قبول جامعه في فرنسا .....حصري

اولا ... حياك الله اخوي ليقليق

ثانيا ... من ناحية التقديم انا استغرب صراحه بحثكم وما الى ذلك !!!!

يا اخي ... نظام الملحقية في فرنسا انه ما يحق لك اختيار لا معهد اللغة ولا الجامعة اللي راح تدرس فيها ... والشي هذا منطبق حتى على الاطباء الاستشاريين في فرنسا فـ غريب وضعكم مع السفارة الفرنسية !!!!!

انا ما اعرف وضعكم ... لكن اقترح عليك تكلم الملحقية الثقافية في باريس وتستفسر منهم في الموضوع لان سالفتكم معقدة شوي

ثانيا ... للامانة ... لا تحرص على فرنسا واجد اذا كان عندك خيار من دول تتكلم انجليزي من بريطانيا او استراليا او كندا ... الخ

لان الملحقية عندنا حايسة الموضوع والكل يشتكي منها ... وراس البلا انهم يخلون كل صغيرة وكبيرة عن طريقهم

واهم شي لا تنسى تستخير قبل لا تجي ... وكل تأخيرة فيها خيرة إن شاء الله

تحياتي لك

هلا وسهلا

ياعم انا متورط في فرنسا deja وعايش المعاناه مع الملحقيه العقيمه وملحقها الاعقم

الملحقيه حريفه معاهد اما الجامعات سلملي

تصدق انو الملحقيه رحتلهم يمكن خمسين مره ماعندهم لسته بالجامعات المعتمده

وهاذي الجامعه اخذتها من عندهم وقدمت عليها

الحمد لله على كل حال

ربك يفرجها علينا جميعا

الله يعينكم ياخوي ليقليق

بس حبيت اسألك ... انت جاي طب ولا تخصص ثاني ... لان ودي افيدك باللي عندي صراحه اذا كنت ماجيت فرنسا الى الان (لانه من وصفك فهمت انك بالسعودية الى الان)

انا في فرنسا ومتورط

وانشالله راح ادرس ماستر تسويق

الله يعين الجميع

الصراحه شي غريب وضع فرنسا الكل يشتكي من وضع الملحقيه والملحق.
الشي المحبط انو ان شاء الله بعد عشرين يوم امكن اكون في فرنسا ولسه في مشاكل في مسالة القبول.
سؤال مهم مهم كيف رايح ادرس ماستر تسويق وانا عمري ما درست اي ماده تسويق؟؟؟

مسيو محمد

الجامعات الفرنسيه بشكل عام ترفض تغيير التخصص بمعنى ماتكمل تخصص غير تخصصك

اللي انتا متخرج منه

ولكن

في الجامعات اللي تدرس بالانجليزي غالبا هناك سنه تاهليه تسمى premaster

تدرس فيها مواد عامه عن التخصص اللي حابب تكمل فيه الماستر بحيث يدوك فكره عن التخصص الجديد

وهاذا موجود في الجامعه اللي حاطط رابطها

ربك كريم انشالله ويسهل امورنا جميعا ويفكنا من الملحقيه العقيمه

السلام عليكم

حيلك الله اخوي مسيو محمد

انت اهم شي انتبه ... انت في برنامج master1 او master2 لان الـ master2 هو اللي يوازي شهادة الماجستير في السعودية اما اذا دخلت في برنامج master1 راح تضطر تاخذ من سنة الى سنتين زيادة

الان طلاب القانون متأخرين سنة كاملة في دراستهم ومتعلقين مع الملحقية بـ هذا الخصوص .. المفترض انهم بادين دراسة الـ master2 من شهر سبتمبر الماضي وفي جامعة السربون بعد!!! لكن انت عارف تعقيدات الملحقية حسبي الله عليهم .. حتى انهم على الاغلب ماراح يدرسون في السربون (وهذا الشي اللي طلعوا علشانه وتم تأكيده من الملحقية فور وصولهم) ... تخيل انهم صرفوهم وخلوهم يدرسون لغة وما سووا لهم اي شي ... والمشكلة موب سامحين لهم يسوون شي بنفسهم بعد

والله انا رأيي لك انك تفكر قبل مجيئك الى فرنسا ... ليس لـ فرنسا نفسها ... لكن لـ تعقيدات الملحقية فيها

بالتوفيق ياخوي

ملاحظة : جامعة السربون هي افضل جامعة في فرنسا ... وشهادة القانون من السربون هي اقوى شهادة قانون في العالم كله

السلام عليكم

أنا قدمت على الجامعة في ماجستير تسويق مثل الأخوان وأيضا سألت الملحقية عن أسرع جامعة تعطيني قبول الفترة هذي والله يجزاهم خير أعطوني الجامعة اللي تفضلت بذكرها ..

وانشالله بكرا الأثنين أرسلهم أوراقي والله يوفق الجميع

وبخصوص الملحقية في فرنسا أنا أشوف انهم خدومين جدا للي معه واسطه واللي مامعه واسطة .

وطبعا اخترت فرنسا لأنها قريبة من كل مكان وعشان شعبها واخترت نيس لأنها ساحلية وجوها معتدل ولافيها برد واذا الواحد طفش جنبه موناكو وكان وجنيف وباريس بالقطار وكلها أقل من ساعتين , أو عن طريق خطوط الطيران الإقتصادي ال EASYJET وغيرها الى دول أوروبا الأخرى وقيمة التذكرة يعتمد على الEarly Booking .


ومشكوووور جدا أخوي وانشالله نشوفك هناك

هلا ياقمر

طمني ايش سار معاك في القبول لانو ال dead line كان 15 فبراير فهل حصلت على قبول ولا لا

وياريت نتواصل ونتقابل بما اننا زملاء جامعه

انتظر ردك