حوار وزارة الصحة ام برنامج خادم الحرمين ؟

بالنسبة للابتعاث عن طريق وزارة الصحة
تحتاجين تاخذين موافقة جهة العمل على التخصص والابتعاث "اذا جهة العمل موافقين لازم يعطونك موافقة مبدئية" وهذا اهم حاجة في وزارة
بعدها تاخذين ضمان مالي مبدئي من ادارة التدريب والابتعاث في الرياض
مجرد ما تحصلين على القبول تقدمين طلبك لجهة العمل وهم يرفعونها للوزارة ولازم تتابعينها بنفسك وتعرفين وين وصلت وشنو نواقصها واذا تحتاج اي شي
بعد ما تاخذين قرار الابتعاث وتخلين طرفك وتتوجهين لمقر البعثة راح تعاملين معاملة المبتعثة عن طريق التعليم العالي مع بعض المميزات مثل
** فترة الابتعاث تحسب لك من ضمن سنوات الخدمة
** راح يصرف لك نصف الراتب من جهة عملك
** تعاملين معاملة المبتعثة ويصرف ما يصرف للمبتعثة من التعليم العالي
بعد ما تخلصين البعثة لازم تشتغلين نفس مدة الابتعاث او تدفعين كل الي انصرف عليكي وانتي في البعثة
بامكانك تتطلعين على لائحة التدريب والابتعاث في موقع وزارة الخدمة المدنية
لابد انك تاخذين بعين الاعتبار ان من ترفعين طلب الابتعاث ممكن ياخذ الي ستة شهور حتى يصدر قرار الابتعاث
اسوأ حاجة ممكن تصير ان جهة عملك يرفضون ابتعاثك بس رغبتك في تخصص يختلف عن تخصصك الي تعملين فيه حاليا في هالحالة ممكن تتوجهين لبعثة خادم الحرمين الشرفين

الخلاصة اذا تقدرين تطلعين على وزارة الصحة بدون ما ترفض جهة عملك .. اتكلي على الله
لو حصل انهم رفضوا تخصصك او طلبوا بديل او وضعوا عوائق قدامك ممكن تتركيهم وتروحي لبرنامج خادم الحرمين الشرفين

ملاحظة اخيرة
اذا انتي ما غيرتي مهنتك في الاحوال المدنية من طالبة الي موظفة حكومية ممكن تقدمين على برنامج خادم الحرمين الشرفين بدون ما تتركي الوظيفة وبعد ما تخلصين كل اجرآت البعثة ممكن تقدمين استقالتك
**

شكرا ع ردك
الي فهمته من كلامك ان وزارة الصحة احسن
لكن هل موافقة جهة العمل و ضمان مالي مبدئي و قرار الابتعاث تطول يعني كل وحدة من هالاشياء كم يبيلها وقت تقريبا ؟
والسوال الثاني تنصحني بمستشفى معين في الرياض او خارجها تكون فيه الموافقة ع التخصص والابتعاث سهلة علما باني اود بتخصص ديرما او راديولوجي في فرنسا ؟
الله يجزاك خير اتعبتك معي

شكرا ع ردك
الي فهمته من كلامك ان وزارة الصحة احسن
لكن هل موافقة جهة العمل و ضمان مالي مبدئي و قرار الابتعاث تطول يعني كل وحدة من هالاشياء كم يبيلها وقت تقريبا ؟
والسوال الثاني تنصحني بمستشفى معين في الرياض او خارجها تكون فيه الموافقة ع التخصص والابتعاث سهلة علما باني اود بتخصص ديرما او راديولوجي في فرنسا ؟
الله يجزاك خير اتعبتك معي

بعد اطلاعي ع لائحة الابتعاث في موقع وزارة الخدمة المدنية
وجدت شرط وهو انه يشترط في الموظف المبتعث ان يكون قد امضى سنتين ع الاقل في الخدمة
هل هذا الشرط ينطبق علي يعني لازم اخدم كاطبيب عام سنتين في اي مستشفى او مركز صحي ؟

بالنسبة لموافقة جهة عمل ... حاجة بسيطة جدا
تقدمين خطاب لرئيسك المباشر والمدير الطبي تطلبين فيه الموافقة المبدئية على التخصص الي تبينه وبعد كذا تاخذينه لمدير المستشفى
انا من الاحساء والي اعرفه عندنا انه لما الطبيب يطلب الابتعاث او الايفاد في تخصص يختلف عن التخصص الي يشتغل فيه يطلبون منه بديل
لكن الي نسمع عن المناطق الثانية .. ان شاء الله ما تكون هنا مشاكل
اذا الرئيس والمدير الطبي ومدير المستشفى كلهم موافقين ... الموضوع ما يحتاج غير كتابة الخطاب باسمك وتوقيع مدير المستشفى .. ما تحتاج وقت ابدا

بالنسبة للضمان المالي .. هذا تاخذينه من ادارة التدريب والابتعاث بالوزارة بالرياض
* تحتاجين تعريف من جهة العمل .. مجرد تعريف عادي انك احد منسوبي هالمستشفى
* صورة من الجواز
* وتعبئة نموذج الطلب ومن خلاله تحددين اي تخصص تبينه
هذا كذلك ما يحتاج وقت ابدا ... يكتبون لك الضمان والتوقيع والختم وهذا كله ما ياخذ ساعة عندهم

بالنسبة لشرط الخدمة لسنتين .. هذا عام لكل موظفين الدولة لكن لو تراجعين الحاشية ... فهناك استثناء للاطباء .. السنتين الخدمة ما تحتاجينها

بالنسبة للمستشفى في الحقيقة ما اقدر افيدك فيه .. لكن لازم تعرفين ان القطاعات الحكومية نظامها كله ورق في ورق .. لا تعتمدين على كلام اي شخص لانه قالك اوكي .... لابد انه يعطيكي خطاب او ورقة تكون موقعه من صاحب الصلاحية

انتي في ابدئي من المستشفى الي تشتغلين فيه وطلبي منهم الموافقة على التخصص الي تبينه
اذا موافقين لابد يعطونك خطاب بهالشي ..
اذا رفضوا .. رجعي لادارة التدريب والابتعاث في المديرية واستفسري منهم

لكن في البداية حتى تتفادين كل المشاكل
موافقة مبدئية من جهة العمل على التخصص الي تبينه
ضمان مالي مبدئي من ادارة التدريب والابتعاث في الوزارة
القبول الي تاخذينه لازم يكون متأخر بأربعة شهور على الاقل من بداية الدراسة

بالتوفيق ان شاء الله

حبيت اضيف حاجة بسيطة

الابتعاث بالنسبة للاطباء في وزارة الصحة مفتوح طوال العام .. ممكن تقدمين في اي وقت
وزارة الصحة محتاجة للاطباء في كل التخصصات .. اذا المستشفى رافض يطلعك على التخصص الي تبينه .. راجعي المديرية

الله يجزاك الجنة ماقصرت

عذرا .. يمكن ما وصلت لك الفكرة بالشكل الصحيح

لو تكلمنا عن القاطاعات الصحية غير وزارة الصحة مثل الحرس الوطني او التخصصي او العسكري فالنظام مختلف بشكل بسيط
الحرس الوطني كل سنة يعلن عن عدة وظائف شاغرة في تخصصات معينه مثل طب الاطفال او الجراحة العامة او الباطنية
انتي طبيبة عامة ممكن تقدمين على اي تخصص مثلا طب الاطفال .. لو الحرس الوطني قبل يوظفك على تخصص طب الاطفال .. راح تشتغلين طبيبة مقيمة في طب الاطفال .. وما عندك خيار الا انك تتخصصين في طب الاطفال وبس
الميزة في النظام هنا .. انك من البداية تحددين التخصص الي تبينه وتكون فرص التدريب مفتوحة لك في تخصص طب الاطفال وبس

الموضوع في وزارة الصحة مختلف اشوي
تقدمين على وزارة الصحة من خلال وزارة الخدمة المدنية
بعد كذا وزارة الصحة توجهك على المنطقة الي تختارينها
بعد كذا مديرية الشؤون الصحية في المنطقة تحدد لك المستشفى والمستشفى يحدد لك التخصص

عندك احتمالين
الاول تختارين التخصص الي تبينه في المستشفى الي تبينه والمديرية ما تعقدك في الموضوع وتشتغلين فيه
لما تطلبين ابتعاث في هالتخصص الي انتي تشتغلين فيه .. ما راح تكون هناك اي مشكلة

الخيار الثاني ان المديرية تحدد لك التخصص الي هم يحتاجونه
مثلا يكونون محتاجين اطباء في المراكز الصحية وانتي تبين اذن وانف وحنجرة
تبدأ مسألة التعقيد
ممكن يرفضون طلبك او يطلبون بديل .. يعني الموضوع فيه تعقيد

ارجو اني وصلت المعلومة