ابتعاث طب بشري

بكالريوس الطب البشري في امريكا ( حصري للامريكان فقط ) لاكن الاختصاص الطبي او المرحلة اللي بعد الباكلريوس تقدر تدرسها بامريكا لاكن بعد الثانوي مباشرة مستحيل تدرس الطب بامريكا لانه حصراً للامريكان بس

كيف حصري للامريكان ياخي كيف تقول الكلام هذا

لو حصري للامريكان كيف الوزارة تبتعث طب لامريكا لو كان حصري للامريكان

تاكد من كلامك قبل ما ترد

الوزارة تبتعث لامريكا اختصاص فقط اللي هو يعادل الماجستير اما البكلريوس بعد الثنوي ماراح تحصل ناس مبتعثين لامريكا طب

طيب دراسة الطب بعد بكالوريوس علوم ؟
من امتدادات العلوم من قبل الوزارة تخصص الطب


( تمت المشاركة باستخدام تطبيق مبتعث )

الموضوع موب انه حصر يا اخي الكريم
ممكن انها تدرس بكالوريوس ومعروف الطب في امريكا وكندا يحتاج انها تدرس 4 سنين علوم ماقبل الطب بعدين تختبر ما اذكر ايش الاختبار المطلوب وتدخل في منافسة وبعدها تكمل 5 سنين طب

( تمت المشاركة باستخدام تطبيق مبتعث )

اي نعم اخوي تدرس 4 سنوات بكلوريس علوم وليس طب وبعد ما تتخرج اذا كانت نسبتك عاليه مرا تأهلك انك تدخل اختبار طبي بحت مدة الاختبار ٨ ساعات وبعدين اللي ياخذون اعلى درجات بالاختبار يدخلون ماتش او فرز ويطلع منهم الافضل وهم عدد قليل جداً جداً يكملون ٤ سنوات طب وسنه تطبيق فالشغلة طووويله تاخذ حول الـ ٩ او ١٠ سنوات هذا غير انه احتمالية حصولك على مقعد شبه مستحيله وضرب من الاعجاز لان المقاعد قليلة جداً ويتنافسون عليها طلاب من كل جنسيات العالم ولعلمك النظام هذا للاجانب بس اما الامريكان على طول يدخلون الجامعه لدراسة الطب ودراستهم عبارة عن سنتين علوم طبيه اعداد وبعدين اختبار يعتبر صعب شوي لاكن المجتهد يعديه اذا نجح بالاختبار يكمل ٤ سنوات طب وتكون دراسته كامله ٦ سنوات ويتخرج طبيب

فمعناته انو الطب حصر للامريكان بينما الاجانب يدرسون علوم صحيه او كيمياء حيويه او احياء والنخبه من خريجين البكلريوس لهذي التخصصات يتنافسون على مقاعد ولو افترضنا انك ما حصلت على مقعد للطب راح ترجع معاك البكلريوس اللي درسته وتنسى موضوع الطب نهائي بعدها

بالنهاية لو تحسبها الطبيب ماعمره انسأل عن البكلريوس حقه لانه مو مهم ينسأل عن البورد او الاختصاص من وين اخذه هذا اللي يفرق من طبيب لطبيب فـ لو تدرس بالسعودية مثلاً او اي دولة اوربيه بكلريوس طب وجراحة وتخلص بـ ٦ او ٧ سنوات وتروح تاخذ البورد او التخصص من امريكا او كندا بيكون افضل مليون مره اقل شيء لو من الناحية النفسيه انك تكون خلاص عارف انك قاعد تدرس طب وعارف مستقبلك وراسم خططك المستقبلية مو مثل لما تدرس اربع سنوات وانت ماتدري بالنهاية بتقدر تحقق حلمك ولا ترجع بلدك بتخصص ماتبيه ويتحطم حلمك وتتحطم نفسيتك معاه

اتمنى تكون وضحت الفكره