حوار ماخاب من استشـار .. وعقلين احسن من عقل

الله يوفقك يارب هذا مو بس معاناتك معنات كثيرين زيك بصراحه ماعندي خلفيه بس حبيت ادعيلك بالتوفيق

الله يكون في عونك ويسهلها لك

هلا والله وغلا .. حيالله ولد جامعتنا العزيزة

والله اذا انت مرتاح بالبترول ( من الناحية المادية والاجتماعية ) أشوووف حرام تفوفتها لأجل رياضيات

ويكون بعلمك يالغالي كل دوول العالم تعتبر الرياضيات مادة اساسية في تخصصات الهندسة

والإنسان بالعادة عدو مايجهل

فأي أسهل .. تغير تووجهك وتضيع فرصتك لأجل رياضيات ؟؟ .. ولا تشد حيلك وتبيض وجه أهلك وتفهم الرياضيات وتمشي أموورك تمام التمام فيها

والحين ياغالي انت تقول ان ودك تتخرج بأسرع وقت ممكن .. طيب لو تركت البترول ورحت ابتعاث

راح تاخذ وقت زيادة + بتدرس رياضيات برا + غربة ماهي مثل غربة الظهران


الزبدة ::

إقتراحي لك وانت ابخص بنفسك

1- تشد حيلك وتذاكر من أول يوم بالترم الجاي يوميا ساعة واحدة فقط للرياضيات
2- أي شيء ماتفهمه رح أوفس أور وراااح يفهمك ويتعاااون معك خصوصا ماشاء الله لغتك كويسة
3- تحمل قد ماتقدر الترم الجاي لأجل انك تخلص الماث وتريح رااسك للأبد
4- تتخص مالية بالبترول وتتخرج بمعدل حلو
5- معلومة عالطاير : أغلب اللي يدخلون ادارة بجامعتنا يكونون ماهم دوافير .. فلو تخرجت انت من البترول وبمعدل عاالي .. فأبشر بعزك


ختاما .. يالغالي ترا الغربة برا غير عن غربتنا بالظهران .. بالظهران مساجد وآذان تسمعه بكل فرض واذا ضاق صدرك دق سلف وللرياض

برا بتجلس بالشهوووور ماتشوف اهلك

ولو أنت تتطلع لمستوى وظيفي مميز جدا .. فيه شهادة بالمالية تاخذها بعد البكالوريس بس ناسي اسمها والله
عبارة عن 4 مواد فقط تدرسها لمدة سنتين وتسافر يس تختبر وترجع وتذاكر بديرتك وبعدها تتوظف فوق الـ 20 الف بالراحة

اللي باللون الاخضر تأكد منه

الله يوفقك ان شاء الله

الله يوفقك انشالله ,,