الأعضاء الإشتراك و التسجيل

الملتقيات
ADs

يارب توفقني وتوفق الجميع

يارب توفقني وتوفق الجميع


NOTICE

تنبيه: هذا الموضوع قديم. تم طرحه قبل 5852 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية francaise
    francaise

    مبتعث مستجد Freshman Member

    francaise فرنسا

    francaise , أنثى. مبتعث مستجد Freshman Member. من السعودية , مبتعث فى فرنسا , تخصصى traductrice , بجامعة roi saoud
    • roi saoud
    • traductrice
    • أنثى
    • ROUEN, Normandy
    • السعودية
    • Mar 2008
    المزيدl

    March 22nd, 2008, 09:13 AM

    بونجوووور للجميع...

    اتمنى الجميع يكون بالف خير؟؟؟

    انا معاي بكالريوس ترجمة فرنسي و عندي نية أكمل دراستي باذن الله..ومره محتارة وابي احد من جد يفيدني ...انا ناوية اطلع بعثة واكمل ماستر ..بس مااعرف وين؟ ولا ايش اختار التخصص..مادري ايش تنصحوني ؟؟ التعليم العالي ماطرح تخصص لغات او ترجمة..

    انا عندي فرصة اختار الدولة..وانا محتاره اروح فرنسا او كندا..انا حاسه فرنسا الشهادة منها تكون اقوى..بس انا زوجي بيروح معاي وودي يستفيد...ففكرت في كندا..لما استفسرت وسالت..بعضهم نصحني بفرنسا وبعضهم نصحني بكندا..وقالو لي عن مدرسة عريقة بكندا للترجمة ادرس فيها سنة اولى انجليش بعدين فربينش..يعني شهادة..فرنسي انجليزي عربي...مادري فيه احد يعرف هذي المدرسة؟؟ وهل القبول منها سهل؟؟ وهل فيه اسامي جامعات ومعاهد في كندا او فرنسا تنصحوني فيها..وهل تنصحوني اكمل ماستر ترجمة او فلو ؟...؟.

    لو اخترت تخصص تسويق او علوم كمبيوتر اذا رحت هناك ممكن احول؟؟

    وعندي سؤال مره مهم..انا رايحه ادرس..بيعطوني كورس لغة بعدين جامعة...هل اجيب قبول معهد وجامعة ولا الجامعه تختبر لغتي بعدين تعطيني كورس لغة ..؟؟

    من جد محتاره ومادري شلون اتصرف اتمنى تساعدوني
  2. أتمنى أني أقدر أفيدك ولو بالشيء القليل وأكون أفضل من اللى دخل وطلع ولا كتب شيء ..

    بما أنكـ تعرفين تتكلمين فرنسا هذا شيء ممتاز ويسهل عليكـ ..

    بس أذا قدمتي فرنسا راح تتلعوزين في شغلة القبول ..

    أنت عارفه أنو طلاب الدول الثانيه مشوو دولهم وحنا طلاب البكلوريس - فرنسا - لسه ما أستلمنا القبول ..

    اللهم الأسبوع الماضي سلمو طلاب الدراسات العليا قبولات اللغة ..


    بالنسبه للتحويل والمعاهد ما عندي علم ,,

    أنا أنصحكـ تحطين الموضوع في ملتقى كندا ...

    يمكن يفيدونكـ ..

    بالتوفيقـ!!
    7 "
  3. السلام عليكم ورحمة الله وبركاته

    اختي la francaise انا ايضا متخرج من الجامعه تخصص ترجمه وقدمت على البعثه وقبلوني في تخصص تسويق مع انه مو الاختصاص اللي ارغبه لكن التعليم العالي يحصر الطالب في تخصصات محدده واقرب شي لتفادي خسارة البعثه هو التسويق

    بالنسبة للتعليم انا ارى ان فرنسا الانسب من عدة نواحي منها انك تقوين لغتك الفرنسية
    انا كنت في السابق افكر بنفس تفكيرك لكن الحمدلله وقع الاختيار على فرنسا وان شاء الله تتيسر امورنا جميعا

    اما بالنسبة للتحويل والامور اللي راح تحصل في فرنسا لا تشيلين همها انتي اذا قبلتي ورحتي فرنسا باذن الله راح تتيسر امورك والان الامور كلها مسيره من تحت يد الملحق الثقافي الدكتور عبدالله الخطيب وهو انسان يسعى الى الوقف وتسهيل اجراءات الطلبه المبتعثين يعني لا تستصعبين الامور
    وبالنسبة للقبولات هم الي راح يجيبونها لك اذا قبلتي في البعثه لكن ان كنتي مستعجله في السفر حاولي تجيبين قبول معهد لغه فقط وراح ينهون اجراءاتك باسرع وقت ولا تنسين تخاطبين المعهد بامر حجوزات السكن وحاولي تنهين امورك بنفسك عشان تطلعين باسرع وقت
    واذا كنتي تعملين حاولي تاخذين شهادات خبره لانها راح تفيدك في القبول في تحويل التخصص اذا اردتي ان تدرسي المجال اللي عملتي فيه على اقل تقدير خبرة سنة واحده
    وانا انصح بدراسة اللغه مبدئيا وهذا راح يعود عليك بمنفعه سواء من ناحية اللغه او تعلم كيفية التواصل مع الفرنسيين خاصة عند دراستك للماستر باذن الله
    Bon courage
    7 "
  4. اشكركم على المرور والردود...والله يوفق الجميع يارب ..

    بس حابه اذا عندكم معلومات عن معاهد لغة قوية تعطي الدلف والدالف..في فرنسا او مونتريال في كندا ياريت تدلوني...

    بالنسبه للتخصصات اللي طارحتها التعليم العالي زي ماقلت اخght محدووودة جدا ولافيها ادب فرنسي او لغات او ترجمة...المشكلة اللي انا فيها انو الجامعات اللي في مونتريال وتدرس بالفرنسي مو معترف بها من قبل التعليم العالي..يعني اذا رحت هناك ممكن انضم لها حتى لو ماكانت معترف بها؟؟؟؟؟؟؟؟؟؟؟

    انا مممكن اروح كندا عشان زوجي يبي يدرس معاي وفرصه محدودة في فرنسا بالنسبة لشهادة دبلوم او بكالريوس باللغة الانجليزية...هل عندكم معلومات عن اشخاص خذو بكالريوس او دبلوم باللغة الانجليزية من جامعة في فرنسا؟؟؟

    واعذروني على الاسئلة الكثيرة..
    7 "
  5. بالنسبة للجامعات الموصى بها الكل يقول لازم تكون معترفه او من هذا القبيل لكن عشان ترتاحين من وجع الراس انصحك بانك تاخذين قائمه بالجامعات الموصى بها في كند وفرنسا وتختارين الجامعه المناسبه واذا كنتي ترغبين في جامعه غير موصى بها ودرستي فيها وطلبتي الالتحاق ماعندي علم اذا كان عادي او مايقبلون لكن كل الامور اصبحت تحت يد الملحق الثقافي دون الرجوع الى الوزاره يعني اتوقع راح يقبلونك

    بس لا تتكلين على توقعاتي

    اما بالنسبة لتعلم الانجليزية في فرنسا اكيد هناك معاهد وجامعات تعلم اللغة الانجليزية

    اختي francaise انا عندي صديق متخرج من دفعتي قبل في بعثة الماجستير عن طريق السفارة الفرنسية والان يدرس ترجمة في معهد لتعليم الترجمة في ستراسبورغ وسبق وقال لي انهم يعلمون لغات عديدة والانجليزي من ضمنهم وحتى اللغة العربية يقومون بتعليمها هناك

    انا اول ماراح اقابله على الماسنجر راح اخذ منه اسم المعهد والويب حقه ان امكن
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.