وش اخبار روسيا ؟

اعتقد ان روسيا المعيشه فيها غاليه ..

أيضاً العنصريه فيها أكثر .. لا انصح بها ..

والله العالم ..

والله ماانصحك فيها بس اذا تبغى وجهة نظري اييدك على دول الشرق مثل الصين وكوريا واليابان ترى لهم مستقبل كبير وواعد

خوي يوزار اناتكلمت مع احد المبتعثين هناك
والله يقول وناسه ولو انها شوي غاليه
بس العنصرية والخرابيط ما فيه
يقول اهم شي مساري الليول اتركها وانت بالف خير
حتى فيالسعودية وفي كل العالم مسرى الليل غير مرغوب أمنيا

اخوي بالنسبه للاكاديمية وجامعة موسكو كلهم ماعليهم كلام ابداً ممتازين مره
بخصوص اللغه الانجلزيه ماتقدر تدرس بالانجلش في موسكو اعتقد فيه مدينة سانت بيترسبورغ يدرسون انجلش بس على فكره هو ممنوع من الوزاره مع انه فيه واحد من الشباب اعرفه يدرس فيها انجلش مادري كيف يمكن عنده واسطه ..
وبالنسبه لروسيا والله بوجه عام كويسه واذا تبي رأيي دول الشرق انا اشوفها افضل ..
وبالنسبه للقبول في موسكو انا مستعد اذا تبي
وعلى فكره الرسوم هالسنه تغيرت

السنه التحضيريه = 3000 يورو تشمل الجامعه + الاقامه
وبالنسبه للسكن في افضل انواع السكن الجامعي الخاص بالطلاب = 1300 دولار للغرفه المكونه لشخصين . يعني لازم يكون معك شخص بالغرفه ويدفع مثل الي تدفعه والمبلغ هذا هو رسوم الغرفه مدة سنه دراسيه كامله يعني تدفعه مره وحده بس .. طبعاً السكن بوجه عام جيداً جداً إلى ممتاز .. وانصح فيه بقوه اكثر من الشقق لان الشقق غاليه مره

وبالنسبه للمصروف الشهري روسيا ارتفعت السنه ذي عن الماضيه
يعني حط ببالك مبلغ 2500 ريال مصروف شهري .. وخليكم من كلام الناس الكذابين حقين المكاتب الي يقولون لكم 100 دولار تكفيكم ذولا يبونكم تجون عشان يستفيدون منكم في رسوم القبول بس .. انتبهوا لهذي النقطه
المصروف الشهري 2500 ريال اذا ماانت راعي مطاعم يعني بتطبخ بالبيت وتروح مطاعم اخر الاسبوع بسس

وعلى فكره بالنسبه للامن اهم شي المراقص والخرابيط ذي لاتروح لها وترتاح من المشاكل بعدين اذا كان وضعك من الجامعه للسكن للسوق واذا طاحت الشمس بالسكن ماراح يصير لك اي شي ..

اتمنى اكون افدتك

اخوك فيصل العتيبي
( طالب طب بروسيا )

هلا و غلا اخوي ليزر الخليج

المعيشه معقوله و اهون من اوربا ع الاقل , و غير ذلك ما فيه الا روسيا الحين ,

و العنصريه تعودنا عليها لاننا عايشين باكبر بلد عنصري بالعالم

ما فيه غيرها

منتاااز

هذي الاخبار الكويسه , وش تعرف بعد ؟ << طمع

هلا بك دكتور فيصل

و كم تكاليف دراسة الطب ؟ و كل السنه التحضيريه بـ 3 الاف يورو بكل جامعات روسيا ؟

و وش نظام المواصلات ؟


مشكور يا بعدي و خلك قريب ,,

ايوه كامل السنه بـ3000 يورو بالنسبه للتحضيري

بالنسبه للطب مااعرف بصراحه بس هيبحدود 3500 يورو تقريبا إلى 4000 يورو

والمواصلات عندك المترو وهذا ماانصحك فيه الا اذا كان معك مجموعه
والطريقه الثانيه الي هي الباصات وهي المنتشره كثير وتنضيمها ممتاز جداً ورخيصه الماوير عادة بريال او ريالين

وفيه برضوا التاكسي بس غالي شوي

وعندك طريقه بس ماانصحك فيها يستخدمونها الروس اذا زعلوا على احد ههههههه يسحبونك من اذنك للمكان الي تبيه << امزح

واي خدمه انا حاضر