أيهما أفضل .. دراسه الطب في السعودية أم في الخارج ..؟!!!

if u r more concerned about gettin the best education and become a world class physician for sure get the bachelor degree from outta saudi arabia

but

if u r more concerned about the years.. and u want the easy and the guaranteed way of gettin it then stay in saudi

cuz gettin the bachelor degree in medicine from north america is a very hard and most challenging so if can handle it go 4 it

^^^

many thanks for your help


waiting for another advise

انا تقريبا افكر في نفس الشي

وسالت قريب لي
جراح قلب خريج كندا حائز على الدكتوراه في جراحة القلب امتياز مع مرتبة الشرف واشرف على الملك فهد رحمه الله لمدة 4 شهور
وهو الحين محاضر في احدى الجمعات السعوديه

المهم انا مابستعرض لك سيرته الذاتيه بس اللي بوصله انه رجل يؤخذ منه الكلام والعلم والنصيحه

قال نصيحتي انك الباكالوريوس في السعوديه لغلبة ايجابياتها على سلبياتها
ومنها القرب من الاهل والاقارب وسهولة ظروف الدراسه هنا عنها بالخارج
ومنها ايضا قوة جامعة الملك سعود اللي مدح فيها كثييير وفي مناهجها اللي تكاد توازي مناهج الجامعات العالميه

واوصى بعدها باخذ الشهادات العليا والزماله من الخارج

ولكن اذا قلتلك جامعة قويه عالميه من الحين وانت متحمس للابتعاث وقادر على تحمل اعباء الغربه ومسؤوليتها فسافر وبالتوفيق ان شاءالله

هذا مجمل كلامه بالضبط

وانا اقول اذا بتطلعين برا لدراسة الطب لا تروحين لامريكا لان الطب معقد هناك شوي في فترة الباكالوريوس
انصحك في اوروبا (انقلترا - ايرلندا - اسكتلندا)


وبالتوفيق ان شاءالله


دعوااااتك

يعطيك ألف عافيه اخي mohadona ماقصرت جزاك ربي الخيرر

اها .. ايه صحيح .. كلامك ان الطب معقدد هناك ..

ان شاء الله .. اذا جيت بدرس الطب في الخارج .. راح ادرسه في ايرلندا

بس سؤال الله لا يهيينك ..

هل تفرق شهادة البكالوريوس .. اذا اخذتها من السعودية او من ايرلندا .. اذا جيت اقدم دراسات عليا ان شاء الله في كندآ .. او لا .. كله واحد ؟!

وسؤال ثاني ..

اي افضل .. الدراسة ( دراسات عليا ) في كندا .. او في جامعة ايرلندا ..؟!

شكرا مرره ثانيه ..

سوالك مهم خصوصا لخوانا الصغار خريجيين الثانوي

من وجهة نظري انه من الغلط انك تفكر تدرس بكالريوس طب برا السعوديه
اولا غربه
ثانيا البكالريوس ما يفرق من وين تجيبه امريكا كندا باكستان السعوديه اوربا لانك بالاخير اسمك رزدنت يعني طبيب مقيم لا تحل ولا تربط بالمستشفى ابد ولا حتى لك مرضى باسمك ولا تقدر تفتح عياده ولا تنتفع باسم وقوة جامعتك اللي تخرجت منها باي شكل من الاشكال

فحرام اتغرب واتعب وبالاخير راتبي ووظيفتي بالسعوديه مثلي مثل خريج السعوديه او باكستان او اي مكان بالعالم

اذا حاب تكمل اختصاص بعد البكالريوس فاكيد انصحك بامريكا اولا بعدهاا كندا ثم دول اوربا
لانه هنا يتم النظر الا الزماله او البورد من اين حصلت عليه ؟ وتتوفرلك العروض الوظيفيه حسب قوة شهادتك

من ناحية القبول بعد التخصصات فاغلب الدول لهاا اختباراتهاا الخاصه يعني معدلك واسم جامعتك اللي خرجتك بكالريوس مو مهم زي اهميه نتيجتك بالاختبارات اللي قدمتهاا عشان تحصل على التخصص

اتمنى وصلت الفكره لانه كثير انسئل عن هذا الموضوع

بالتوفيق للجميع

يعطيك ألف عافيه أخوي طبيب أعزب ..

اها يعني شهادة البكالوريوس .. ماراح تأثر .. لو تخرجت من كندا او سعوديه

"من ناحية القبول بعد التخصصات فاغلب الدول لهاا اختباراتهاا الخاصه "


> ماقصدك بالقبول هنا ..هل القبول بالزماله او البرود ام ماذا ؟! ليت توضح لي اكثر بحكم اني مستجده .. شكرا مقدما


*وشئ ثاني ..اذا جيت اقدم على البورد في امريكا مثلا .. لو كنت متخرجه من جامعاتهم راح يقبلوني اسرع؟! .. او ماراح يأثر سواء جامعاتهم او من جامعات السعوديية ..



* اذا درست في السعوديه بكالوريوس.. وقدمت على البورد او الزماله في كندا .. هل سهل ان اقبل .. ولا اجرائاتها صعبه .؟!


وفقك الباري .. وحفظك اينما كنت .. على تعاونك ..!

مثل ما قال أخوي طبيب عازب

شهادة البكالريوس ليست مهمة , سواءً خذتها من أمريكا ولا من موزبيق ولا من جزر الواقواق ... لأنك أصلاً ما تقدر تسوي ولا شيء فيها , والدراسة عبارة عن معلومات أساسية جداً ما تحتاج إلى أماكن مميزة ..

لكن البورد والزمالة هي تخصصك وهي شغلك الأساسي , ونوعية التدريب والتعليم مهمة , وكذلك المستقبل الوظيفي أفضل .

طبعاً بالنسبة للقبول في البورد أو الزمالة في كندا أو أمريكا , إذا جيت تقدم علي برنامج بورد , كل دولة لها اختبارات خاصة لازم تختبرها عشان تقدم على البورد عندهم , ودرجة هذه الإختبارات مهمة جداً جداً جداً في قبولك لديهم , وهذا هو قصد أخونا طبيب عازب .

بالنسبة للقبول في كندا , يوجد الآن حوالي 800 طبيب سعودي مبتعث لكندا , يعني إن شاء الله تشدين حيلك في البكالريوس , وبعد ما تتخرجين تجيبين درجة كويسة في الإختبار الكندي , وما راح تواجهين صعوبة بإذن الله في القبول في كندا .

بالنسبة لأمريكا أصعب من كندا , أولاً لأن اختباراتهم أكثر ومتطلباتهم أكثر , وعدد من البرامج تطلب من المتقدم إنه يكون له خبرة تدريبية في مستشفيات أمريكا .

الأمور هذي سابق لآوانها وما تحتاجينها الآن , لكن بشكل عام البكالريوس من أي مكان ما يهم , لذلك يفضل الواحد ياخذه في ديرته , وبعدين برامج البورد والزمالة مب مشكلة إذا كان الواحد شاد حيله ومجتهد .

one 11 and N

كفيتم ووفيتم ..

خلاص ان شاء الله بدرس في السعوديه ..

يعطيكم العافيه على تعاونكم ووقتكم .. جزاكم الباري كل الخيرر