جالس اعبي ابلكيشن المعهد اون-لاين بس عندي بعض الاسئلة الضرورية جدا اذا سمحتو

وعليكم السلام
بخصوص المدة اعتقد٤ او ٣ شهور تكفي اذا شديت حيلك
بالنسبة للدفع يعتمد على المعهد، بعضها تطلب الرسوم كاملة وبعضها تطلب بس ديپوزيت ولمن توصل تدفع الباقي، فارسلهم ايميل واسئلهم ايش نظام الدفع
اذا انت تبغى ٣ شهور مثلا بس ما تقدر تدفع الا حق شهر، قدم على شهر واحد بس وقبل ما ينتهي الشهر مدد معهم
القبول يطلعلك ثاني يوم او حتى ممكن بنفس اليوم واكيد بيرسلولك القبول مع الايصال
بالتوفيق

لا ازيد على كلام الاخ abby

اذا كنت ناوي من الدراسة اكمالها للدراسة الجامعية والالتحاق بالبعثة فالافضل تطلب مدة القبول سنة كاملة وبعدها انتهائها يمددون لك كرت الاقامة من دائرة الهجرة ، بس لو طلبت قبول لمدة اربع شهور الفيزا بيعطونك اياها لمدة اربعة شهور وبعدها يمكن تجددها من دائرة الهجرة هناك ، اتصل بمدام صبريا بالقنصلية الفرنسية بالرياض وتأكد منها لو مدة الفيزا اربعة شهور كيف الية التجديد بعد انتهائها وكم المدة الي يجددون لك اياها .
وبالنسبة للمعهد ارسلهم ايميل وتناقش معهم قبل تحول لهم وبالصباح وبعد الظهر تلاقي بموقع المعهد شات اونلاين مع المستشارة تكلمها وتسالها وتناقش معها عن كل الامور(الرسوم،السكن،.....) وترى المعاهد ربحية وحريصة على استقطاب الطلبة ما انت محتاج تكلم مكتب ،، ونورملمو عالدفع عادي شهرياً لا تدفع المبلغ كله ، والقبول مثل ما تفضلوا الاخوان يرسلونه دايركت بعد ما تعبي الابلكيشن وتوصلهم الفلوس

اشكر جميع اللي تواجدوا افدتوني جعلكم العافية يارب ،،
اخوي ccs6 الحين ينفع اخذ من المعهد قبول سنة يعني على اني بدرس من عندهم سنة يعني 48اسبوع واقللها اذا وصلت للمستوى اللي ابيه قبل ما انهي ال48 اسبوع؟؟ ماراح يطلبون مني مخالفات؟؟؟ هذا اللي شايل همه لان عندي خلفية من اللغة من قبل ومتاكد اني بخلص الباقي قبل 7 شهور بس مثل ماتعرف شروط الفيزا الدراسية قبول سنة

نورملمو عادي ما يقولون شيء لا تصعبها، انا سبق طلبت من اليانس قبول لمدة سنة وصارحتهم وقلت لهم لغرض الفيزا وكتبت فترة دراستي بالابلكيشن 8 شهور و ووافقوا مع اني جلست اقل من هالمدة،،،
المعاهد الي تدقق هي المعاهد الحكومية التابعه للجامعات لان رسومها رمزية وغالب الي يجونها يجون من اجل الفيزا لاغراض غير الدراسة فاذا بلغت نسبة الغياب معدل يتخذون اجراءات ثانية ،،

انا فاهمك اخوي ،، بس انا الحين انحست ،، انت تقول جبت قبول سنة ،، وتقول عبيت الابلكيشن 8 شهور ،، كيف مافهمت؟؟ الابلكيشن هو نفسه اللي يعطونك عليه قبول واللي اللي تختار فيه المدة واللي يعطونك قبول عليه بنفس المدة اللي اخترتها صح ولا لا؟؟؟
يعني انت تنصحني اكتب سنة بالابلكيشن واذا وصلت لهم هناك اقول لهم انا ابي 8 شهور مو سنة بس عشان غرض الفيزا ،، اخاف يعطوني غرامه او شي مثل كذا
اخوي معليش ازعجتك بس اول مرة احجز معهد اون لاين بهالطريقة واشكر تعاونك واتمنى لك التوفيق

انا سردت تجربتي لابين لك ان الموضوع عادي وما راح احد يلزمك انك تجلس بالمعهد او تعاقب لو ما جلست ، ولست ملزم انك تقول مثل كلامي ، انت اطلب قبول لمدة سنه ولو جلست اقل من هذه المدة عادي ما راح يلزمونك او يغرمونك انت حر تترك المعهد وقت ما بغيت ،

- - - مشاركة محدثة - - -

انا سردت تجربتي لابين لك ان الموضوع عادي وما راح احد يلزمك انك تجلس بالمعهد او تعاقب لو ما جلست ، ولست ملزم انك تقول مثل كلامي ، انت اطلب قبول لمدة سنه ولو جلست اقل من هذه المدة عادي ما راح يلزمونك او يغرمونك انت حر تترك المعهد وقت ما بغيت ،

- - - مشاركة محدثة - - -

انا سردت تجربتي لابين لك ان الموضوع عادي وما راح احد يلزمك انك تجلس بالمعهد او تعاقب لو ما جلست ، ولست ملزم انك تقول مثل كلامي ، انت اطلب قبول لمدة سنه ولو جلست اقل من هذه المدة عادي ما راح يلزمونك او يغرمونك انت حر تترك المعهد وقت ما بغيت ،

باذن الله جاري تعبئة الابلكيشن وانتظر الماستر يطلع من البنك خلال اسبوع عشان ادفع لهم المقدم وبقول وش صار بعدها
شكر لك تعبتك معي ماقصرت

السلامـ عليكمـ ورحمة الله وبركـاته اخي العزيز
ممكن اسألك سؤال !؟ ليش معهد FRENCH IN NORMANDY بالتحديد !؟


( تمت المشاركة باستخدام تطبيق مبتعث )