LinkBack URL
About LinkBacks
بعد مرحلة الترشيح المدبئي واللي كانت في المرحلة الثالثة بتاريخ: 15/08/2007
هتترسلك رسالة على الجوال تم ترشيحك مبدئياً وضمن الرسالة هيرسلولك المكان والزمان واليوم والتاريخ اللي المفروض تروح عليه علشان تسلمهم اوراقك.. انا طبعاً الحمد لله لمّا ترشحت مبدئياً جاتني الرسالة الساعة 6 المغرب يوم إعلان النتائج وموعد تسليم اوراقي كان في جدة وكان ثاني يوم مباشرةُ الساعة 9 صباحاُ .. طبعاً رحت على الموعد وكان عندي أوراق ناقصة وما قدمت الأوراق على الموعد قدمتها اليوم اللي بعده عقبال ما خلصت الأوراق والترجمة علشان كده نصيحتي لكم تجهزوا الاوراق والترجمة من الآن علشان لا تحوس أيام التقديم...وتروح على موعدك وإنت مرتاح ..
هتترسلك رسالة على الجوال تم ترشيحك مبدئياً وضمن الرسالة هيرسلولك المكان والزمان واليوم والتاريخ اللي المفروض تروح عليه علشان تسلمهم اوراقك.. انا طبعاً الحمد لله لمّا ترشحت مبدئياً جاتني الرسالة الساعة 6 المغرب يوم إعلان النتائج وموعد تسليم اوراقي كان في جدة وكان ثاني يوم مباشرةُ الساعة 9 صباحاُ .. طبعاً رحت على الموعد وكان عندي أوراق ناقصة وما قدمت الأوراق على الموعد قدمتها اليوم اللي بعده عقبال ما خلصت الأوراق والترجمة علشان كده نصيحتي لكم تجهزوا الاوراق والترجمة من الآن علشان لا تحوس أيام التقديم...وتروح على موعدك وإنت مرتاح ..
بعد الترشيح المبدئي وتقديم الاوراق المفروض يرسلولك رسالة تم المفاضلة أو التدقيق ماني فاكرة المهم يعني إنهم استلموا أوراقك ..
أنا الرسالة دي ما جاتني إلا متأخر وكل يوم وأنا عندهم ليش ما جاتني الرسالة اوراقي كاملة طبعاً بعد معاناة إيش طلع سبب تافه جداُ إقرار ولي الامر ما كانوا منزّلنوا أول أيام التقديم على موقع الوزارة نزلوا النموذج بعد ما قدمت الأوراق طبعاُ أنا كنت عاملة الاقرار بنفسي وبتعبيري وخليت بابا وقعوا وبس فكان في خطأ في التعبير والصيغة وطلبو إني أنزِّل الاقرار من موقع الورزاة وأقدمه مع الاوراق وقدمته يعني حتى الموظفة اللي بتستلم الاوراق ما علقت على الإقرار أخذته مني وسكتت كان المفروض تنبهني على الاقل بس على العموم الحمد لله قدمت الورقة حقت الاقرار وجاتني في نفس اليوم اللي قدمت فيه الورقة دي رسالة تم تدقيق اوراقك وكانت بتاريخ: 02/09/2007 ..
فنصيحتي قبل ما تروح اتأكد مليون في الميه إنه اوراقك كاملة حتى لو أتأخرت عن موعدك حق التسليم ما هي مشكلة المهم تكون اوراقك كاملة ومضبوطة..
أنا الرسالة دي ما جاتني إلا متأخر وكل يوم وأنا عندهم ليش ما جاتني الرسالة اوراقي كاملة طبعاً بعد معاناة إيش طلع سبب تافه جداُ إقرار ولي الامر ما كانوا منزّلنوا أول أيام التقديم على موقع الوزارة نزلوا النموذج بعد ما قدمت الأوراق طبعاُ أنا كنت عاملة الاقرار بنفسي وبتعبيري وخليت بابا وقعوا وبس فكان في خطأ في التعبير والصيغة وطلبو إني أنزِّل الاقرار من موقع الورزاة وأقدمه مع الاوراق وقدمته يعني حتى الموظفة اللي بتستلم الاوراق ما علقت على الإقرار أخذته مني وسكتت كان المفروض تنبهني على الاقل بس على العموم الحمد لله قدمت الورقة حقت الاقرار وجاتني في نفس اليوم اللي قدمت فيه الورقة دي رسالة تم تدقيق اوراقك وكانت بتاريخ: 02/09/2007 ..
فنصيحتي قبل ما تروح اتأكد مليون في الميه إنه اوراقك كاملة حتى لو أتأخرت عن موعدك حق التسليم ما هي مشكلة المهم تكون اوراقك كاملة ومضبوطة..
طبعاً بعد التدقيق هيتنام الوزارة فترة طويلة على النتائج ..عقبال ما تفرز وتدقق و تطلع النتائج النهائية..
نصيحتي هنا أكبر مخده في بيتكم كبِّرها ونام عليها وانسى البعثة دي نهائياً وعيش حياتك بشكل طبيعي.
طبعاً أنا عارفة إنه الكلام ده مستحيل هيصير هيفضل كل واحد مصيره وحياته متعلِّقه برنة رسالة على الجوال من MOHE
أنا عشت الايام دي والمعاناة والقلق بس من جد خلاصة تجربة خليّ ايمانك وأملك الوحيد بالله عز وجل بس والله عن تجربة إنا صار لي 4 سنوات من ساعة ما اتخرجت وكل بعثة تنزِّلها الوزارة اقدم عليها واقدم اوراقي واخلص الاجراءات ويجي على سبب تافه يهد الدنيا كلها ومريت بسلسلة إحباطات مررررررررة كثير وفي النهاية اكتشفت وما اخجل إنه اقولها وعن تجربة شخصية إنه مهما عملت اللي ربك كاتبلك هواللي هتأخذه إن شاء الله فين وفي شيء عمرك ما كنت تتوقعه في يوم من الايام .. ومع الكلام والاشياء اللي هذكرها بعدين هتشوف إنه والله ما هتأخذ إلا اللي ربك كاتبك هو..
نصيحتي هنا أكبر مخده في بيتكم كبِّرها ونام عليها وانسى البعثة دي نهائياً وعيش حياتك بشكل طبيعي.
طبعاً أنا عارفة إنه الكلام ده مستحيل هيصير هيفضل كل واحد مصيره وحياته متعلِّقه برنة رسالة على الجوال من MOHE
أنا عشت الايام دي والمعاناة والقلق بس من جد خلاصة تجربة خليّ ايمانك وأملك الوحيد بالله عز وجل بس والله عن تجربة إنا صار لي 4 سنوات من ساعة ما اتخرجت وكل بعثة تنزِّلها الوزارة اقدم عليها واقدم اوراقي واخلص الاجراءات ويجي على سبب تافه يهد الدنيا كلها ومريت بسلسلة إحباطات مررررررررة كثير وفي النهاية اكتشفت وما اخجل إنه اقولها وعن تجربة شخصية إنه مهما عملت اللي ربك كاتبلك هواللي هتأخذه إن شاء الله فين وفي شيء عمرك ما كنت تتوقعه في يوم من الايام .. ومع الكلام والاشياء اللي هذكرها بعدين هتشوف إنه والله ما هتأخذ إلا اللي ربك كاتبك هو..
يعني أنا مثلاُ ما كنت حاطه في بالي إنه ممكن حتى أفكِّر في إني ابتعث لفرنسا نهائياً يعني أنا كنت مقدمة في البعثة اللي قبل المرحلة 3 على أمريكا واتعكست معايا وما طلعت وما قدمت حتى على الفيزة كان عندي مشكلة في قبول الجامعة .. ولمّا نزلت المرحلة الثالثة وقدمت قدمت في البداية على أمريكا واحنا لسه أيام التقديم على الانترنت كان ممكن تغير رغبات الدول قبل ما يقفل موعد التسجيل فرجعت وفكرت اغير اول ما فكرت فكرت في فرنسا وغيرت الرغبة الاولى وحطيتها فرنسا والله العظيم إنها جات من عند الله .. ما كنت متوقعة إنها تجي أصلاُ ..ومع كل العكوسات والتعقيدات اللي صارتلي بعدين مع الفيزة وفيزة المرافق لدرجة إني فكرت في التحويل لدولة ثانية بريطانيا وفعلاً بديت في اجراءات التحويل ورغم كده في يوم وليله تنقلب الآية وتنضبط الامور بشكل ما كنت متوقعته نهائياً ويطلع قرار الابتعاث لفرنسا .. من عند الله ما اعرف كيف يعني الحمد لله على كل حال..طبعاُ تفاصيل التعقيدات دي كلها هتكلم عنها بعدين لأخذ العظة بس .. بس نصيحتي الآن لكم ولنفسي قبلكم التوكل على الله عز وجل في الاول والاخير و الصبر ثم الصبر ثم الصبر وعدم استعجال الامور والاقدار ...
الترشيح النهائي كان بتاريخ : 23/11/2007
الحمد لله ترشحنا نهائياً وعقبالكم جميعاً وتلقينا التهاني والتبريكات..
بعد الترشيح النهائي هنا هأبدا أخصص الموضوع لطلاب وطالبات فرنسا فقط .. لإنه بعد الترشيح النهائي خلاص بيتحدد إيش الدولة اللي انقبلت فيها..
بعد ما ترسلكم الوزارة رسالة الترشيح النهائي بعدها بفترة هتبدأ تنزل إعلان عن ملتقى المبتعثين الملتقى ده عبارة عن محاضرات عامة وخاصة المفروض يكون فيها معلومات تفيدك بخصوص الفيزة والسكن والجامعة والقبول والمعيشة عن الدولة المبتعث إليها وكمان في طلاب استلموا قبولاتهم في الملتقى بالتالي ده كان إنجاز ينحسب للوزارة .. بس للأسف كان تركيز الملتقى في المرحلة الثالثة على دول معينة فقط زي أمريكا واستراليا وبريطانيا ونيوزيلاندا ما كان في تركيز على بقية الدول..
بصراحة مبتعثين فرنسا المرحلة الثالثة ما أخذوا حقهم في الملتقى بس اتمنى إنه ده الشيء بإذن الله ما يتكرر مع طلاب المرحلة الرابعة وما اظن إنه هيتكرر لإنه كل مرحلة بتحاول الوزارة تتلافى فيها أخطاء المرحلة اللي سبقتها .. فإن شاء الله تأخذوا حقكم ثالث ومثلث دي السنة.. ويباركلكم فيها إن شاء الله..
المهم أنا هحاول دحين احط لكم نقاط للأشياء اللي عملناها بعد الملتقى.. تختصرلكم تساؤلات كثير عن القبول والفيزة و الاجراءات الخاصة بدولة فرنسا:
Alliance Française
101, bd Raspail
75270 Paris Cedex 06
Institut d’Etudes Françaises de Touraine
1, rue de la Grandière
B.P. 2047
37020 Tours Cedex
Cavilam de Vichy
14, rue du Maréchal Joffre
B.P. 2678 - ME
03206 Vichy Cedex
CAREL
48, bd Franck Lamy
B.P. 219C
17205 Royan Cedex
CLA
6, rue Gabriel Plançon
25030 Besançon Cedex
هاذي هي 5 معاهد اللغة الفرنسية المعتمدة من الملحقية .. 101, bd Raspail
75270 Paris Cedex 06
Institut d’Etudes Françaises de Touraine
1, rue de la Grandière
B.P. 2047
37020 Tours Cedex
Cavilam de Vichy
14, rue du Maréchal Joffre
B.P. 2678 - ME
03206 Vichy Cedex
CAREL
48, bd Franck Lamy
B.P. 219C
17205 Royan Cedex
CLA
6, rue Gabriel Plançon
25030 Besançon Cedex
بالنسبة للجامعة نظام القبول في الجامعات الفرنسية بالنسبة للأجانب بيعتمد على اجتيازك لاختبار اللغة الفرنسية يعني ريح رأسك ولا تفكر نهائياً من الآن إلين لمّا إن شاء الله تخلص وتجتاز مرحلة اللغة بسلام في قبول الجامعة ما في قبول جامعة فرنسية لا مشروط ولا غير مشروط إلا لمّا تجتاز مرحلة اللغة وهذا هو نظامهم يعني حتى لو جيت تقدم على الفيزة وقالولك في السفارة لازم قبول جامعة وحصلت معانا احنا طلاب المرحلة الثالثة وطلبوا مننا قبول جامعة قلنالهم ما في جامعة تقدر تعطيني قبول إلا لمّا أخلِّص اللغة وهذا مو نظامنا ترى هذا نظامهم همّا وترى حاولنا وراسلنا جامعات كثير نطلب منهم قبول ما في رد ده نظام التعليم الجامعي الفرنسي ما في قبول جامعة إلا بعد اجتيازك لاختبار اللغة الفرنسية والكلام نفسه قالولنا هو الملحقية السعودية في فرنسا لمّا طلبنا منهم يساعدونا في قبول الجامعة ..
طيب نجي دحين مين اللي يجيب قبول المعهد حق اللغة الفرنسية هنا عندك خيارين إما إنك تنتظر الوزارة تجيبلك القبول او تأخذ الضمان المالي من الوزارة وتوقع على تعهد إنك ما تلزم الوزارة بعد كده إنها تجيب لك قبول وتحط لك فترة محدة تجيب خلالها قبولك 3 شهور او 6 شهور ..
الحل الامثل إنك تنتظر الوزارة تجيبلك القبول حق المعهد وهذا هو الحل الاسلم والامثل وعن تجربة ما في داعي تتعب نفسك وتأخذ الضمان ويمكن ما اعرف هتقدر تجيب ولا لا ..
طيب كيف الوزارة أصلاُ تجيبلك قبول للمعهد الوزارة أرسلت أسماءنا وتخصصاتنا للملحقية السعودية في فرنسا وهناك في اثنين موظفين متخصصين في قبولات اللغة والجامعة بس خلينا الآن مركزين على قبول اللغة .. من هما المسئولين عن القبولات في الملحقية في فرنسا : مدام/جميلة المظلوم وأ/سعيد المظلوم .. هما اللي كانوا مسئولين عن قبولاتنا حقت المعهد
طبعاً كيف عرفن المعلومات دي احنا طبعاً قبولاتنا أتأخرت عن بقية الدول يعني تقريباُ ما استلمان قبولاتنا إلا بعد 4 شهور من الملتقى اللي عملولنا هو وفي الملتقى كانوا قايللنا قبولاتكم راح تجي بعد شهر بس فطول الفترة دي كنا بنتابع مع الوزارة والملحقية في باريس والقنصلية الفرنسية في جدة والسفارة الفرنسية في الرياض .. ما بدأت الوزارة تتحرك إلا بعد ما مر شهرين على الملتقى .. إن شاء الله الموضوع ده ما يتكرر في المراحل اللي جايه وأموركم كلها تتسهل بإذن الله..
المهم في قبول المعهد اللي تستلموا من الوزارة لازم تراعوا كذا نقطة:
· أول شيء يكون مدة الدراسة في المعهد سنة كاملة مثلاُ من 1/4/2008 إلى 1/4/2009 طبعاً القبول هيكون مكتوب بالفرنسي لا تتفجعوا عادي مرة هيكون التواريخ واضحة ومكتوبة بشكل واضح .
· ثاني شيء لازم يكونوا كاتبين في القبول اسم العائلة اللي هتسكنوا عندها وعنوانها تحت .
· نقطة مهمة للبنات اللي معاهم مرافقين أخوانهم بس من غير الاباء والازواج اول ما تستلمي قبولك تكلمي الملحقية في فرنسا مدام/ جميلة المظلوم او أ/سعيد المظلوم وتقوليلهم انا جاني قبول معهد للغة وأبغى أجيب قبول لغة للمرافق أخويا في نفس المعهد اللي أنا فيه وفي نفس السكن علشان أقدر اقدمله على فيزة إقامة طويلة (طالب ) غالباُ هيردوا إنك لازم تعملي خطاب للملحق الثقافي /د/عبد الله الخطيب وتكتبي في الخطاب نفس الكلام اللي قلتيه وتكتبي اسمك واسم مرافقك وترسلي الخطاب على فاكس الملحقية مع صورة من جواز سفر المرافق .. أنا عملت الخاطب وأرسلته 4او 3 مرات غير الاتصالات اللي بالتلفون على مدام جميله و الايميلات صرعتهم وجننتهم المهم أفضلي ورااهم إلين ما يرسلولك قبول أخوكي ترى جداًُ مهم قبول المرافق وخاصة إذا كان أخ هيسهلك بإذن الله الفيزة.
طيب ليش أنا نبهتكم على الامور دي لإنها اساسية ومطلوبة لمَا هتروحوا تقدموا على الفيزة .. واحنا لمّا استلمنا قبولاتنا أول مرة كانت ناقصة ورحنا قدمنا على الفيزة رفضوا يستلموا مننا الاوراق .. فرجعنا كلمنا مدام/جميلة المظلوم في الملحقية في باريس وأرسلولنا قبولات ثانية..
طيب إذا ما كنت حابب المعهد اللي حاطوني في الوزارة .. أمر جداً سهل إما إنك تكلم المحلقية وغيرولك المعهد قبل ما تقدم على الفيزة او مشي أوراق الفيزة بالمعهد اللي عندك قبول فيه ومن هناك تغير المعهد بس طبعاً لازم تكون أسبابك مقنعة للتغيير..
طيب بالنسبة للسكن مع عوائل للطلاب أمر إجباري على ما سمعت وللطالبات اللي معاهم مرافقين لو جاكي سكن مع عائلة مشي حالك بي علشان أوراق الفيزة وبعد كذه إن شاء الله من هناك تقدري تأجري إن شاء الله سكن خاص بمساعدة الملحقية او حتى المعهد اللي هتروحيلوا..أنا صحبتي اللي راحت كده عملت ..كتبت في اوراق الفيزة العائلة اللي هتسكن عندها ولما راحت هناك أجرت سكن خاص مع والدها ووالدتها..
هاذي أهم الاشياء عن القبول إن شاء الله بإذن الله تتيسر أموركم من دي الناحية وتوفرلكم الوزارة القبولات بسرعة أهم شيء تنتبهوا للي نقاط اللي نبهتكم عليها في القبول..
July 11th, 2008, 11:33 PM
النصيحة الثانية وإنت بتسجل رغيتك في التخصص والدول لازم تستخير الله مرة واثنين وثلاثة وتستشير أشخاص عندهم خبرة مو تستشير أحد من أهلك لا أشخاص عندهم خبرة سافروا وجربوا الدولة الي إنت تبغاها وتجمع أكثر قدر من المعلومات من اول مستوى الجامعات اللي فيها مستوى المعيشة واوراق الفيزة خصوصاً للي معاهم مرافقين.. وهذي نصيحة مني وعن تجربة وفي الاول والاخير هو توفيق من عند الله عز وجل…
بعد ما يقفل التسجيل على الانترنت تبدأ الآن تجهز أوراقك الللي هيطلبوها بعد الترشيح المبدئي أنا هأكتبلكم الاوراق اللي كانوا طالبينها أيام المرحلة الثالثة طبعاً لمرحلة الدراسات العليا فقط الماجستير .. :
طبعاٌ اهم نقطة في البداية لازم تتأكد من إن اسمك اللي في جواز السفر بالانجليزي مطابق لكل الاوراق الثانية اللي عليها اسمك بالإنحليزي ولا حرف متغير اسمك اللي في الجواز هو نفسه اللي على الوثيقة هو نفسه على كشف الدرجات هو نفسه اللي على التوصيات العلمية.. الاسم بالكامل اللي بالانجليزي..
1. صورة من جواز السفر وجواز سفر المرافقين.
2. صورة من بطاقة الهوية وبطاقة العائلة.
3. صورة طبق الاصل من وثيقة التخرج وكشف الدرجات طبعا هنا إذا كانت الوثيقة مترجمة بالعربي والانجليزي هيكون مرة ممتاز … بس إذا كانت بلغة واحد عربي فقط او انجليزي فقط لازم تروح مكتب ترجمة وترجمها إذا كانت بالعربي بس تترجم كمان بالإنجليزي وإذا كانت بالانجليزي بس ترجمها كمان بالعربي .. يعني لازم يكون عندك الوثيقة بالعربي وبالانجليزي وكشف الدرجات كمان بالعربي وبالانجليزي أنا ما كان عندي غير كشف الدرجات بالانجليزي بس فرُّحت مكتب ترجمة و ترجمتها بالعربي .. لازم تعمل الترجمة دي من الآن علشان الزحمة وهذي نصيحة مني عن تجربة إذا انتظرت إلين ما ينزلوا الترشيح المبدئي هتلاقي كل امة محمد عند مكاتب الترجمة وطبعاً هيبدأ المكتب يرفعلك في السعر ويماطلك في تسليم الورق وحالة.. فأبدأ من دحين خلِّص اوراقك .. طبعاً الوثيقة الاصلية وكشف الدرجات صوِّرها 5 صور ورح الجامعة او الكلية واختمها من عمادة القبول والتسجيل صورة طبق الاصل .. وبالنسبة للترجمة هيأخذوا منك الاصل المترجم افضل شيء إنك تصوِّرها وتخلي صور من الترجمة عندك..
4. 3 توصيات باللغة الانجليزية .. هنا لكل جامعة نظام مختلف بالنسبة لجامعتي او قسمي بالأخص انا قسم علم نفس جامعة الملك عبد العزيز طبعاً احنا ما عندنا الفورم حق التوصية اللي على الكمبيوتر تروح للسكرتارية وتعطيك فورم التوصية والدكتورة تعبية بخط يدها طبعاً أي حاجة بخط اليد مرفوضة تماماُ في جامعات برة خاصةً أمريكا وبعض الجامعات كمان تطلب إنه تكون التوصية دي مقفلة في ظرف وموّقع على الظرف من برة بتوقيع الدكتور ومختوم عليه كمان ..طيب إيش ساعتها اعمل خليت كل دكتورة تعمل التوصية زي ماهي بخط اليد وبعدين رجعت البيت وفرغت الكلام الموجود في التوصية على شكل مقال على الكمبيوتر وكتبت اسم المواد اللي كل دكتورة درستني هي وحطيت شعار الجامعة أعلى الورقة ومعلومات الجامعة وكتبت من تحت اسم الدكتورة ورقم تلفونها وايميلها ومسماها الوظيفي ما عدّلت ولا غيرت في أي شيء بس كل الكلام اللي كتبته بخط يدها فرغته على شكل مقال مرتب وطبتعه على الكمبيوتر اليوم الثاني رحت لكل دكتورة وخليتها توقِّع ووّريتها التوصية اللي هي عملتها والتوصية اللي انا عملتها على الكمبيوتر علشان تتأكد إنه ما غيرت شيء ووقعوا لي عليها ورحت السكرتارية ختمتها وختمتها كمان من إدارة الدراسات العليا في كليتي .. في شيء مهم أنا عملت من كل توصية 3 نسخ وخليت كل دكتورة توقِّع على 3 نسخ وختمتها كلها .. إذا حبيت تحط التوصيات في ظرف تأخذ من السكرتارية أظرف بعدد التوصيات اللي عندك وبعد ما تختم التوصية تحطها في الظرف وتخلي كل دكتور يوقع على الظرف من برة وبعدين تروح تختم على الظرف .. طبعاً في جامعات توفِّر عليك العناء ده كله بس تروح للقسم أو الدكتور نفسه وتطلب منه توصية ينزلك هي من الكمبيوتر ويوقعها وترح تختمها وخلاص المهم إنك في كلا الحالتين تخلي عندك من كل توصية 3 نسخ ..
5. خطاب الغرض من الدراسة باللغة الانجليزية وما يزيد عن 500 كلمة.. واعتقد في مواضيع هنا في المنتدى عن نماذج لخطاب الغرض من الدراسة ممكن تستعينوا بها.
6. تعبي طلب الالتحاق بالجامعة .. طبعاً الطلب ده بيكون على موقع الوزارة بتنزلوا من الموقع على ملف ورد وتعبي وتطبعه وتقريباٌ بينزلوه على موقع الوزارة ساعة الترشيح المبدئي مع الطلبات والاوراق.
7. نموذج إقرار ولي الامر للطالبات فقط نفس الشيء بينزل على موقع الوزارة وقت الترشيح المبدئي بتنرِّليه على ملف ورد في الكمبيوتر وتعبيه وتطبعيه.
اعتقد كده هي دي كل الاوراق الاساسية اللي طلبوها ما اعرف يمكن يطلبوا أشياء جديدة على العموم جهزوا الآن اللي تقدروا عليه ولو طلبوا شيء جديد أكيد ما هيكون شيء كبير أو صعب..