استفسار استخراج الضماان المالي بعد صدور الأسماء النهائية مباشرة؟!!!!!

طلاب الزمالة لهم وضع خاص وبامكانهم اخذ الضمان المالي اول ماتصدر الاسماء وليس لهم علاقة لا بالدورة الالزماية نهائيا
بالتوفيق للجميع

تسلم ويعطيك العافية

انا ان شاء الله رايح بكرة للوزارة

ايش الاشياء المطلوبة للحصول على الضمان المالي؟

شكرا أخوي m.m.n على طرح الموضوع هنا

الحين ياليت أحد يقول لنا وين أقدر آخذ الضمان المالي ؟ هل هو في مقر وزارة التعليم العالي للإبتعاث الخارجي ؟

الشروط
صورة من الجواز
صورة من الورفة الى اعطوكم اياه يوم التدقيق
الموقع حي المروج- طريق العليا
بالتوفيق للجميع

السلام عليكم
ياليت أحد يقول لنا هل فيكم أحد راح الوزارة وأخذ الضمان المالي؟

أنا راسلت الوزارة وقالوا لي الآتي :

جابوا لي الوسواس
يعني اللي فهمته من ردهم إنهم ما يعطون الضمان المالي إلا بعد الملتقى
وفي ناس تقول تقدر تأخذ الضمان المالي قبل الملتقى وهذا استثناء فقط للأطباء

واحنا ضعنا في الطوشة
وأنا معزم بكرة بروح الوزراة من الأحساء
وأتمنى هالمشوار الطويل يتم على خير ونطلع بفايدة


مرة ثانية
هل أحد من الأطباء اللي مقدمين على زمالة بأمريكا استطاعوا أن يأتوا بالضمان المالي من الوزارة هذه الأيام ؟

السلام عليكم

أقول أمسكوا أرضكم ولا أحد يتعب نفسه

اليوم رحت للوزارة وقلت لهم أني طال زمالة و أبغى ضمان مالي لأني راح أجيب قبول

قال لي الموظف وليش تجيب قبول أحنا راح نجيب لك قلت لهم أنا أقدر أجيبه أسرع ونختصر الوقت قال لي بكل برود اسف هذا النظام واذا مو مصدق انتظر الدكتور(طبعا ماأعرف أسمه) واسأله وانتظرته وقال لي نفس الكلام

قلت له بس المراحل السابقة كنتوا تعطونهم ضمان مالي
قال كنا بس ألحين لا أحنا راح نجيبه وما راح نطول عليك أسبوعين أو ثلاثة بالكثير
ملاحظة: موظف الاستقبال قال نحتاج شهر عشان نجيب القبول

يعني روحتي للرياض كانت عالفاضي
الظاهر أن كل حاجة تغيرت

طيب أنا أبغى شيكاغو و رتبت كل أموري و السكن و حفظت كل شي عن المدينة و الطرق و المواصلات حتى زوجي كلم كل اللي يعرفهم في شيكاغو !!!!!!
الله يستر ما يحطوني في نيوجرسي

الله يوفق الجميع
ولكن عندي أستفسار من ناحية القبولات اللي يقولون عنها أنا سمعت بس قبولات لمعهد اللغه مثلي أنا قبلت بألمانيا للزماله الطبيه المرحله السادسه
يعني الوزاره راح تدبر لك قبول لغه بس من ناحية قبولات المستشفى والتخصص أنت تجيبها
وربي حيرونا