للذين أكملوا دبلوم هندسي ثم بكالريوس

عليكم السلام
ايه يابوجاسم طايحله مواضيع , موضوع ورا موضوع .
عسى ان شاء الله تلقى مرادك , بخصوص سؤالك يابوجاسم ترا الموضوع صعب جدا م مثل ما تتصوره يعني السالفه او مافيها انه ايدزلك اني عادلتلك هل الكثر من الوحدات بس المشكله هل الكلام ما يكون 100% يعني تتتفاجأ بعدين ايقولوك سوينا لجنه لموضوعك وتمت معادله هل المواد وتكون يمكن نصف عدد الوحدات . لنا اهما يلعبون على سالفه انتا تعال ادرس انجليزي عندنا اول وبعدين ايصير خير . ( والحسابه اب تحسب )
يعني مثال على ذلك عندك اخوك العبد الفقير ( توليدو دزلوي معادله 85 وحدا دراسيه ) جنهم ايقولوي لا تي يبا اانتا خالص بالفطره ! لكن بعد البحث والتحري عرفت انه الموضوع مبدئي كوني بدرس لغه .
المهم متى نراكم !!!!!! شغلك كلش مو مضبوط ترا ناطرك

والله اهل الديره متجمعين هني وانا ما ادري لا ونفس الحاله بعد يدورون معادله الوحدات

الحقيقه يا جماعه انا لا الحين ما رحت بس انشالله شهر 12 وبالنسبه لمعادله الوحدات ترى مو شرط يعادلون لك كل الوحدات اللي اخذتها يعني فيه جامعات تعدل لك نصهم وفيه جامعات تعادل لك اكثرهم وبعضهم يعاد لك شي بسيط وعلى فكره هم يشوفون القريدات حقت المواد A , B , C....

انا اعرف واحد من الشباب خريج تكنولوجيا عادلوا له 58 من 85 وحده وطبعا التوفل شرط مطلوب اكيد
اتمنى تقولون لي يا شباب وين رايحين بالضبط لاي جامعات يعني وهل راسلتوهم ولا لا

تقبلوا تحياتي وبالتوفيق للجميع :86:

انا سالفتي سالفه راح اشرحها لمن اعرف حلها اول .
بس مبدأيا اوهايو حق اللغه وبعدين انشوف ( هم انا تقريبا شهر 12 )
اشلون تامبا جم عادلولك ؟ واشلون شرطهم للتوفل 520 ولا اقل ؟
متى دوامهم حق الاكاديميك ؟ اسأله عامه احب اعرفها
وشكرا

هلا بالحبيب

فرايدايزر عفس الشغل فوق تحت لا نومه و لا قال الله هههههههههه

بالنسبه للمعادله عندي خبر ان كل جامعه لها حسبه معينه

(أزيدك من الشعر بيت,,,, اليوم قاعد أسولف مع واحد من الشباب,,,,إسمع السالفه)

أثنين راحو أمريكا تخصصهم انتاج راحو يكملون ميكانيك الاول معدله 3,66 و الثاني 3,31 يعني موادهم كلها A&B المهم بنفس الجامعه cleveland state university الاول عادلوله 42 وحده و الثاني 50 وحده (هاهاهاهاهاهاهاهاهاها) شلوووووون؟

نسيت أقولك الاثنين ماخذين نفس المواد.

مراد الحجي how are you?


التكمله لما أشوفك...

على فكره انا لي الحين بالدوام

هلا بالغالي,,,

والله يا الحبيب الدبلوم طلع علينا أغلى من بيع السوق.

بما إنك مقبل على (تامبا), عندنا واحد من الشباب قدم على university of south florida و عادلوله 52 وحده بس على ما أظن طلبو توفل 550,,,,مع العلم صاحبنا بالعربي (يقط بدليات و ما يستوعب) شلون تيي 550؟

بالنسبه لي أود جامعه زينه من الآخر مو حاط في بالي جامعه معينه لكن عندنا واحد تخرج من UNIVERSITY OF CALIFORNIA- IRVINE وهو كان من خريجين التكنولوجيا يقول جامعه سنعه و المكان يشرح الصدر لكن بيني وبينك انا لي الحين قاعد أدور على جامعه من (مجاميعو على قوله أخواننا المصريين)

الله كريم...

ترى تامبا زينه :113:

هلا والله بالشباب

الحقيقه يا اخوان انا لا الحين ما استفسرت عن معادله الوحدات في جامعتي انشالله لما ابلش اللغه اراجعهم هناك وبعدين انت تبي بكالريوس يعني عط نفسك 2 ونص ولا 3 بالكثير هذا اللي قالوا لي التعليم العالي لما راجعتهم لاني بطلع على حساب التطبيقي انشالله بعد ما اخلص اللغه

وبالنسبه للتوفل اللي طالبينه الجامعه انا اتوقع يبون 550 والله يعينا
انا سويت اختبار بالكويت وجبت 417 يعني بالنظام الجديد 35 اتوقع انه نتيجه زينه لانها اول مره اجرب فيها توفل بس شنو خست بالامتحاااان :107:

المعهد يبلش 7-1-08 وينتهي 18- 4 والله يستر يمدينا نجيب 550 ولا لا:110:

موفقين يا شباب انشالله:119: