يامهندسين افيدوني ,, هندسة ديكور ,, ايش تنصحون؟؟؟

أختي صباح الخير
رأي شخصي ,,
في مجال التوظيف ,, هندسة الديكور مطلوبة بكثرة ولكن ما تصل إلى مرحلة الماستر..

ولو حسبتيها بشكل ثاني ::
معاك دورات عدة في برامج التصميم ,, تأكدي بأنها تغنيك عن الماستر بهندسة الديكور

وبالتالي تشوفي أن هندسة الديكور تطلب خيال واسع في التصميم ,, خبرة ,, ممارسة,,, وليس شهادة...

بالتوفيق

اخوي انا احترم رايك و لكن اتمنى تتكلم عن تجربة شخصية او واقع ملموس!!!

انا بادرس تصميم داخلي ماستر و الحمدالله مبتعث فلا تقول انها ما توصل للماستر!!!!!!
و مستحيل تلاقي عمل من غير شهادة و خصوصا هادي الايام حتى خريجي الماستر بيلاقو احيانا صعوبة في ايجاد عمل مناسب و خصوص في بلادنا الحبيبه!!!!!

اوكي نيجي عندك اختي
اولا ان شاءالله تتوفقي و حطي في بالك لو عندك اصرار على شي فماراح يمنعك و لا احد طالما انك تجري ورا طموحاتك
ثانيا مافي شي اسمو هندسة ديكور و الاسم الصحيح هوا تصميم داخلي و ما راح تلاقي اي جامعة في شمال امريكا تدرس التخصص تحت مسمى الهندسة
بالنسبة للتخصص ما يعتبر صعب اذا كان عندك رغبة فيه و لكن اقدر اقولك انو يبغالو شغل كثير و تعب و ايام حتى ما تلحقي تنامي مزبوط عشان تخلصي المشروع في الوقت المحدد
اول شي تدخلي على موقع الوزارة في خانة الجامعات الموصى بها و تكتبي اسم التخصص و هو Interior Design
و راح تطلعلك ليستة بالجامعات و منها تدخلي على كل جامعة عشان اهم شي في الموضوع تجيبي قبول التصميم الداخلي تحت مسمى علوم و ليس فنون ابدا لان الوزارة ما راح تقبل اي تخصص تحت مسمى فنون
اما عن اختلاف التخصص هادي اهم شي ان جامعة تقبلك لان التخصص جدا مختلف و ممكن تلاقي جامعات تاخذك بشرط تدرسي سمستر بمواد اولية او اساسية عشان تاهلك للقسم
و بعدها اذا حصلتي القبول ان شاءالله فالوزارة المفروض ما تمنعك مدام ان عندك قبول و الجامعة معترف فيها بس لازم تطلبي تغيير التخصص من الملحقية و تقدمي قبولك و تكتبي خطاب مشروح فيه الاسباب بتغيير التخصص و ايش طموحاتك
و كمان تطلبي من الجامعة تكتبلك خطاب موجه الى الملحق الثقافي مشروح فيه الخطة الدراسية بالتفصيل
اعتقد حاليا هادا الي المفروض تفكري فيه و اي سؤال انا حاضر
بالتوفيق

بالنسبة للوزارة تعادل لكي لكن بشرط تكونين دارسة مواد تكميلية لايقل عن 3 مثلاً وكل مازاد يكون افضل طبعا
لكن يكتب لك في خطاب المعادلة ( ملاحظة اختلاف تخصص البكالوريوس عن الماجستير ) وهذا لايؤثر عليك الا اذا كنت تبغين محاضرة في جامعة لكن الشركات والمؤسسات الحكومية الاخرى مايهمهم هذا الكلام

شكرا لكم جميعا على الرد ..

بس أحبيت أسئل حضرتك ,, الأفضل أحط الآن من التقديم قسم علوم أو بعدين إذا انقبلت ,, مع العلم انه السنة هاذي حاطين تعهدات على اختلاف التخصص( فأمشي الموضوع وبعدين هناك خير ان شاء الله)

هل يحتاج التصميم الداخلي يحتاج رسم ؟؟؟؟

وشكرا

سوف تجد أغلب مكاتب التصميم بأن موظفي التصميم حاصلين على دورات عدة منها شهر أو شهرين أو أكثر.. بالإضافة إلى الخبرة العملية.
وليس شهادة. ( وهذا الحاصل في مكتبي ومكاتب زملائي المهندسين ).


هناك شخص حاصل على الماستر في المحاسبة ,, وآخر حاصل على الماستر في هندسة الديكور..
فمن منهم يستطيع الحصول على وظيفة بشكل أفضل وأسرع ؟؟؟

المفروض اول شي تحصلي القبول من الجامعة لان هادا الاهم و الاصعب بسبب اختلاف تخصصك!
و بعدين ترسلي القبول على الوزارة مع طلب تغيير التخصص
بس فوق هادا كلو لازم تسوي كل شي قبل ما تطلعي امريكا عشان لا تتورطي و يرفضو و انتي هناك! عشان لو لا سمح الله رفضوكي فيصير تدوري على قبول ثاني من غير ما تضيعي وقت و سنوات تروح عليكي و انتي يادوب عندك سنة و نص بس للغة! (هادا اذا راح تدرسي لغة)
و احسبيها ان عشان تلاقي جامعة و تقرري عليها حوالي شهر (مع انو لازم ترسلي لكل الجامعات في الليستة و كا تكوني على واحدة عشان ما تضمني يجيكي قبول) و مراسلاتك مع الجامعة الى ما يرسلولك القبول نقول حوالي 4 شهور و بعدين الوزارة و معاملاتها تاخدلك من 4 الى 6 شهور!
لا تستهوني الموضوع و راح تشوفي راحت عليكي سنة و انتي بس تجري ورا القبولات و الكل بنفس الوضع!
اما التصميم الداخلي طبعا يحتاج رسم كثير و تفكير و ابداع و افكار جديدة و يعتمد اكثر على مواهبك و استعدادك للتخصص!
بالتوفيق

انا ماني متاكد انك بتتكلم على مكاتب التصميم الداخلي او حتى المكاتب الهندسية و لا شي ثاني؟؟؟؟؟؟؟
و ماني متاكد اذا بتتكلم على مكاتب في السعودية و لا بلد ثانية؟
اذا كان كلامك على مكتب هندسي و موجود في السعودية فاعطيني اسماء و عناوين عشان ارسل اصحاب ليا بشهادات بكالوريوس و ماجستير و قاعدين في البيوت صارلهم سنين!!!!!!!!!!!!!!!! و راح تاخد فيهم الاجر!!!
و بعدين انا ما باتكلم على ماستر المحاسبة و لا اعرف شي عنو و كل كلامي فقط على التصميم الداخلي او حتى الهندسة المعمارية بحكم خبرتي و تخرجي من 4 سنوات!!!!
الله يوفق الجميع ان شاءالله!

مرحبا
عند التقديم من ضمن الخيارات كان هندسة اما العلوم على كلامك كانت علوم الحاسب وعلوم صحية
فكيف يكون الاختيار انا اختارة هنسة بحكمه اقرب للتخصص
شكرا