طالبة طب تطلب المساعدة

الله يهديكم فوق ال30 مشاهدة ولا احد يجاوب لا يكون موضوعي مش في محله :\

السلام عليكم ورحمة الله

هلا بالأخت الكريمة ، و شيء ممتاز إنك تفكرين في هالموضوع من بدري
الله يوفقك يا رب

بجاوبك باللي أعرف ، و إذا فيه شيء ماعرفته معليش على التقصير

أول شيء إرفعي المعدل قد ما تقدري لأن هذا بـ يساعدك كثير في كندا ، أمريكا ، أو حتى السعودية ( كـ معيدة )
و لو جلستي تفكرين أقل نسبة و مدري أيش بتتعبين
خلي في بالك معدل 5 من 5 و الا 4 من 4 ، اللي يكون
المهم تعطين نفسك حافز قوي
و تذكري كل ساعة تذاكرينها الحين ، هي بناء عمود من أعمدة مستقبلك إن شاءالله

النقطة الثانية :
من بدري ركزي على تخصص تشوفي نفسك فيه ، و إشتغلي عليه
أقصد ممكن تفكرين تصيرين Cardiologist
من الآن ضبطي وضعك مع استشاريين / ـات القلب ، من حيث التوصيات ، و الـ ريفيرنس لتر
ضبطي دورات في هالمجال ( مثل الـ BLS - ACLS .. إلخ )
لو لقيتي أبحاث في هالمجال شاركي فيها و لا تفوتيها ( أي بحث )
أي صيفية أو إجازة طويلة ، ضبطي لك فترة تدريب برى ( يا ليت في مستشفى جامعي تخططي عليه يكون هو وجهتك بعد البكالوريوس )


القبول في أمريكا و كندا :
فيه مواضيع كثيرة تكلمت عن هالشيء
لكن المهم هو كيف تجتازين إمتحانات هالدولتين
في أمريكا ( يجب عليك تجتازين الـ USMLE 1 و الـ USMLE 2 ( الجزء الأول و الثاني ) )
في كندا إمتحان واحد ، و الله يستر لا يزيدوهـ

المراجع ، امممممم
ماتعتمد على المراجع بس ، لكن تحضير اسئلة برضه
لكن الآن فيه كتب كابلان و تورونتو نوت هي المشهورة و ممكن فيرست أيد يفيد

المهم الحين و إنتي تذاكرين ، لازم يكون في بالك إن مذاكرتك ذي لك و للزمن
أقصد لإمتحانات الكلية ، و باك قراوند لامتحانات ما بعد الكلية

في الإجازات شوفي كتب كابلان عشان يكون عندك فكرة باللي قدام

،

بالنسبة للجواز ، و الله ما عندي خلفية
لأن لسه ماقدمت على أمريكا
فـ ما أفيدكـ

وفقك الله

وعليكم السلام
لازم تختبرين الـUSMLE
www.usmle.org
هذا الموقع يفيدك إن شاء الله

بارك الله فيكم,في ميزان حسناتكم آمين

وللاخ بدر,يعطيك الف عافية كفيت ووفيت اخوي بس عندي سؤال او بالاحرى اسئلة تعقيبا على الي تفضلت بقوله

كيف احصل على توصيات ؟

ومافهمت كيف يعني اشارك بابحاث؟هل ممكن اشارك بابحاث وانا لساتني ادرس ؟ ...وايش معناة الريفرينس ليتر :\ ,اعرف معناة ريفرنس(مرجع) بس على بعضها مافهمت(قصدك شي يكون مرجع عني وعن مستواي ونحوه)؟

والدورات الي احضرها ممكن تعطيني مواقع لها مثلا,لاني ما اعرف متى تقام واين

بالنسبة للتدريب بره,انا ناوية انشالله اتدرب بره,لكني ماعرف كيف وهل راح يوافقون ولا,واذا عندك خلفية على هالامور ياليت تفيدني,طبعا كلمت اخوي(يدرس بالخارج) بخصوص الموضوع ويتوقع اتهم ماراح يمانعون,لكن مانعرف كيف نطرح لهم الموضوع



وآسفة على الازعاج

الله ييسر امورك

التوصيات والريفرنس :
يعني أعضاء هيئة التدريس اللي في كليتكم وجابوا شهاداتهم من برى يا حبذا نورث أميركا
خذي منهم توصيات وريفرنس
الريفرنس أقوى بكثير يعني بيكتب فيك شيء مفصل إنك مجتهدة و و و و إلخ
بمعنى أدق عارف كل صغيرة و كبيرة عن مستواك العلمي وفي الأخير بـ يحط بياناته
عشان لو قدمتي برى وإحتاجوا يتصلوا عليه يلقوا وسيلة إتصال ( صارت خطوبة مو ريفرنس )
وذي ماتجي إلا بإجتهاد ، البعض يرفض و البعض يوافق و لا يضرك شيء

أما التوصية ممكن ورقة تكتبيها عن نفسك و يوقعها الدكتور ، أو يكون عنده نموذج يسويه لك
الأفضل ما تكون متشابهة مع غيرك

،

الدورات :
مثلا ً اللي تكون معتمدة من الهيئة السعودية
أو تأخذيها من برى
مثلا ً : ميلوك مادة الجراحة ، عندهم دورات و وورك شوب تفيد مثل الـ ATLS
ميلوك للميديسن ، عندهم ACLS
وهكذا وتلقينها في مواقع المستشفيات
وممكن تصيري مدربة للدورات مو بس أخذتيها

،

التدريب برى :
النصائح :
لا تتدربي كل مرة في قسم !!
يعني الصيفية ذي أطفال ، و الصيفية الجاية ميديسن !!
ركزي على قسم يكون هو مستقبلك

حاولي تتدربي في نفس المكان كل صيفية أو كل إجازة
الصيفية ذي تدربتي في تورونتو
الصيفية الجاية برضه تدربي في تورونتو
و في نفس القسم و عند نفس الدكتور

عشان يعرفونك

،

الطريقة :
والله ما أقدر أقول لك شيء مشيت عليه لأن للأسف ماتدربت و أنا أدرس
لكن راسلي المستشفيات الجامعية برى والبروقرام دايركتور
وشوفي إذا يردوا عليك ويعطوك جواب وبعضهم ما يرد المهم لو لقيتي فرصة مثل كذا في ( إجازة لا تفوت عليك )
وبعدها نسقي بينك وبين الكلية لو طلبوا منك أوراق إنك طالبة أو هيك

وفقك الله و يسر لنا و لك قبول الدارين

لك التحية

أخوكـ

السلام عليكم

لو حبيتي تتدربي بالصيف في مستشفيات الحرس الوطني فيها برامج صيفية لطلاب الطب صحيح بس تتفرجي كمي يمارسون الاطباء لكن اهم شي باخر الشهر او الشهرين يعطونك شهادة بحضور التدريب الصيفي

بشكل عام كل المستشفيات الي تدرب اطباء الامتياز تقدري تروحي لها وتطلبي انك تتدربي ما راح يمانعون

واذا تفضلين مستشفيات خارج السعودية تقدري تبحثي في قوقل عن summer training for medical student مثلا يعني

في كثير ناس يخططون مثلك انهم يكملوا خارج السعودية فيختبرو USMLE step 1 بعد ما يخلصوا سنة ثالثة طب ويختبرو USMLE step 2 بعد سنة الامتياز او خلالها وبكذا يكون اسهل عليهم من نسيان المعلومات والحاجة لقضاء سنه ونصف في كابلان

موفقة باذن الله

عفوا يمكن الموضوع مو بمحله
لو سمحتو فيه احد يعرف ايش هي المستشفيات اللي تسمح بتطبيق الامتياز فيها في الرياض؟؟؟؟؟؟؟
بليييييييز ساعدوني

عفوا اختي ما اقدر افيدك ,واتمنى ان ربي ييسرلك امورك