ايهما افضل الطب البشري ام طب الاسنان ؟؟؟

ايهما افضل الطب البشري ام طب الاسنان ؟؟؟


لان اني صراحه خايفه من التشريح اني لو اشوف جرح ما اقدر بعد اقوم اشرح مستحيل
وطب الاسنان يقولون انه حلو وسهل فيا ليت الكل يجاوبني (ايهما افضل الطب البشري ام طب الاسنان ؟؟؟)

طبعا راح ادرس في بولندا ان شاء الله

مممـ ,, هذي رغبة شخصية.
يعني يعتمد على ميولك انتِ.
و الله يوفقك

هذا السؤال يدور في مخي حاليا لكن انا ايطاليا ان شاء الله فياليت احد يجاوب ويكون عنده علم على الاقل وشكرا

الحقيقه انا اقولك

اولا 00الطب البشري دراسته صعبه ومقرفه وبعد الانتهاء الدراسه وهو اهم شي فيه شغل كثير وفيه شغله اسمها المناوبات وهذا شي مقلق واذا تخصصتي في تخصص تدخلين في شي اسمه الاون كول وهذا اقشر شي في مهنة الطب اللي هم يتصلون عليك في اي وقت اذا صار الجدول عندك وماتقدرين تروحين بعيد عن المستشفى وطبعا البشري معروف اذا ماتخصصتي ودرستي فوق دراستك الـ7 سنوات زياده عليهم 3 سنوات ماراح يكون لك اي قيمه في نظر الطب لان الطب البشري ضروري جدا التخصص فيه وفيه مضايقات كثيره وفيه اشياء تقطع القلب ويبيلك قلب قوي وتكونين مسؤله عن حياة شخص واي خطاء لو انه صغير يمكن يحملك مسؤولية وفاته ترا الطب مو ترزز ورفع الخشم الطب مسؤولية وامانه ولايبدع فيه الا اشخاص قله

وعلى فكره لاتفكرين ان مستقبله كويس حاليا انا اعرف ناس كثير بنات متخرجات من جامعات مثل الفيصل وجامعة الملك سعود تخيلي ماحصلوا وظايف والله ما اتكلم من فراغ الا من واقع ومن ناس داخل وزارة الصحه ومن هييئة التخصصات الطبيه اكدوا لي هذا الشي والارزاق بيد الله

وفيه 3 مناطق التوظيف فيهم شبه مستحيل الا بعد حين اللي هم الرياض والشرقيه وجده مستحيل تحصلي وظيفه حكوميه حتى لو جلستي 3 سنوات يبيلك اكثر في الانتظار هذا كلام موكد وخذي العلم

يعني لايغرك كل العالم الحين انتبهوا للطب وخلال 4 سنوات قدام راح يقفلون عليه لانها صارت فيه جامعات كثيره كثيره تخرج اطباء في وقتنا الحالي والااطباء البشري والعالم طافين فيه زيه زي التمريض سابقا

ثانيا

طب الاسنان سنوات الدراسه فيه نفسها في الطب البشري هذا عندنا بالسعوديه اما في بولندا على حد علمي 5 سنوات +سنه لغه يعني 6 والسنه الاولى بعد سنة اللغة تدرسين ميدكال عام نفسك نفس البشري

تدخلين في مواد طب الاسنان في ثاني سنه وهي اسهل لانها تعتمد على العملي وطبيعي اي شي عملي راح ينفهم بسرعه ويصير سهل عكس الطب البشري ودراسته ممتعه جدا جدا واحلى شي فيه دراسته راح تنبسطين كثير
وانتي لاتفكرين انك راح تتجنبين الجروح في طب الاسنان لان الاسنان فيه اشياء تقرف يعني يمر عليك واحد اسنانه متكسره ولثه رايحه فيها وريحة فمه خايسه بس مايقارن بالطب البشري الطب البشري حاجات مروعه وتواجهين اشياء ينفطر عليها القلب

واذا كنتي طبيبة اسنان عامه اي يعني مامعك الا بكالريوس راح يكون دوامك مقتصر على الدوام العادي فتره الدوام العادي مافيه شي اسمه مناوبات وشفتات وقلة حيا
بس معروف ان مهنة طب الاسنان متعبة جدا جدا يعني اول شي يبي لك تسوين لك مساج كل ماطلعتي من العياده على رقبتك وظهرك لانه اكثر شي يبي يتعب لان التركيز دائم عليه ههههههه

وفيه تخصص لطب الاسنان فيه تقريبا 7 تخصصات ودراستها ممتعه جدا وراح ترتاحين فيها اكثر
يعني تقدرين تكملين دراستك فيهم وتريحين بالك مثل المداوة اللبيه اسنان اطفال وعلاج الاعصاب والتقويم وزراعة الاسنان وجراحة الوجه والفكين << في بريطانيا هالتخصص بالذات يبيلك تدرسين الطب البشري وطب الاسنان عشان تاخذين الماستر فيه وهذا شي مستحيل جدا انك تسوينه مانتي فاضيه له


اما الفرص الوظيفيه لهذا التخصص

حاليا حاليا بوقتنا هذا فرص الاسنان افضل بكثير من الطب البشري من حيث التوظيف وخاصتن للنساء << هذا كلام المسؤول في الهيئة التخصصات الطبيه وكلام وزير الخدمه المدنيه بان جميع الاجانب اللذين يشغلون وظائف طب اسنان في المملكه هم وظائف شاغره للسعودين في حال توفر الشهادة العلميه اللتي توهله

وفيه حاجه حلوه يعني لو تتاخرين بالتوظيف في طب الاسنان عندك منعطف ثاني وهو انك تدخلين عياده خاصه وراح يستقبلونك علطول

وراتبك فوق الـ 7 الاف مره حلو وماراح تتاخرين ان شاءلله في التوظيف الحكومي وبعد التوظيف الحكومي تقدرين تقدمين استقالتك وتقدمين على قرض وتفتحين عياده اسنان وتطلعين ذهب وتجيبين دكاتره اسنان وانتي تحطين رجل على رجل

ولكن دائما في المقدمه مخافة الله في كل شي وانكي مسوؤلة عن صحة هذا الشخص اللذي أتمنك على صحته

فدائما مخافة الله افضل بكثير بالاثر المادي


فانا اقول من خلال تجربه وآرء

طب الاسنان هو الان المتصدر

الطب البشري لم يكن مثل ماكان عليه ايام قبل كل العالم صاروا طب بشري اغلب الناس بشري بشري وانا اتكلم باحصائيات مو من فراغ
والله دايم يجونا بملفاتهم ياخذون فتره مايتوظفون انا اتكلم عن الرياض وعن الشرقيه وعن جده المناطق الثانيه فيها توظيف بس بعد 5 الى 6 سنوات راح يقفلون طب بشري لان جيمع الجامعات بدت تخرج بشري بعكس الاسنان لو قارنتيها راح تحصلين طلاب الاسنان اقل بكثيررر عنهم وان شاءلله فرصهم اكبر من البشري اذا اراد الله والرزق بيد الله وليس بيد العباد

وارجوا اني ساعدت في تحديد الغموض لديك في هذه الكلمات القليله

وانتي استخيري في امرك والله يوفقك


اخوك نايف

انا طب اسنااااان ايطاليا انشاء اللـــــه
واتوقع انه الأفضل

اخوي شوف انا سألت بعض الأطباء اللي يقربون لي قالو لي ..
1. طب اسنان سنين الدراسه اقل من الطب العام
2. دراسة طب اسنان اسهل بكثييييييير من الطب العام


وانا احي نانقبلت طب عام لكن ان شاء الله بغيير التخصص الى طب اسنان

الف مليووووووون شكر اخوي نايف صراحه ردك هذا خورافي الله يعطيك العافية ويوفقك

مررااا شكرا اخوي نايف افدتنا والله
اصلا انا مقرره طب اسنان ايطاليا ان شاالله بس مافي بنات
ليش ما ادري:dry:

الله يوفقك ويكتب لك اللي فيه خير :)

مآلي ومآل الطـب ,, لآكن آقآربي وزملآئي آغلبهم طـب آسنآن ,, آسهل وآقل سنين درآسيه ,, وآقل آرتبآطآ بالعمل :)


الله يوفقك يآبولنديه وآيطآليه < عجز يفهم وين بتدرسين فيه هع

معلييييييييييييييييش !!

طب الاسنان والطب البشري كله كرف
وفي الاخير هذا راتبه 7 الاف على كلامك .. وهذا في 14 الف

ياخي التعب واحد والعمل هو العمل والقرف والدم في الثنين
ولاتحاول تقنعني ان الدولة تغطت حاجتها من الاطباء !!
معليييييييييييش

ادخل المستشفى وشف كم فيه طبيب اسنان وكم فيه طبيب عام (على الاقل بدو تخصص )
مما يعني ان كل المستشفى الواحد مايحتاج اكثر من واحد الى اثنين من اطباء الاسنان على عكس البشري
يعني من فرصه الوظيفية افضل ؟؟
ومن راتبه افضل ؟؟

اعرف لك طلاب طب بشري متخرجين مقبول وعلى طوووووووووووووول جاهم التعيين بعد اختبار هيئة التخصصات الطبية وتجاوزها
الا بالعكس والله انه ينطط من مستشفى للثاني .. مثل مايقولون يتبغدد كل ماعجبه مستشفى قدم استقالة ويستقبله الثاني زي السلام عليكم وهو مابعد تخصص للحين .. وراتب على كيفي كيفك قرابة 23 الف
والتعب واحد .. ترى حتى طالب الهندسة يتعب وحتى طالب الحاسب يتعب وحتى العاطل باطل تعبان

الحياة فرص
وفرصة البشري اقوى بكثير
مع احترامي لكل طبيب ايا كان تخصصه

والطب بكل احواله متعب
لكنه يستحق التعب .. والنجاح حليف الطموح

بالتوفيق للجميع