لطلاب هندسة الكهرب سؤال محير الكل !!!

حتى انا نفسي أعرف .... لكني أسمع عنها دائما أنها صعبة ومايدخلها الا واحد ذكي ...

بانتظاار من يفيدنا ..

ما فيه دراسة للهندسة سهلة و لا فيه شي مستحيل
المسألة تعتمد على ثلاث شغلات
الصبر و الجلد عندك على المذاكرة و التحصيل الدراسي
قدراتك الاستيعابية
تفوق في جانب يناسب التخصص

الأولى واضحة و كذلك الثانية
و كنوع من التوضيح أعرف أحد الزملاء تشوفه تقول هذا ما يذاكر ، تفاجأنا بعد حوالي سنتين إنه وضع من ضمن قائمة الشرف و كان ترتيبه من ضمن العشرة الأوائل في المعدل التراكمي على مستوى الكلية ، بينما زميل آخر يدرس 30 ساعة في اليوم و مع ذلك تخرج بمقبول ، السبب القدر الاستيعابية .. هذاك ما شاء الله تبارك الله من شرح المدرس مع مذاكرة و مراجعة خلال ساعات خلاص استوعب المادة و فهمها .. الثاني ما عنده هذي القدرة الاستيعابية العالية ..
ايش أسباب هذي الاختلاف في الاستيعاب ، قد يكون الفرق في مستوى الذكاء ، و قد يكون من التأسيس الصحيح في الدراسة منذ الابتدائية ، و قد يكون من الاثنين .

الثالثة أقصد بها إن كل تخصص يحتاج إلى تفوق في قدرة محددة
مثلا الهندسة الكهربائية تعتمد على الرياضيات و قدرتك التخيلية فيها
قد تكون الهندسة المدنية تحتاج إلى مستوى أقل في هذا الجانب

مساء الخير ..

مثل ما قالوا لك الإخوان .. مافيه شي صعب ولا مستحيل .. وايضا مافيه شي سهل ..!!

دراسة الهندسة الكهربائية مو سهلة في أكثر الجامعات تعقيدا وصعوبة مناهج .. اللي هي الملك سعود ..

والدكاترة معقدين جدا جدا .. لدرجة ان كان فيه شُعب ترسب بأكملها ولا ينجح فيها أحد ..

فيه طلبة انسحبوا لأقسام أخرى .. وفيه طلبة انسحبوا من الجامعة نهائياً .. وراحوا لجامعات أخرى داخل

المملكة مثل البترول والمعادن وخارج المملكة في امريكا وبريطانيا .. وتخرجوا وصاروا مهندسين ..

اللي أبي اوصله لك ..

الصعوبة مافيه احد يقدر يقدرها لك .. بمعنى الصعب عليك ممكن يكون سهل على غيرك .. والسهل على غيرك ..

ممكن يكون سهل عليك ..

انا صادفت كثير يسألوني هل تنصحني أدرس هندسة ؟؟

نعم انا انصح وبشدة .. لأني أبي أشوف كل أبناء وطني في مراكز مرموقة ومتعلمين ..

لكن يعتمد على قدراتك انت .. وعلى صبرك واستعدادك للدراسة ..

الهندسة وبخاصة الكهربائية ماهي سهلة ..

لازم تكون جيد بالرياضيات .. لأن 99% من المواد كلها تحتاج رياضيات منقدمة ..

1- في الهندسة الكهربائية راح تآخذ على الأقل مادتين فيزياء .. حركية وكهربائية .

2- 7 او 8 مواد رياضيات متخصصة ومتقدمة ..

3- راح تآخذ مادتين لعلم الحركة والسكون .. اللي هي Statics and Dynamics

4- مبادئ الألكترونيات , مادتين .. مبادئ الدوائر الكهربائية , مادتين .. والكهرومغناطيسيات ( من أصعب المواد), مادتين .. وعلم الإشارة ( من أصعب المواد ) .. مبادئ القوى الكهربائية والتحكم ثلاث مواد .

5- مواد معامل كهربائية .. وغالبا تكون تابعة للمواد أعلاه .. وهي تطبيق عملي لما درسته ( تقريباً 7 مواد عملي )

هذي هي المواد الأساسية ..

وبعدها راح تجيك مواد التخصص ويرافقها مواد عملي .. اللي هي تقريبا تعتمد بشكل أساسي على أحد فروع مواد

الأساس .. ( اتصالات والكترونيات أو تحكم وقوى كهربائية )



هذي فكرة بسيطة عن منهج الهندسة الكهربائية بشكل عام .. واعيد واقول .. انها تعتمد على الرياضيات بشكل كبير

جدا ..

في النهاية ..

لا تآخذ قرارك مجاملة لأحد .. أو ارضاء لأحد .. أو انك فقط تبي تصير مهندس ..

الهندسة تحدي ..

اذا انت شايف نفسك قادر بإذن الله على هالتحدي توكل على وابدأ ..

ترى والله ماهي صعبة على اللي راح يجد ويجتهد .. لكن اللي يبي يآخذها سعة صدر .. لا يدخل .

( إذا عزمت بإذن الله تدرس هندسة كهربائية حاول تدرسها خارج المملكة افضل .. وابتعد عن جامعة الملك سعود وتعقيدهم )

وتأكد تماماً ان اللي صاروا مهندسين .. مو كلهم أحسن منك ..


وفقنا الله وإياك لكل خير .. وبإذن الله نشوفك من أنجح المهندسين .

Captin.Eng

ياأخي كلمة شكر قلييلة بحقك ... رووح ربي يرزقك اللي تتمناه ويوفقك دنياا واخرة ...

وياريت لو تطلع على موضوعي فأنا بحاجة إلى خبير مثل خبرتك العاالية ... جزااك ربي الجنة

Engr. Manager

Captin.Eng

الله يوفقكم وضحتوا لنا الصورة والتخصص يعطيكم العافية ..

راجع هذا الموضوع إن شاء الله يفيديك

http://www.mbt3th.us/vb/forum75/thread202027.html