حياتي تتوقف عند جوابكم..

والله ونا اخووك انا بدخل الهندسة الكيميائية ولا عندي معلوومة على الله ولا ادري عن شي

خير ما اخترت ان شاء الله .. والله يوفقك .. وبعثتك ماشاء الله على سابك .. والله يتمم لك الامور

1- تخصص جدا قوي .. ومستقبله اقوى منه ..

2- نوع المواد اللي بتدرسها ( كل شيء ) فيزياء رياضيات كيمياء احصاء وإنتاج وتطوير وتخطيط.. كل ما يخطر على بالك في الهندسة

3- أكثر حاجة يعتمد عليها التخصص هو ( أنــــت ) .. متى ما حبيت التخصص وعزمت تتخرج منه .. ماراح يوقف شيء بطريقك

4- ما فيه هندسة أصعب من هندسة .. لأن الهندسة كلها واحد .. الفرق فيك انت .. غيرك يشوف الكيميائي سهل لأنه محب للكيمياء .. انا أشوف الصناعي أسهل لأني محب للفيزياء والرياضيات

5- التخصص يعتمد على الفيزياء وغيره .. هذي هندسة .. التخصص أسمه قوي .. يعني يبي له عمل اقوى .. لا تظن أن أي احد يبي يدخل هندسة .. يعني بيصير مهندس .. هذي يبي لها صبر وعمل .. ولا الكل ودهم يصيرون مهندسين ودكاترة .. بس قلة اللي يصيرون .. لأن قلة اللي يعملون بقوة التخصص .. واللي هم مهندسين ألحين .. ما هم أفضل ولا أقوى منك أن شاء الله



شد حيلك وتوكل على الله .. وصدقني خير ما اخترت ..

أتمنى لك التوفيق