دراسة بكالوريوس هندسة ميكانيكية بامريكا استفسارآآت

والله اخوي استفساراتك طويلة جدا والمفروض انك خذيت لفة على المنتدى لان اغلب الاسئلة مجاب عليها ... لكن وضعك قريب من وضعي وراح اجاوبك على اللي اعرفه بسم الله .
عن نفسي قررت الدراسة في الخارج بعد عدة مقارنات واسباب شخصية !
بالنسبة للمناطق هذا سؤال معكوس بصراحة !! المفروض تبحث عن الجامعة قبل الولاية وبعدين تسوي مفاضلة فيما بين الجامعات حسب الولاية من حيث الامان والرخص والترفيه وإلخ .
اذا كنت مقبول من بداية البرنامج فهذا يشمل من سنة اللغة الى ان تتخرج بإذن الله .
اهم شيء انك الحين تركز على اختبار التحصيلي واذا جبت فوق 80+ لك حادث حديث !
بالنسبة للاشياء اللي تحتاجها في القبول هذي تعتمد على تصنيف وقوة الجامعة اللي بتقدم عليها فمثلا اذا تبي جامعة قوية راح يطلبون منك درجة عالية في اختبار التوفل و SAT ( ملاحظة: بعض الجامعات لا تطلبت اختبار SAT من الطلاب الدوليين )
اما الجامعات العادية فالغالب بما انك بكالوريس راح يطلبون منك انك تدخل المعهد حقهم وتخلص جميع المستويات بقريد معين ثم تدخل الجامعة .
اما معادلة الشهادة على انها تقنية فهذا يعتمد على انت وش مختار تخصصك ؟ فيه هندسة ميكانيكية ساينس وفيه هندسة ميكانيكية تكنولجي وهذي اللي تتعادل على انها تقنية ولست متأكد من هذه النقطة .
والله يوفقنا وياك لما يحبه ويرضاه وجميع المسلمين .