مساعدة معلومات لطلاب بولندا الجدد...وأي استفسار..!

الله ,, أخيرا جاء أحد يعلمنا عن بولندا :>
أسئلتي كثير بس استحملني شوي

أخي لو سمحت أبغى أسأل أول شيء ممكن أسماء الجامعات المعترف فيها أو اللي ممكن ندرس فيها ببولندا !
ثاني شيء الحين معاي ايلتس و درجتي اكثر من 5 \\ و اروح اختبر الاختبار كيمياء و فيزياء و احياء ,, هل بمجرد ما اجتازه اتخصص على طول و مين الي بيختار الجامعة انا ولا الوزارة ,؟!
ثالث حاجة \\ ايش الجامعات اللي فيها ماستر لأن اختي معاي بالبعثة و الدول الي طالعتلها غير فقالوا نقدر نحول بعثتك بنفس مكان اختك البكالريوس لانه قبول الطب صعب ,, هل لو جات في جامعات تدرس فيها ماستر و " معترف بها " ,, ؟
و اختبار لسنة التحضيري هل زي المجر , يعطونا كتب ندرسها و هل هو تحريري و أورال ولا بس واحد ولا كيف طريقته ؟
و ليش تفرق مكافئات بولندا عالمجر ؟ قرأت ان المجر 1300 ؟

و الله يجزاك خير ,,

حياااكي اختي ... اول شي كل عام وانتي بخير وصحه وسلامة ياااارب

والجامعات اللي معترف بها عن طريق الوزراة:
جامعة وارسو - جامعة قدانسك - جامعة فراتسوف - جامعة لبنون - جامعة فارميا

الجامعة طبعن انتي قدمي اوراقك على الجامعة اللي تبغيها وبهاذا يكون اختيارك انتي ...
وعلى الاختبار اللي يكون فيه اسئلة عن الكيمياء والاحياء
من تغلقي الاختبار وبااذن الله اجتزتي يعطوك القبول وخلاص كل شي اوكي

وعلى السنة التحضيرية هنا ياعسل مافي سنة تحضيرية اللي هي بريميدكل

وعلى المكافاة عاد مداكي تسالي احد من الوزارة :P

تحياتي

السلام عليكم ورحمة الله وبركاته
كل عام وانت بخير ومن العايدين اخوي حماده
اللي يبي يدرس على حسابه كم تكلفه الرسوم الدراسيه السنويه بالنسبه لتخصص الطب ووش افضل جامعه وتكون بمنطقه حليوه ورخيصه
وكيف طريقة الالحاق بالبعثه هل هي سهله ولا لا ومتى يبدا التقديم على الجامعات عندهم باي شهر وهل القبول يطول ولا لا وسلامتك يالغالي

طيب مافي سنة تحضيرية ,, الي ما يجتاز الاختبار ايش بصير فيه ؟
و من وبن ندرس لها الاختبار هل هو معللومات عامة فيزيكس بايولوجي و كيميستري ولا يعطونا مراجع ؟!

و مو الوزارة هي اللي تجيب لنا قبول ؟ ولا احنا لازم جيبه هم قالوا هما يجيبوا لنا \\ ما نعرف نسوي شيء :"(

و بما انه مافي تحضيري كم سنة " الطب " و " طب الأسنان " بدون التحضيري ؟
مافهمت شيء :"(


سؤالي المهم جدّا " هل الماستر معترف فيه هناك ؟ "

اسفة على كثرة الاسئلة بس مني عارفة حاجة :|

وعليكم السلام ورحمة الله وبركاته اخوي ...

وانت بخير وصحه وسلامه ياااارب

اذا ماخاب ظني 3000 يورو على الترم او السنة بسالك واردلك وفي اكتر من جامعة حلووة والدولة كلها بصفة عامة رخيصة يعني ان شاء الله ماتشيل هم الفلوس وكل شي ميسر ...

وعلى الالحاق انا اعرف واحد معانا جلس من بين 3 او 4 شهور والتحق بالبعثة ...

وعلى الجامعة لا تشيل هم لانك بتجي انت هنا انجليزي وبااذن الله ماتجي الجامعة الا وانت مبتعث ..

بالتوووووفيق ...

أخوي حاب أسألك عن الآيليتس قالولنا لازم نتخبره ونجيب 5 هنا قبل ما نسافر معقوله ؟؟!!!

انا خريج ثانوي ولغتي تعبانه حتى من مطعم ما أعرف أطلب ؟؟ انت من الدفعة الخامسة ؟ كيف كان وضعكم ؟

درسوكم اول شي في معهد لغة سنة بعدين اختبرتوا ؟ وغير كذا حاب أسأل الجامعات اللي ذكرتها هل تطلب الآيليتس ؟

وكم الدرجة المطلوبة ؟؟؟

والله الآيليتس هذا مقلقني قلق غير طبيعي حتى العيد ماني قادر اعيد مثل الأوادم

يعني معقوله إني مستوفي الشروط حقتهم بمعدلات عاليه جدا الحمد لله و ما قدمت على أي جامعة علشانه كان شرط من شروطهم

وسملت الوزارة شهادتي الأصلي وكل أوراقي بعدها يقولون لي مثلا ما جبت 5 في الآيليتس خلاص مطرووود ولا يحطوني

في أشعة وتمريض وش ابي بها ؟

هلا وسهلا اختي ...

علي اللي مايجتاز الاختبار يسجل بجامعة ثانية يامكثر الجامعات ...

وعلى مضمون الاختبار بااذن الله سهالة كلها اشياء سطحية في الكيمياء وفي الاحياء ...

وعلى الوزارة تجيب قبول الوزارة اذا بتجبلك قبول ماراح تكون المدينة اللي تبغيها وهذا قرارك

والتقديم جداااا ميسر وسهل كله عن طريق الانترنت في دقيقتين يكون عندك بعدين اكثر من خيار وفرصة

وطب الاسنان هنا 5 سنوات ... والطب 6 سنوات

وعلى الماستر يب في اكثر من جامعة اعرف اكثر من طالب وطالبه يدروسو ماستر في وارسو ...

وبالتوووووفيق ...

5 سنين اسنان و 6 سنين طب \\ مع امتياز ولا بدون امتياز <- حاسة اني حأنضرب

بس عجبني انه اقل من الدول الثانية بسنة
طيب متى نقدم ؟! يعني بعد القبول النهائي للبعثة ؟ الحين لما اخذ الايلتس هنا في السعودية على طول اقدم عالجامعة اللي أبغاها ؟! .. لانو ودي أبدأ بأسرع وقت المجر يبدؤوا شهر 9 يعني بعد سنة :\ ,, عندكم الترم الجديد متى يبدأ ؟

اممم انتوا متى سافرتوا ؟! أي شهر يعني ؟

طيب ابغى تخصصات الماستر كلها طبّية ,, لآنه اختي حتدرس ماستر بس تخصصها أدبي :\
فأبغى اعرف ايش غير جامعة وارسو عشان اعرف التخصصات المتاحة لها ,,

و شكرا ,,
و آسفة على كثر الاسئلة

أخوي يا ليت تشوف سؤالي يمكن فاتك ضروري ابغا جوابه