المعسلااااااااااااااات

March 12th, 2010, 10:33 PM

انا حبيت افتح موضوع واتناقش فيه معاكم وهو المعسل


يعني دحين شباب وبنات واطفال كمان سارو يعسلو وسرت تشوف الناس يعسلو زي شرب المويه واذا قلتلهم

ونصحتهم يقولوك خليك فري او انت متشدد او انت ماجربت واذا جربته بيعجبك


والله مااادري يعني انا احس كل سنة الناس يتنازلو عن شيء يعني انا لمن كنت صغير واشوف احد يدخن او يعسل

او يشيش اقول عليه خربان وهوا رجال

دحين سارو بنات وحريم واطفال يدخنو ويعسلو

لكن خلينا في المعسلات لانه البنات يقولو عليه ريحته حلوة ويخرجو يفلوها سوى وكده

ولمن تسألها ليه تعسلي وناااسة انا لو شفت صحبتي ماقدر

والشباب برضه يروحون القهوة يتفرجو المباريات وغير الاستراحات وطلعات البحر وخليج سلمان وكده

والله كل يوم يزيد عدد الي يعسلو سواء كان بنات او اطفال او شباب

ماتدري تحط الغلط على مين الاهل ولا على الي يتاجرو بالمعسلات

لكن انا احمل الغلط الاهل لانه لو كان بجد محافظين على اولادهم وبناتهم ماكانو عسلو

يعني ماتدري وربي تشوف بنت من جد بكامل انوثتها البنت الرقيقة الشابة زي الوردة

تقعد تدمر نفسها بالمعسل يا انها تقلد او انها تشجع صحباتها

المهم يعني انا ماحبيت اتكلم عن اثار المعسل لانه معروف اصلا انه اخطر من الدخان

وماشاءالله انتم ماتفكرو دحين لمن تتزوجو واولادكم يشوفون الام والابو كده باللهي الاولاد بطلعو حقين مخدرات ولا ايه

غير كده انتم باللهي شوفو المملكة قد ايه تصرف للعلاج للمدخنين وغيرهم

يعني دحين مرض السرطان تتهاونو فيه لديه الدرجة يعني ماشاءالله واثقين انكم ماراح تتصابو فيه

المهم انا حبيت اذكركم قبل مايفوت الاوان

وفي النهاية عندي كذا سؤال وارجو الجواب بصراحة عليها وارجو التفاعل



س1 :ماهو شعورك ياشاب او يافتاة عندما تعسلي ؟
جربت مرتين وندمت لانه ماستفدة اصلا في شيء
س2: هل يوجد في عايلتك احد يعسل ولذلك اتبعته ؟
لا
س3:هل تتزوج او تتزوجين من يعسل او تعسل ؟
لا وممكن اذا بطلت

س4 : ماهيا نظرتك للي يعسل او تعسل ؟
انا انظر للشاب الي يعسل بانه مسكين بيضحك على نفسه وراح يعض اصابع الندم على افعاله
وانظر للبنت الي تعسل بنظرتين نظرة تحقير اذا كانت تعسل امام الكل وتجاهر بكده واسأل نفسي وين اهلها عنها
ونظرة اسف للي تعسل في بيتها

وتدمر انوثتها ورقتها وتضيع شبابها


س5: هل يعلمون اهليكم بشربكم للمعسل ؟
لا ولو دريو بنقتل مع اني بس جربت مرتين ههههه
س6: الكثير منكم يعلم باضرار المعسل لماذا لاتتركوه طيب ؟
انا اصلا ماجربت الا مريتن وتركته
س7 : في احد يرضى اخته او حرمته تعسل ؟
لا ارضى بتاتا
س 8 : مين الي ماعجبه كلامي
انتم جاوبو

المهم انا حبيت يعني انصحكم وربي كلكم اعتبركم زي اخواني واصحابي

المهم ماعتقد قلت شيء يزعل وجاوبت انا على الاسئلة عشان نكون سواسية

وارجو الجواب على الاسئلة لكل عضو بيرد وبعد كده يقول الي يبغاه من كلام

• نشر عبر تويتر
• نشر عبر فيسبوك
• نشر عبر جوجل