استفسار الدراسة بالسعوودية ام الابتعاث

ما فيه مقارنة


ابتعث

افضل البكالريوس بالسعوديه لانه ما فيه فرق كونك حصلت عليه من الهند ولا كندا ولا من السعوديه ولا امريكا

يعني بالاخير اسمه بكالريوس

دراسه الطب بالسعوديه افضل بكثير من الغربه

اشكركم على الردود


ولكن لم تعطووني الاجابة الكافييية

انا اريد دول نظامها بدراسة الطب مثل السعودية

هل يووجد واين وكيف طريقة دراستها

وهل شي تعتبر من الافضل من ناحية المرونة

وشكرا

ووووم ياشباااااااااب



ابغى ردود تكفوووووون والله اني محتاااااج معلووومااااااات

توقعاتي ان كل الدول نفس النظام الا ما ندر .
ولو انا بدابلك اخدها براا .
بس لا تنسى بعدها 3 مدري 4 سنوات تخصص وهذي اهم من البكلوريووس بكثير
يعني المجموع 10 الى 11 سنة .

وعليكم السلام ورحمة الله وبركاته
بالنسبة لاسئلتك
نعم في دول كتير نظامها زي نظام السعودية(اذا تقصد من الدول الاوروبية واللي في قائمة الابتعاث)
ايرلندا هولندا بولندا وغيرها الكثير الموجودة في قائمة الدول اللي ممكن تبتعث فيها
فرنسا وغير
اذا كان انجليزيتك كويسة فاقرا هذي الصفحة وحتلاقي فيها معلومات عن كل دولة تقريبا
Medical school - Wikipedia, the free encyclopedia
في الخارج حتتاخر سنة اقل شي اذا كان رحت لبلاد نظامها زي نظام السعودية لانه اغلب الدول قفلت تسجيلها في الطب حسب قرائتي
معناتها حتجلس سنة انتظار لغة او اجراءات ابتعاث وقبول - 6 سنوات طب- سنة امتياز
اذا رحت لدولة نظامها مختلف زي كندا وامريكا
فحتطر تدرس اقل شي 3 سنوات بكالوريوس بعدين حتقدم على كلية طب (القبول شبه مستحيل للطلاب المحليين فما بالك بالطلاب الاجانب) اذا قبلوك 4 سنين طب -سنة امتياز, تقريبا في هذا النظام تتاخر سنتين اقل شي(طبعا حط في بالم سنة الانتظار)
وانا انصح ابدا ما تقرب هذا النظام اذا انته مخطط الطب لانه مررة مشاكلة وتعقيداته كثيرة
سالت دكاترة في كندا وجامعات حقت residency هل يفرق فين ادرس الطب
قالولي اهم شي الجامعة معترف بيها
لو تخرجت من هارفارد او من جامعة ام القرى ما يفرق معك الا برنامج التخصص بعد الجامعة.
وما حيفرق معك في القبول في برامج التخصص الا مؤهلاتك معدلك و جنسك.
قد تقول ليش جنسك , زي اي دول العالم ,الأولى بالقبول المواطن .
لكن حتى من هذي الناحية قالولي في التخصص انتوا يا السعوديين قبولكم قد يكون اسهل من الكنديين لانه الحكومة جزاها الله خير سوت عقود مع المستشفيات التعليمية في كندا .
اكرر اهم شئ برنامج التخصص فين تسوي لكن البكالوريوس ما يهم.
اللي حتستفيد منه من بره اذا كان بتدرس طب, لغة, ثقافة,اعتماد على النفس,الراتب الشهري.
اللي حيضرك حياخرك اقل شي سنة , تتعرض فتن للصبح واللي ممكن تمنعك عن التفوق ومن الاستفادة , القبول اصعب في بعض الدول والاولى دائما ولد البلد,اشتياقك لاهلك وبعدك عنهم,غلاء المعيشة قد يكون مشكلة.
بالنسبة لي انا ححط اشياء تانية كمان في بالي قبل ما اقرر فين ادرس الطب
هذي رايي واسال الله لك التوفيق

اذا تبغى تعرف الجامعات المعترف بيها في النظام الامريكي والكندي خش على هذا الموقع
FAIMER | International Medical Education Directory (IMED)
طبعا افضل جامعات الطب في السعودية هي جامعة الملك سعود بن عبدالعزيز
ترتيبها من ناحية السمعة على العالم 97 في بعض نظم التقييم يعني احسن من كثير جامعات الطب في الغرب, في كندا مثلا , 7 جامعات فقط دخلت تحت تصنيف افضل مئة كلية طب. تقدمت على مئات كليات الطب في الغرب

King saud university | Top Universities هذا المصدر انه كلية الطب في جامعة الملك سعود ترتيبها 97

بالنسبة لبحثي مؤخرا وجدت انه في هولندا تجلس سنة ونص premed وبعدين 6 سنين دراسة بعدها سنة الامتياز يعني 8 سنين ونص (سنة ونص زيادة وهذا لو قلنا بدات الدراسة الترم الجي وممكن كمان تتاخر سنة )
ايرلندا لازم تاخذ الثانوية الايرلندية وحتاخذ منك برضه سنة وبعدين 6 سنين طب وسنة امتياز اللي يفضلوا فيها الاوروبيين يعني المجموع 8 سنين بغض النظر عن سنة الانتظار المتوقعة
اما جامعات بولندا والمجر ورومانيا فاشوف انه جامعة الملك سعود احسن من جامعاتهم بكتير
اما فرنسا فيقبلوا طلبة كثير بس عندهم شرط اختبار القبول اللي التسجيل عليه قفل السنة هذي يعني اذا بتروح بتروح السنة مهو هذي اللي بعدها
الطب 6 سنين والامتياز غالبا سنة ونص فهذي كمان 8 سنين لا وبعدين عندهم تعقيدات في القبول بعد سنة اولى وما يقبلوا في السنة الثانية الا طلبة قليل
وكمان ااكد مرة تانية ما يهم فين تدرس البكالوريوس اللي يهم هو الزمالة الطبية فين تسويها
برضة لازم تكون الجامعة معترف بيها دوليا
فنظرتي المتواضعة للموضوع انه الواحد اذا كان بيدرس طب احسن مكان له السعودية اقل سنوات واضمن وافضل
طبعا انا ما حسبت فترة دراسة اللغة فحط في بالك هذا الشي كمان
وبالله التوفيق