طلاب المجر ارجوا مساعدتكم.

وعليكم السلام ورحمة الله وبركاته

1/ هل في جامعات تعادل ساعات دبلوم للهندسة ؟
في نعم بس نسبة ضعيفه حيل ويمكن افصل لك انك لازم تسوي اختبار في كل مادة بيعادلوه لك واذا نجحت فيه بيعادلوه لك بس منهاجهم غير الي درسته في سعودية حيل هنا اصعب
2/ ما هو مستوي التكلفة بالنسبة للجامعات والمعيشة هل المجر غالية أم متوسطه الغلاء وممكن تعطوني عدد تقريبي بالريال تكلفه سنه دراسية مع السكن والمعيشة لو تقريبي وماهي عملة المجر ؟؟
المعيشة متوسطه وتكلفة السنة دراسية تقريبا 39الف ريال
3/ هل اقدر انظم على الابتعاث بسهوله أم التحويل معقد من ناحية الملحق الثقافي ؟
لازم تكمل 30 ساعه اكاديميه يعني غير سنة التحظيرية
4/ متى موعد التقديم على الجامعات بالمجر أي تاريخ ؟
طول السنة في تقديم
5 / الله لا يهينكم إذا تعرفون أسماء وأرقام مكاتب تجيبلنا القبول من المجر ؟
المسؤول الوحيد في القبول حق الطلاب السعودين الملحقية
ورقمهم004317139197

جزاك الله خيرا أخي hassan أنا راسلت للتوا الملحقية هناك وأخبروني بأن جامعة ساينت ستيفن ستعادل لي ساعات كثيرة من التي درستها فما رأيك.والله الأمر يخوف

والله يا خوي انا جامعات الكندي ما عندي خبر فيهم
واسال الشباب الي فيه عن طريق ملتقى طلاب كندا
والله يسهل عليك ان شاء الله

أخي احسن الله إليك هذى من جامعات المجر والذي أخبرني بها الدكتور محمد هشام جزاه الله خيرا هذا شئ.
والأمر الثاني قلت

وتكلفة السنة دراسية تقريبا 39الف ريال هل بإمكاننك أن تطلعني على اسم هذه الجامعة

اسف اخوي صحيح الجامعة في المجر بس انا راح بالي حق جامعة شبيه له في كندا

الجامعة دبرسن

ماأخبرتني جزاك الله خيرا مارأيك في جامعة سانت ستيفن.

وهل 70 الف ريال سعودي تكفي لسنة واحده (طبعا رسوم الجامعة منها اي كانت جامعة).

خيووو الجامعة هذي ما اعرفه عنه اي شي ولا اعرف في اي منطقة في المجر تصدق اول مرة اسمع عنه منك شخصي
حنا نعرف جامعة دبرسن وسقد وبودابست وسمايل وبتش
حتى اول مرة لمن كتبته راح بالي حق جامعة في كندا بس بعدين شيكت موقع الوزارة وعرفت انه تابع للمجر

70الف وعلى عليك يعني (70الف تكفي 8شهور تقريبا ع رسوم الجامعة)

السلام عليكم ابي ادرس طب بشري واي اجوابتكم شلون الدراسة بالدولة هاذي غالية ولا لا وكم يبلي لاين التحق بالبعثة ارجو الرد وكم مصاريف الجامعة سنوي ومصرف المعيشة

السلام عليكم

اسف على التأخير لكن ادا كنت لازلت تبحث عن المعلومات
الجامعة اللي كلمتك الملحقيه عنها ماعندهم تخصص هندسة ميكانيكية

وتخصص الهندسة الميكانيكية موجود في جامعة بودابست للتقنية والاقتصاد

اما عن معادلة الساعات حتى اجيبها من الاخر دراسة البكالوريوس تفرق عن دراسة الدبلوم وهنا الجامعات نظامها صعب في المعادلة حتى تعادل لازم تدخل اختبارات مو مثل بعض الجامعات في الدول الثانية تقول لك ادرس سنة وتاخد البكالوريوس.

اتمنى انك خلال الفترة الماضية حصلت على مبتغاك وانت الان منتظم في جامعة واسف على التأخير


محمد ربعان
جامعة دبرتسن-هندسة كهربائية