الطبيب المتخرج الذي ينتظر فرصة للابتعاث , ماذا يفعل ؟

هلا والله اخوي

مدري اذا فهمت سؤالك صح !!

قصدك انت ننتظر فرصه للأبتعاث وانت حاليا مو مسجل ضمن اي برنامج

نعم نعم تكون طبيب مقيم غير تابع لبرنامج يعني تكون سيرفس وتشتغل تبع وزارة الصحه لو تحب
تشتغل وتاخذ راتب

مثلا .. انا انتظر البعثه ربي يكتبها لي انتظر القبول النهائي

وحاليا قدمت على وزارة الصحه واخترت المستشفى الي ابيه والتخصص بعد

على اني اشتغل سيرفس

وبإذن الله لو طلعت لي البعثه بروح

ربي يسهلها وان شاءالله اكون افدتك

وان شاءالله اي استفسار انا حاضره

dr.rosy

شكراً الله يعطيك العافية ويسهل لك أمور البعثة إن شاء الله

طيب وزارة الصحة سهل القبول فيها إنك تشتغل فيها سيرفس ؟؟ والمستشفيات الي ممكن تشتغل فيها الي تابعة للوزارة فقط ولا ممكن أي مستشفى تختاره ؟؟

والراتب هل هو نفس راتب الطبيب المقيم ؟

شكراً لك مرة أخرى والله يوفقك

بالنسبة للوزارة تشغلك على حسب الشاغر عندها و على حسب ادارة الاحتياج ممكن تكون في مركز صحي او في احد المستشفيات التابعه لها فقط ..

والراتب اللي تستلمه هو راتب الاطباء المقيمين من المستوى الاول يعني تستلم حاليا مع السلم الوظيفي الجديد 14 الف وشوي يشيلوا منها الف للتأمينات .


اتمنى اكون افدتك

الله يعافيك ان شاءالله ...يارب تتسهل

يعني على حسب الوزاره مرات يعقدونها بس انت وشطارتك
لازم تقدم على الديوان وتكون اوراقك كلها كامله عشان مايرجعونك واذا خلصت من الديوان تنرسل للوزاره
وهي الوزاره دائما الي توقف الاوراق بس لو تعرف دكتور ممكن يرسل خطاب لهم وتمشي امورك
وفي اسبوعين ممكن تحصل على وظيفه ..ايه الي اعرفه انك تحدد المنطقه الي تبي تشتغل فيها وتحدد المستشفى
الي تبيه مثل ماحصل معاي بالضبط

الراتب والله مو متأكده بالضبط منه بس اتوقع ماراح يقل عن 12 الف

ولو كنت تبي تفاصيل اكثر عن طريقتي وحبيت اساعدك انا حاضره

انا حاليا اشتغل بعقد في مستشفى عسكري تخصص مديسن تبع برنامج الهيئه السعوديه للتخصصات في المنطقه الغربيه ..

اول ما يجيني القبول النهائي بأذن الله وتخلص اوراق بعثتي .. راح الغي عقدي من المستشفى ..

هذي كانت خطتي من 6 شهور .. والحمد لله ماشيه كويس ..

بالنسبة ليي قدمت على أحد مستشفيات الشرقية سيرفس بعقد تشغيل ذاتي .. ولحد الآن لم يكتمل الموضوع بسبب بيروقراطية المديرية العامة للشئون الصحية ...
الظاهر بنطلع البعثة قبل لا نشتغل ..

طيب واللي يقدم على الديوان ما بيكون موظف حكومي ؟ وممكن يتسبب هذا في الغاء بعثته أو لا؟

غالباً يشتغل سيرفس في احد المستشفيات

وغالباً في مستشفيات وزارة الصحه لانها محتاجه وبشدة وايضاً تعطي رواتب جداً ممتازه مساوية تقريباً لراتب الطبيب المعين من الديوان

التقديم لهذي الوظايف يكون عن طريق المستشفى نفسه انت روح لادارة التشغيل الذاتي في المستشفى اللي تبيه وهم يدلونك على المطلوب منك

وغالباً الموضوع ياخذ من اسبوعين الى 3 لان المستشفى يرسل اوراقك الى مديرية الشؤون الصحيه في منطقتك للموافقه على تعيينك وهذي تاخذ اسبوعين وبعدها تسوي فحص طبي وياخذ له تقريباً اسبوع ثم توقع العقد وتبدأ الشغل

وغالبية المستشفيات راح تحطك في الاقسام المحتاجه لطبيب وهي غالباً ال ER يعني الشغلة مو على كيفك

بالنسبه للرواتب فهي جيده جداً

في مستشفيات مثل الحرس تبعث اطباء لاخذ التخصص برا وغالباً يشترطون ان يكون في امريكا او كندا

وهم يعلنون عن هالفرص في موقعهم والمقبولين يشتغلون كأطباء خارج البرنامج ويسمونهم Pre Scholar Doctor الى ان يجيبون قبول في التخصص المطلوب في احد هالدول ويشترط ان يوافق المستشفى عليه ويكون خلال سنتين من تاريخ قبولهم
وخلال هالسنتين يشتغلون ك Residents ويعطونهم رواتب ممتازه جداً بس بعد الابتعاث ياخذ نص الراتب الاساسي بدون بدلات

اتمنى ان تكون وضحت لك الصورة كاملة

عن نفسي الصراحه ماحبيت اقدم في الصحه لانو سمعت انه لو بطلت منها ممكن لمن تيجي تقدم مره ثانيه يحطونك في البلاك ولخبطوني في ناس تقلي ممكن بسهوله فانا الصراحه قلت بس خليني على القطاع اللي مو تابع للصحه
فانا الان رحت مستشفى من مستشفيات جده لكن الى الان مابدات الشغل باقي اوراق ماخلصتها