الأعضاء الإشتراك و التسجيل

الملتقيات
ADs

مشروع... محتاج مساعدتكم .. كلكم.. يا طلاب وطالبات دول جنوب وشرق أوربا

مشروع... محتاج مساعدتكم .. كلكم.. يا طلاب وطالبات دول جنوب وشرق أوربا


NOTICE

تنبيه: هذا الموضوع قديم. تم طرحه قبل 5265 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية konash
    konash

    مبتعث جديد New Member

    konash غير معرف

    konash , ذكر. مبتعث جديد New Member. , تخصصى Applied Arts , بجامعة Emily Carr University
    • Emily Carr University
    • Applied Arts
    • ذكر
    • Vancouver, BC
    • غير معرف
    • Jan 2008
    المزيدl

    October 30th, 2009, 07:42 AM

    السلام عليكم.. جميعا..

    أحب في البداية أعرفكم بنفسي، إسمي أحمد كونش، طالب ماجستير في كندا/ڤانكوڤر، تخصص فنون إعلامية...
    أعمل حاليًا على أحد مشاريع الماجستير، ومحتاج مساعدتكم..
    إيميلي للتواصل بعد كذا هو
    konash @ gmail . com
    بدون المسافات طبعا

    المشروع هو عن تجربة الابتعاث لأخواننا وأخواتنا المبتعثين والمبتعثات...
    المشروع يحتاج مشاركتم... أنا أحتاج مشاركتم..
    المحاولة للوصول لمشاعرنا في الغربة، والمواقف اللي تعرضنا لها...والأيام اللي تمر علينا هناك..
    وشعورنا تجاه البلد وأهل البلد اللي احنا فيها...

    المشروع ينقسم إلى قسمين.. قسم أطلب منكم مشكورين تصوير المدينة اللي انتم فيها..
    والقسم الثاني عبارة عن مجموعة من الأسئلة التي أرجو أن يتسع صدركم للإجابة عليها.. وتسجيلها...
    المشروع مبني تماما على مشاركاتكم... ولن يكتمل بدون جهدكم معي بعد توفيق الله...
    سأحتاج منكم أن ترسلوا لي مشاركاتكم بطريقة ما.. والتي سأوضحها لكم في حال إنتهائكم..

    طيب.. نبدأ؟...


    :::::::: الجزء الأول: ::::::::
    فكرة الجزء الأول كما ذكرت هو عن المكان الذي تقيمون فيه حاليا.. نبغى نشوفه.. لكن ضمن إطار معين الإطار محدد بفكرة، وبعض الخطوات.
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    - أبغاكم في أقرب يوم.. تحسو فيه بالحنين للأهل... والوطن.. والأصحاب... والزحمة، والبشر.. والأشياء الغريبة اللي عندنا...
    واللي تفرق عن البلد اللي انتو فيه.. أبغاكم تمسكوا الكاميرا... تطلعوا... وتمشوا.. وتصوروا.. التصوير بأسلوب POV..
    أو حسب ما يتعارف عليه في عالم الألعاب الإلكترونية FPS
    والذي يعني أنه كأنه لعبة "دووم" مثلا .. بس طبعا من غير اليد




    - طول المقطع المصور حوالي 10 دقايق {رجاء - تكفون - الله يخليكم}..
    - >> المشي يكون باتجاه السعودية { إذا ما تعرفو السعودية اتجاهها فين.. امشو على اتجاه القبلة }.
    - أهم شي في التصوير انه يكون في حالة {مشي} بالاتجاه اللي اتفقنا عليه.. سواء كان هذا الـ"ـمشي" مشي على قدمين ، أو في سيارة، قطار،
    بسكليته {سيكل}، قارب، سفينة، ظهر حصان... يعني.. المجال مفتوح..
    - حاولوا يكون فيه التفاتات "يمين - أو يسار ثم البقاء على ذلك لفترة حتى نشوف"... بس لا تكون كثيرة جدا..
    يكون كويس لو تكون هالالتفاتة في الطريق الأساسي اللي تبغو توصلوا له.. بس ما يزال الأساس انكم ماشيين باتجاه السعودية...
    (المجال مفتوح للنظر للأعلى والأسفل أيضا)..
    - حاولوا تدخلوا في نفق، تعدّوا من تحت كوبري - تعدّوا في منطقة فيها "ظل" بعدين ترجعوا للنور..
    - آخر دقيقتين .. أبدعوا.. جربو أشياء أخرى.. لقطات.. أبغى أشوف المدن اللي انتم فيها.. بعيونكم.. أنتم !
    - في الآخر، لفوا الكاميرا عليكم... عرفوا بإسمكم... والمدينة والدولة اللي أنتم فيها..
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .



    :::::::: الجزء الثاني: ::::::::
    حطوا الكاميرا في أي مكان، بيت - جامعة - معهد - حديقة - شارع - كوفي شوب - مع الشباب - ماشيين - قاعدين - راكبين .. أي شي.. المجال مفتوح، طالعو في الكاميرا.. (يمكن استخدام الويب كام) - (الكلام كله بالعربي) - أهم شي إنكم تكونو مرتاحين.. خذو راحتكم في الكلام... وأجيبوا عن الأسئلة التالية:
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    >> أهم شي عندي إنه يكون الكلام بأريحية، مو شرط انكم تجاوبوا كل الأسئلة، ولا شرط الترتيب، هذي مجرد مواضيع أحب انكم تتكلمو فيها...
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    - اسمك ، المدينة - الدولة - المرحلة الدراسية ؟
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    - مين شلّتك هنا ؟ - هل كنتـ/ـي تعرفـ/ـي أحد هنا قبل لا تجي؟
    - هل واجهتكم أي من أنواع التفرقة العنصرية بسبب اسمكم/شكلكم/لبسكم/دينكم؟
    - هل كان ممارستك لمعتقدك ودينك فيها صعوبة - هل واجهت أي أسئلة؟
    - الآن.. وبعد المدة اللي قضيتوها.. هل تحسوا انو فكرة الابتعاث كانت فكرة كويسة؟ ليش؟
    - إيش اللبس الأساسي هناك ؟.. بالنسبة للبنات/ هل انتي محجبة؟.. هل في أحد سألك عن الحجاب؟
    - إيش انطباعك عن العرب والمسلمين المقيمين اللي قابلتهم في بلد دراستك؟
    - هل أحد سألكم، عن أسباب الابتعاث؟.. ليش بلدكم مبتعثين هالأعداد الكبيرة من الطلبة؟.. وإيش كان جوابكم..
    - عمرك انسألتـ/ـي إذا كنتـ/ـي غنيـ/ـة، وعندك سيارة فخمة.. أو عندك بير بترول في الحوش؟ أو اذا كنت تركب جمل؟ تقرب لـ بن لادن؟
    - هل انسألتو من أهل البلد عن موقفكم من الحرب على "الإرهاب" الحرب على أفغانستان / فلسطين / العراق؟
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    - إيش أكبر فرق بينهم وبيننا ؟
    - إذا كنتـ/ـي متزوج/ـة هل كان الزواج بعد أو قبل الابتعاث - هل زوج/ـتك معاكم؟.. أطفال؟
    - اذا كنتـ/ـي استفدتـ/ـي من هذه الرحلة في الحياة... إيش أكبر فائدة اخذتوها من هذي الرحلة؟
    - ايش تتوقع إنك تاخذ شي مفيد من هالبلد للسعودية لما ترجع؟
    - هل صارت عندكم هوايات - رياضات - عادات جديدة بعد تعرفكم على البلد اللي انتم فيها؟
    - كيف تقيم مرحلة تعلم اللغة.. إيش هي اللغة اللي تعلمتها؟
    - هل وصلت لمرحلة انك تحسـ/ـي انه هذي بلدك؟.. هذا بيتك... وهذول أهلك؟
    - تعرفتـ/ـي على سعوديين / سعوديات في بلد الدراسة؟.. ايش انطباعك عنهم؟
    - هل تشوف انهم يتصرفو بشكل مختلف عن السعودية؟
    - هل حصل وقابلت شباب سعودي طاح في موضوع (شرب - بنات - مخدرات - الخ)؟ احكولنا...
    - هل سكنت مع ناس من هذي البلد "رووم -ميت" أو "هوم-ستي"؟
    - هل تعرفتم على ناس من أهل البلد؟.. إيش رأيكم فيهم؟.. إيش نوع العلاقة اللي بينكم؟ سطحية - عميقة؟... إلخ
    - هل حسيت إنه كان فيه أي نوع من أنواع الإغراء في أي شي؟ إيش كان أكبر إغراء؟
    - هل فكرتـ/ـي بالزواج من هذه البلد - ولماذا؟
    - هل تفكر/ي انك تقعد/ي في الدولة اللي انتم فيها؟ ليش؟
    - في أحد سألكم عن دينكم؟.. وعن تفاصيل فيه؟ إيش المسموح وإيش الممنوع - الخمر/الجنس؟ إيش جوابكم؟
    - هل أحد سألكم عن نظام الحكم في السعودية؟ وليش؟ وإيش جوابكم؟
    - متى راجعين السعودية؟
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    - ليش طلعت - وسافرت - وتركت البلد؟ إيش هدفك من البعثة؟
    - هل كنتـ/ـي في وظيفة قبل لا تجي.. تخليتـ/ـي عن اي شي عشان تطلعـ/ـي؟.. وظيفة، زواج، أهل؟
    - إيش موقف أهلك من السفر والغربة؟
    - ليش اخترت الدولة اللي أنتـ/ـي فيها؟
    - هل كان السفر صعب؟.. ولا سهل؟ المطار/التفتيش/الجوازات/الڤيزا؟
    - كم لكم في الغربة - ومتى آخر مرة كنتـ/ـي في السعودية؟
    - مين ودعكم في المطار قبل لا تجوا هنا؟
    - عمرك حسيت بالحنين والشوق للسعودية؟
    - لو تفتقد شخص في السعودية - مين هذا الشخص؟
    - لو تفتقد مكان في السعودية - إيش هو هذا المكان؟
    - لو تفتقد شي في السعودية - إيش هو هذا الشي؟
    - عمرك صحيتـ/ـي من النوم.. تحسبـ/ـي إنك في السعودية.؟... ولما فتحتـ/ـي عينك اكتشفتـ/ـي إنك مو في السعودية...
    - قد خطر في بالك.. إنك تتركـ/ـي البعثة والدراسة... وترجعـ/ـي؟
    - إيش أصعب شي في الغربة؟..
    - هل عمرك فعلا حسيتـ/ـي إنكم سفراء لبلدكم؟..
    - إيش أكبر صدمة واجهتك؟
    - إيش أكبر مشكلة واجتك في هذه التجربة؟
    - إيش أجمل يوم في غربتك؟ - إيش أحسن موقف حصلك؟
    - إيش أسوأ يوم في غربتك؟ - إيش أصعب موقف حصلك؟
    - إيش خطتك بعد ما تخلص مرحلة الدراسة؟
    - هل وصلتو لمرحلة من الغربة إنكم تحسوا إنه الرجعة للسعودية صارت صعبة؟ تعودتو على البلد هذي "زيادة عن اللزوم"؟
    - عمركم حسيتوا لما يسمى الـ"هوم سِك"؟
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    للبنات فقط
    - هل انسألتوا عن حرية المرأة في السعودية؟ السواقة؟ الغطا؟.. ايش كان جوابكم؟
    - هل أحد سألك عن وضع المرأة وسهولة قيامها بالأعمال.. ايش كان جوابكم؟ هل هو مجتمع ذكوري؟
    - إذا كنتي متزوجة، إيش موقف زوجك من دراستك؟ هل هو يدرس أيضًا،
    - ما موقف أهلك من دراستك؟
    - إيش موقف أهل البلد من فكرة الزواج عندنا؟ هل أحد سألك عن طريقة الزواج التقليدية في السعودية؟
    - البنات اللي يدرسو بزنس.. هل أحد سألكم ليش بزنس؟ إيش مستقبلها في بلدكم؟
    - أحد سألك ليش متحجبة إذا إنتي متعلمة؟ أو هاجمك من هذا المنطلق؟
    - هل سؤلتي : هل الأولاد مفضلين عنك في السعودية، وعند أهلك؟
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
    هل من كلمة أخيرة لأخوانكم وأخواتكم المبتعثين والمبتعثات في العالم؟
    . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .


    في الختام، أحب أقولكم إني شاكر ومقدر وقتكم، وجهدكم، وصراحتكم... وأحب أن أؤكد لكم إنه في حالة عدم رغبتكم في وضع صورتكم في المشروع النهائي أو ذكر إسمكم، فهذا شيء بالإمكان تدبره، ولكن أرجوا أنكم تجيبون بكل صراحة، وأريحية للوصول للنتيجة المطلوبة من تجاربكم..
    الفلم سيكون في مجمله عن حال الطلبة المبتعثين، وبشكل خاص، الـ"هوم سِك"؟.. الشوق للبلد.. والأهل.. والأصحاب..
    ومراجعة الحسابات الشخصية في مدى الفائدة من البعثة..

    الكلام لا يسع مدى شكري لكل من سيشارك.. ولكن بالفعل.. خلينا نشارك..
    يعطيكم ألف عافية...

    أخوكم..
    أحمد كونش
    konash @ gmail . com
    بدون المسافات طبعا
  2. السلام عليكم
    اول حاجة انا حابة اهنك اخي احمد على هذة الفكرة الجميلة التي سوف تصور واقع المبتعث في بلاد الغربة وتعكس الحياة التي يعيشها كل يوم..ولكن لي تعقيب بسيط بما انك مبتعث في كندا لماذا وضعت موضوعك في قسم مبتعثين شرق اروربا؟؟
    كنت اتمنى ان اشارك في هذة التجربة الفريدة التي تطرحها ولكن حاليا لدي ظروف تمنع من ذلك...
    فاتمنى لك كل التوفيق في هذا المشروع الجبار وان شاء الله تحقق الهدف الذي تصبو اليه..
    تحياتي لك
    7 "
  3. وعليكم السلام أختي سلوان..
    بإذن الله نطلع بنتيجة طيبة..

    وضعت الموضوع هنا لأني محتاج مشاركتم يا جميع المبتعثين..
    أبغى مقارنة بين كل الدول.. والثقافات المختلفة..
    أنا كنت حطيت المشاركة في غالبية الملتقيات العامة لجمع أكبر عدد من المشاركين..
    لكن إدارة المنتدى قررت إنه مخالف للشروط.. وأبقت على هذا الموضوع هنا فقط.. لسبب ما..
    عموما أختي.. إذا تعرفي أحد ممكن يساعد في المشاركة.. أنا محتاج كل مشاركة ممكنة

    والله يعطيكم العافية..
    أحمد كونش..
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.