كل مكان ، مطاعم وسينما والباصات وكل اماكن الترفيه للطلاب تخفيض يوصل حتى ٥٠ ٪
واذا انت تحت ال ٢٥ تكون لك ميزة اكثر
حاول تروح مدن رخيصه واسكن عند عوائل راح توفر كثير خاصة من ناحيه فواتير الكهرباء والماء والانترنت
اعتقد ١٥٠٠ يورو شهريا تقدر تمشي نفسك فيها مع شوي اقتصاد
سكن من ٥٠٠-٧٠٠ ووجبات الغداء ماتتجاوز ال ١٢ يورو وتذكرة الباص تقريبا ٣٠ يورو وفيه كرت الافنتاج يعطيك خصومات لمحلات كثيرة للملابس والاحذيه والمطاعم والسينما
تذكرة القطار بنصف السعر للاقل من ٢٥ سنه وباقي مصاريف البيت اذا كنت لوحدك


لكن انبهك ان اللغة مو سهله !! خاصة اذا رحت وانت مبتدئ واذا كنت لاتشوف افلام ولا تسمع راديو فرنسي ولا تتكلم مع فرنسيين ابدا فاعرف ان حتى في سنتين ما راح تجتاز اللغة !!
كل انسان يعرف قدراته ، لاتقول انا اذا رحت بجتهد وبتعب وووو ، انت اعرف نفسك ولا تورطها اذا كنت تعرف نفسك في الدراسه مجتهد جدا جدا فا اقولك توكل على الله وروح
اعرف ماشاء الله طالب سعودي وصل ال بي ٢ في ٨ شهور بس وهذا نادر حقيقه

لكن اذا كنت من النوع المتساهل شوي وماعندك جلد على المذاكرة ٣ ساعات يوميا من غير دوام المعهد ( منها حفظ تصريفات الافعال - فوكاب - سماع الراديو )، اقولك لاتتهور وتروح
في طلاب اخذو سنتين وهم في نفس المستوى ماتغيروا


موفق ان شاء الله

صح الاسلوب غلط لكن معه حق انا اقترح تروح بلد ثانيه والله بدل لاتتوهق ماتدري يمكن تتوهق ولايجيك الحاق بسرعة

الله يوفقك

أنا أقول أنك تبحث عن دوله أخرى تكون قويه في تخصص الكهرباء وتبدأ تشتغل عليها