طالب جامعي محتاار والله محتار ادخلوا تكفوون

والله يوفقـــــــــك

حبيبي شوف أنا أعرف واحد من أقربائي

متخرج من كلية المعلمين قسم حاسب آلي
وله سنة عاااااااااااااااااطل شوف قد أيش سابقك

وتقلي الان أبغى أدخل قسم حاسب
طيب لو تخرجت كم راح يكون راتبك ... راح يكون بالكثير خمس آلاف
بينما راح تخسر نقول سنتين ....كم راح يكون راتبك بالقليل 13 ألف

علما أن الفترة اللي راح خايف عليها أنت مارايح تأخذ عليها علاوات واجد
يعني لو مرت سنتين من تخرجك راح يوصل راتبك بالكثير 6 ألاف ريال

وقريبي الان جالس يستنى التعيين ويحلم بو
تقلي أنت بتجي بعد خمس سنين وتبغى تتوظف بسررررعة
أقل مل تستنى 3 سنين
بينما لو درست هندسة إن شاء الله أيش
أول ما تتخرج وتستلم وثيقة التخرج راح تتسابق عليك الشركات وتخطفك الشركة اللي تختارها أنت
وصرت أنت اللي تتشرط مش تنتظر منهم وظيفة

أخوي نصيحة من أخوك ..أدخل هندسة وأستعن بالله
(علما أن ناصحك ترك الدراسة بأحد الجامعات السعودية لدراسة الطب 6 سنوات
وسيذهب بعثة 9 سنوات
علما أن نفس الراتب اللي راح أخده لما أرجع نفس الراتب اللي راح يأخذه صاحبي اللي درس هنا)

أأأأأأأأأأأأأأأأأأستخير ...وأأأأأأأأأأأأأستشير

واعذرنا على التقصير و عدم التنظيم

.. ما ودي احطمك ،، لكن انا سألت عميد كليتنا عن الموضوع هذا ،، ما وصلنا شي بخصوصا هذا وحتى اذا فتحت ما راح يكون فيه مجال للتحويل ،، لان الكلية راح تكون جديده وللحين ما عندهم مبنى وكادر اعضاء هيئة التدريس قليل يعني لو بتفتح راح يداومون بمنى كلية الإدارة أو الحاسب أو مركز تقنية المعلومات !! وخير برهان شوف كليتكم للحين التحويل موقف فيها من قبل كم سنه !!!!!!،، وانت بالتأكيد شفت خبر الكليات الـ29 الجديدة اللي نزل بالجرايد ،، ما شفنا شي بخصوص كلية الهندسه اللي الظاهر انها مجرد حلم وكلام نسمعه من قبل سنتين ،،

انا متأكد مليون بالميه وقابلت

موظف تبع الهندسه مكتبه موجود في كلية الحاسب

وقالي ان الخطط الدراسيه جاهزه ومابقى شئ عليهم

وقالي تقدر تحول ومافي مشكله

اخوي اللي اعرفه انه مافي مشكله للتحويل

وفي واحد يدرس معي في الحاسب كان في الاداره وقدر يحول
للحاسب بدون مشاكل وفي ناس ايضا حولوا من الحاسب الى كليات اخرى

وبالنسبه للكليات ال29 اللي اعلنوا عنهم هذه الكليات اللي تم الموافقه
عليها الآن وماراح يفتحونها الا بعد فتره مكن 3سنوات او اكثر

اما الهندسه موافقين عليها من زمان

بسم الله

اخي الكريم والله انا اشوف انك اذا تقدر تحول لا تتردد انا كنت في كلية العلوم وحولت للهندسة وكنت متردد زيك لكن والله العظيم والحمد لله رب العالمين اني ما ندمت اني حولت
لان الهندسة مجالها واسع جدا جدا ولا فية مقارنة اصلا بين التخصصين
علما بان المهندسين لهم معامله خاصة عن غيرهم في الشركات او في الحكومة من كل النواحي راتب وتعامل .... الخ

اتمنى لك التوفيق وقبل ما تتخذ قرارك لازم لازم لازم تستخير الله عزوجل

بالتوفيق ان شالله

السلام عليكم ,,, اهلين أخويا فهودي
انا اخوك إلي ارسلتلو رسالة على الايميل....
شوف انا درست في جامعة الملك عبد العزيز وتخرجت بمعدل جيد مرتفع والحمد لله
وتخرج معايه تقريبا 60 طالب من قسم الكهرباء وكلهم اتوظفو ولله الحمد.
التخصصات المرغوبه حاليا هي
هندسة كهربائية وميكانيكية وصناعية وفي هذه الايام سابك تحتاج إلى كيميائية.. وفي كلأ خير..وكلها مستقبلها طيب انشاء الله خاصة في المدن الصناعية مثل ينبع والجبيل وحاليا رابغ و.....
شوف انت رغبتك ايش اول شي من هذه الاقسام تمام والقسم إلي تحس انك تمشي فيه وتبدع توكل على الله.
والمستقبل الوظيفي إنشاء الله مضمون في الكهرباء وفي التخصصات الاخرى التي ذكرنها.
اما يالنسبة لدراستك في جامعة الملك فيصل او في امريكا طبعا من غير تردد امريكا ليش؟؟

اول شي انت بتكسب لغة تمام وهذا اهم شي في كل الشركات عند التوظيف.
ثاني شي الدراسة هناك افضل بكثير من هنا من ناحية المناهج ومن ناحية توفر وسائل التعليم ومن ناحية تمكنهم من التخصص(العلم) نفسه ومن ناحية الاهتمام بالطالب.
ثالث شي الشهادة بتكون اقوى والشركات بتطالع انت متخرج من ايت جامعة.
رابع شي بعيد عن الدراسة انت بتكسب خبرة جديدة في الحياة بتعيش حياة مختلفة وبتتعامل مع ناس مختلفين وحتتعلم اشياء كثيره جدا, وشوف البعثة فرصة والفرصة تجي مرة في العمر وبرضو انت استخير ربك اهم شي. وبعدين يقلك (الحياة إما مغامرة أو لاشئ) فروح ياعم واتعلم واستغل عمرك لسع نحن صغار والعمر قدامنا طويل انشاء الله.
المهم إذا فكرت تكمل هنا أو هناك ركز على هذه الامور( اللغة _ فهمك للتخصص الذي تدرسه) لأنو كل الشركات إلي سويت فيها مقابلة تهتم أول شي باللغة وبعدين التخصص وطبعا الشخصية وغيرها من الامور التي لا تهمك الآن...
وبالتوفيق للجميع....

بالنسبة للراتب في شركة الكهرباء
إذا كان معدلك جيد جدا وأنت نازل ( الراتب الاساسي 7000 ومع البدلات بيوصل بالضبط
(8244) وإذا كان معدلك ممتاز بيزيد تقريبا 300 ريال في الراتب الاساسي.

ولكن مقارنة بالشركات الاخرى يعتبر الراتب غير مرضي....
لذلك بيحدث تسرب للموظفين من الشركة إلى الشركات الاخرى الموجودة في ينبع والجبيل لان رواتبها اعلى ومميزاتها افضل بكثييييييييييييييييييييييييير.

وبالتوفيق وإذا احتجت اي استفسار نحن تحت الخدمة ولا نبتغي من ذلك إلا الاجر والدعاء.
الله يحفظك.