ابي ادري طب وساعدوني ولكم دعوة بظهر الغيب

السلام عليكم أخوي .
إذا تبي قبول طب شوف دول أوروبا لأنها أسهل في القبول مثل بولندا والمجر والتشيك تدرس سنة تحضيرية وبعدها تختبر إختبار قبول وإذا عديت الإختبار تقبل مباشرة في الطب
لكن الإلتحاق ممكن مايجيك إلا بعد السنة التحضيرية .
أنا أقترح عليك تروح في البداية أمريكا عشان الإنضمام أسرع بعد 4 أشهر وإذا أنهيت اللغة تحول على دول أوروبا .
وإذا أحتجت قبول من أمريكا في العلوم الطبية أنا حاضر ..

بالتوفيق .

ماقصرت يالغلا
يعني ادرس الغه بامريكا وبعد الغه
تنصحني احول على هولندا واكمل فيها طب

ولا وش تنصحني فيه ؟

والله يسعدك ويحقق مرادك بنتظارك ^^

هلا بك أخوي .

والله هذا رأيي لأن أمريكا أسهل في الإلتحاق بالبعثة من دول أوروبا .
أمريكا بعد 4 أشهر من اللغة ترفع تقارير عن حضورك ومستواك الدراسي إذا كان جيد تلتحق مباشرة . وبعد نهاية اللغة تقتدر تطلب تحويل إلى أوروبا بعد ماتوفر القبول وغالبا مايرفضون التحويل .
أما دول أوروبا أحسبها أنت إذا انت محتاج لغة فلازم تدرس لغة وبعدين سنة تحضيرية وبعدها إذا قبلت طب تدرس الفصل الأول وخلاله الفصل الأول أو بعد نهايته تلتحق يعني مشوار سنتين تقريبا عشان الإلتحاق
وملحقيات أوروبا مشددين من هالناحية .
وأنت تقدر تتواصل مع ملحقية ألمانيا وملحقية النمسا .
وعلى فكره هولندا مايقبلون طلاب على حسابهم الخاص لازم تكون مبتعث .
في الأخير أنت شوف وش الأفضل لك .
وأحسبها في مخك زين وقرر .

بالتوفيق لك أخوي ...