الله يسامحكم ياوزارتنا على البهدال!

December 29th, 2009, 02:10 PM

السلام عليكم ..


أتكلم معاكم وأنا أحس بغصة في حلقي من القهر..

أنا مقدمة بكالوريوس طب أسنان -إيرلندا..


طبعا جلست أستنى ..وأستنى ...ولاحس ولاخبر !

وقبل أسبوع شفت تم طباعة الضمان المالي وحسيت براحة ,,,

بس ماكملت 5 أيام إلا والدولة تغيرت إلى بولندا ..


طبعا بعد الصدمة والدموع والقهر...قلت الحمدلله على كل حال ..واستسلمت للأمر ..



إلا وأمس يجينا اتصال من الوزارة والرقم هو 012107466

ويناديني بأسمي المهم ويقول لي فلانة الفلانة وصل قبولك وأوراقك هنا معنا وسألته وين قال ايرلنداااا!!!!!!

واعجبي شلون ايرلندا !!!

المهم رديت عليه شلون ايرلندا أنا محولة لبولندا ..قال لي لا قبولك اللي عندي من ايرلندا تعالوا استلموه من الوزارة في حي الغدير..


والله لو مو أنا متعجبة وأنا اللي مكلمته ومتأكدة أنه قال لي ايرلندا رغم أني كررت عليه السؤال كان ماصدقت إللي سمعته!


المهم كلمت زوجي وعلى طول قال بروح بكرا اللي هو اليوم ومشى من 5 الصباح ووصل ع الساعة 9:30 تقريبا الى الوزارة على طول وبعدين يقولوا له مو موجود القبول في ايرلندا؟؟


شلون يعني مو موجود جايين من الشرقية ومنلطعين عندكم للساعة 1:30 الظهر ..وجاينا اتصال!!!


بعدين قال ايه موجود في بولندا بعد التنقع والحوسة !


والله أعلم وش صار في هالأربع ساعات !!!!!!!!!!!!!!!!!!!!!!!!!!!!!!!!!!!!!!!!!!!





الله مايرضى بتعطيل الناس !

والله أحس بقههر طول أمس وأنا مو مصدقة من الفرح ...ايرلندا ...الله ..من يتخيل جاني قبول فيها من بعد انقطاع الأمل


في النهاية الله يسامك ياوزارتنا ..بتطلعي البعثة من حلوقنا قبل لانسافر!

• نشر عبر تويتر
• نشر عبر فيسبوك
• نشر عبر جوجل