استفسار دراسة الطب كابكالوريس ثاني بعد العلوم الطبيه

هل فيه مجال ادرس الطب بالخارج وابتعث من قبل وزارة التعليم العالي او اي منشأة تتكفل بدراستي؟
نعم فيه مجال..لكن ليس حسب نظام الابتعاث الحالي..لان الوزارة لا تبتعث من يحمل بكالوريوس
لدراسة بكالوريوس آخر.لكن بالامكان الدراسة على الحساب الخاص ومن ثم الانضمام للبعثة.


بالنسبة للدول التي تقبلك- حسب معرفتي- مصر والأردن وباكستان..والمعادلة..ستكون نسبية..
لان الجامعه في كثير من الاحيان تشترط ان تدرسي 75% من خطتها الدراسية حتى تمنحك شهادتها.

دول اوربا لا أعرف..

المشكلة الاخرى التي قد تصادفك..هي انقطاعك مدة 4 سنوات عن الدراسة..وبعض الجامعات ترفض قبول من انقطع عن الدراسة اكثر من ثلاث سنوات..

قد لا تواجهك اي من المشاكل التي ذكرتها..لكن من واقع تجربه اردت تنبيهك عليها..وبالتوفيق ان شاء الله

بس انا توني ماخذه ماجستير مالي 3 شهور

هل اعتبر منقطعه عن الدراسه بها الشكل

وياليت التهاب مزمن تعطيني اسامي الجامعات اللي بمصر والاردن عشان اراسلهم بليز بليز واعرف

بيقبلوني ولا لا وكم رسوم الدراسه؟؟؟

الف الف شكر الله يوفقك يارب وجعل حالتك ماتصير ماسويه ابد

هلا اختي سوكر هانم

لا ماتعتبرين منقطعه عن الدراسه..لأن عندك مؤهل حديث..

اذن هذي مشكلة وخصلنا منها..

جامعة 6 اكوتبر في مصر..تقبل..

جامعه العلوم والتكنولوجيا في الأردن..تقبل

لكن تأكدي من انها ماتكون موقوفه..

في جامعة ابن سينا بالسعودية بعد اعرف صديقه تدرس فيها وهي معاها Phd من بريطانيا

قدمت عليها عن طريق برنامج المنح الداخليه

اتوقع ظروفها مشابهه لظروفك..


ويوفقك يارب..ويبلغك ماتحبين..والله لا يكتبلنا وياك المآسي

التهاب مزمن

1- انا ممكن اراسل جامعة ست اكتوبر او جامعة العلوم والتكنولوجيا واذا قبلوني اروح عادي وادرس ولا كيف؟

مشكلتي كيف ادخل نفسي في نظام المنح الداخليه هذا

ولو ماجبت معدل خلاص انتهيت

2- جامعة ابن سينا بجده اتوقع بس تكاليف الدراسه جدا باهظه واتوقع بس تعطي طب اسنان والسنه الوحده ب70 الف

تو ماتش؟؟؟

3- هل الشهاده من جامعة ابن سينا وست اكتوبر والعلوم والتكنولوجيا معترف فيها زي الدكاتره المتخرجين من كلية الملك سعود؟

طيب التهاب مزمن ابي نصيحتك بقولك خطتي

راح استقيل من عملي في المسشتفى واروح اقدم على جامعة ابن سينا او ست اكتوبر هل راح ادرس الطب 7 سنوات

كانى متخرجه من الثانويه مافي مجال ابد انى ادرسه كباكالوريس ثاني صح طيب راح اعطيهم 70 الف وادرس وادرس

واجيب معدل وجبت معدل عالي خلاص اكيد راح ادخل في المنح الداخليه ولا كمان فيها روايه

بجد تعبتك بس احس انى محتاجه افهم كيف مستقبلي معقوله ادرس 7 سنين طب مو اربعه :؛(

الف شكر التهاب مزمن الله يوفقك ويسعد ايامك ويحقق امنياتك بحق لااله الا انت سبحانك انى كنت من الظالمين
اللهم صل وسلم على محمد

آمين ويوفقك ويحقق مرادك ويبلغك ماتحبين يارب..

أنا مو مع انك تستقيلين من عملك فكل الاحوال..

ومو مع انك تدرسي بجامعة خاصه داخل السعودية..وراح اقولك ليش..

برنامج المنح الداخليه..يعتمد على المفاضله بين المتقدمين..وممكن تنقبلي وممكن لأ

و فحالة مانقبلتي راح تدرسي كامل المدة على حسابك..وانا معك تو متش تو متش..

الدراسة فالخارج فيها ميزة انك بس تجتازي 30 ساعه..يصير لك حق بالابتعاث..بدون مفاضلات

هذا اذا مشى الموضوع نظامي..اما اذا عندك واسطه..فهذا الشرط ماله داعي..

كيفيه التقديم...ع حسب معلوماتي القديمه..بالنسبة للأردن تدفعين رسوم معينه..عشان يستلمو اوراقك ويعرضونها على لجنة المعادلة..ويقولولك كم يلزمك عدد سنوات..وبناء على ردهم تفكري فالالتحاق بالجامعه من عدمه.
فمصر تقريباً نفس الشئ..لكن مصر افضل تضعينها كخيار ثاني..

اذا تعرفي احد فمصر او الاردن..ممكن ياخذ اوراقك ويمشي فيها..
واذا ماتعرفي ممكن تراسلي الجامعه..وتستفسري عن آليه التقديم للمعادلة..بدون حضور شخصي..

يطلبون الترانسكربت..والمحتوى العلمي للمواد..اضافه للشهادة

الدراسة خمس سنوات..اذا نفترض عادلولك 25%..راح يكون تقريبا طاحت عنك سنة..يعني صارت 4سنوات..

سنة الامتياز مو قاعد احسبها من سنين الدراسه..لان انتي وقتها تعتبري طبيبه رسمية وراتبك راتب طبيب

الجامعات الخاصه..لها نفس برقرام الجامعات الحكومية تقريبا..وهي 6سنوات+سنة الامتياز

واذا عادلتي عندهم ممكن يطيحون عنك سنتين..بس راح ترجعي لاريع سنوات..يعني نفس برا

نجي لموضوع الاستقاله..

انتي موظفه..

اذا حكومية..عندك عدة خيارات..اذا خدمتك اكثر من ثلاث سنوات..
تقدري تقدمي على اي جامعه خاصه في السعوديه..عبر نظام الايفاد الداخلي للدراسة..ويصرف
لك راتبك الشهري فقط.وتحتسب مدة دراستك خدمه لك

بعض القطاعات..ماتقبل تسوي ايفاد داخلي للموظفين...او مخلينها بشكل نسبي او للواسطات..يعني بتصير مشكلتك الرئيسية هو كيف ترفعين معاملة مثل هذي من قسمك بدون مايرفضها رئيس القسم ومن ثم المدير الطبي ومن ثم مدير المستشفى..!!


اذا مانجحت هذي..وحبيتي تدرسي على حسابك خارج المملكة..بإمكانك التقديم على اجازه دراسية..
هذي اقل امتيازات من السابقه..و تبتعثي من التعليم العالي عادي مثل اي طالب..وترجعي عملك بعد انهاء فترة الدراسه.


اذا مانطبقت عليك الشروط(خدمتك اقل من ثلاث سنوات) او رفضو او اي شي..يبقى عندك الاجازه الاستثانية وهي سته شهور..وتمدد بسته شهور
بإمكانك تروحي تدرسي..وعندك خيار العودة للعمل..في حال مارتحتي فبلد الدراسة..او صار اي ظرف..أو على الاقل تأمني عودتك لعملك لحين ابتعاثك من التعليم العالي.وقتها ممكن تستقيلي.

هذا اللي عندي..واذا عندك تساؤل..لاتستحي تفضلي قوليه..

من جد التهاب مزمن شكرا كثير فيه اشيا وضحت لي كثير كثير

الله يسلمك يارب

طيب اقدر اروح اللحين لوزارة التعليم العالي واقولهم ابي بعثه بعد ماكون جبت القبول من الجامعات؟؟؟

طيب صديقاتي يقولون انتظري لين مايفتح برنامج الملك عبدالله للابتعاث حتوفرين جهد بس انا خايفه اقدم عليه

ومايقبلوني واضطر ادرس على حسابي والتكاليف من جد باهضه اعرف وحده من البنات سافرت على حسابها الخاص

وخلصت الكورس الانقليزي وقدمت عالبعثه وماقبلوها مسيكينه رجعت فانا مابي يكون لي كذا



اخيرا

هل بمجرد انى جبت قبول من الجامعات المذكوره فوق وقدمتها على وزارة التعليم العالى خلاص راح تبتعثني على حسابها؟؟؟

من جد الموضوع شاق الله يساعدني ويصبرني ويكون معي

وانتي بعد يالتهاب مزمن يسعدك ربي كمان وكمان وعيدك مبارك ياعسل

عيدك مبارك وكل عام وانتي بخير ياوردة

التعليم العالي مشكلته مايقبل انه يبتعثك على بكالوريوس ومعك بكالوريوس..
مع ان امريكا وكندا..ماتقبل طب الا لخريجي البكالوريوس..

حتى عند التحاقي بالبعثه زمان بعد ثلاثين ساعه..نصحني موظف بالوزارة..بعدم ارفاق شهادة البكالريوس

قالي هذي الشهادة راح تضرك ماراح تنفعك..انصحك تشيلها..

اذا لك معرفه فالوزارة..او على الأقل احد يدخل باوراقك ع الوزير..راح تبتعثي على طول..

وفكري بالخيار هذا

اذا مالك احد..وانتي ناويه تدرسي..فما انصحك تنتظري للسنة الجايه..احس بس اهدار وقت..والعمر يمشي..

اذا ناويه تاخذي كورس لغه..راح تطول عليك المدة لين تبتعثي..

وماتوقع انك محتاجه كورس لغه

التهاب مزمن اتوقع اتقفلت في وجهي كل الابواب ماراح اكمل طب بشري

لانو التهاب انا مو ضامنه لو رحت جامعة الاردن حيضموني للبعثه ولا لا

وبصراحه الدراسه مكلفه

وانا كنت مخططه على برنامج الملك عبدالله للابتعاث بس يقولون لي ان برنامج الملك عبدالله مايرسل لبكالوريس ثاني

يعنى مايعطينى الطب البشري كابكالوريس ثاني للاسف مدري التهاب عندك فكره في الموضوع ولا لا؟؟؟

عندي كم استفسار اتمنى تجاوبيني عليهم انا اسفه عالازعاج

اللحين برنامج الملك عبدالله للابتعاث جاي على 3 طرق:

للدخول إلى برنامج خادم الحرمين الشريفين للابتعاث (الدراسات العليا) - المرحلة الرابعة (انتهت فترة التسجيل) - اضغط هنا
للدخول إلى برنامج خادم الحرمين الشريفين للابتعاث (البكالوريوس) - المرحلة الرابعة (انتهت فترة التسجيل) -اضغط هنا

للدخول إلى برنامج خادم الحرمين الشريفين للابتعاث (البكالوريوس لحملة الدبلوم) - المرحلة الرابعة (انتهت فترة التسجيل) - اضغط هنا

انا لو بكمل طب بشري على انه بكالوريس ثاني بعد بكالوريس العلوم الطبيه اضغط على برنامج الملك عبدالله للابتعاث للدراسات العليا ولا للبكالوريس

انا عشان انقبل طب بشري في جامعات كندا او استراليا ضروري اكون مخلصه كورس علوم طبيعيه او اي نوع من انواع الكورسات
ولا شهادة البكالوريس في العلوم الطبيه كفايه؟

اقدر اروح الان لوزارة التعليم العالى واطلب الانضمام للبعثه ولا خلاص راحت علي ؟

مافي اي طريقه ابد ادرس فيها الطب البشري خلاص انسى الموضوع ؟


اخيرا

عطيني لو سمحت اسم جامعة الاردن اللي تدرسنى طب او الرابط عشان اتواصل معهم بليز؟؟؟

وايش هذا نظام ال 30 ساعه ؟؟؟؟

والف شكر حقك تقتيليني والله

السلام عليكم أختي سوكر هانم... أنا موضوعي زي موضوعك بس أنا عندي بكالوريوس مختبرات طبية ... راسلت جامعات كثير بره في كندا و أمريكا ردوا عليه بس جامعة هارفورد و يال و جون هوبكنز قالولي غنه مع إلي درسته في المختبرات لازم أدرس سنة زيادة هيكون زي مراجعة بس بصورة مكثفة للدي درستة و هدرس علم الحيوان و مواد ثانية قالولي و ربي شاهد بس سنة.. الغرض من هذي السنة إني هغطي إلي ما درستة و كمان هعيش في أمريكا سنة و هيكون ليه الحق إني أقدم على جامعات الطب الأمريكية هذا بالضبط زي ما قالولي و بعد السنة لازم أسوي إمتحان إم كات و إذا نجحت هدخل كلية الطب... أنا للأسف و يمكن خيره من رب العالمين ما لقيت منحة فقدمت في جامعة الامارات في دولة الامارات (بلدي ) بس المشكلة إنه معدلك لازم يكون 3.5 و أن معدلي 3.48 من 4 فأخذوا أوراقي و اللجنة هتنظر تعملي إستثناء أو لا.. الجامعة تقبل أي طالب معاه بكالوريوس حتى لو في مجال أدبي بشرط إنه يقدر يتابع معاهم اعرف وحدة في مجال أدبي دخلت و ما شاء الله عليها.. الدراسة 4 سنوات و سنة إمتياز يعني كله 5 سنوات.. السنتين الأولى أكثرها في الجامعة و محاضرات و السنتين الثانيات أكثرها تقضيها في المستشفيات و سنة إمتياز زي ما قلت.. الدراسة تبدأ في 17 سبتمبر بس أنا لسه ما ردوا عليه و سمعت قبلوا بنات بعد تاريخ الدراسة عادي لأنه برنامج صارله تقريبا سنتين و نص و هو تماشي مع الدول الأجنبية.. فيه سكن و بالنسبة للطالبات الطب كل بنت ليها غرفة خاصة بصراحة لنا كأماراتيين ما ندفع شي بس ما أعرف للخليجين و الوافدين كيف علما إنه فيها خليجيين و وافدين يدرسون بس لهذا التخصص كاتبين بس إماراتيين بس إنتي جربي منتي خسرانه شيء و يمكن سبحان الله تضبط معاكي و ربنا قادر على كل شي... هذا الموقع زوريه Faculty of Medicine & Health Sciences

إقرأي إلي عنوانه New Admission Policy to Medicine for Bachelor’s Degree Holders

إذا تبي تتواصلي مع حد فيهم عندك العميد البروفيسور محمد حسان بني ياس و كمان الدكتورة فاطمة المسكري إنسانة و لا أروع ما شاء الله عليها.. للأسف ما قدرت أحط إيميلهم بس إدخلي هنا Faculty of Medicine & Health Sciences و إضغطي على إسم أي واحد فيهم و هيطلعلك كل شي عنه و كيف تتواصلي معاه...

ربي يوفقك إن شاء الله و إدعيلي بالقبول إن كان فيه خيره ليه