هندسة اتصالات

انا سألت الموظف في الملتقى وقال ما يدري

نعم هندسة الإتصالات مسار من مسارات الهندسة الكهربائية. لأني حاصل على نفس المؤهل وعارفه زين. طبعا هندسة الإتصالات تخصص وحيد من نوعه ما في شي اسمه هندسة إتصالات في مجال السكك الحديدية أو الخ..

يعطيك العافية
طيب اذا ابغى ادور عن قبول جامعة في امريكا هل ابحث عن هندسة كهربائية
لاني بحثت عن communication engineering ولم اجد جامعة تعطي هذا التخصص للبكلوريوس

يا هلا بك. شف يا عزيزي أولا لازم أوضح لك أن فيه شي أسمه تخصص عام وتخصص دقيق. خلني أتكلم هنا عندنا بالسعودية لو حبيت تدرس هندسة إتصالات على سبيل المثال بجامعة الملك سعود، سوف تبحث عن الهندسة الكهربائية لأنه هو التخصص العام وإحدى مساراته الدقيقة هندسة الإتصالات. لكن بأمريكا لو تبي تبحث يجب عليك توسيع خيارات بحثك وتشوف المواد. أبحث عن:
Telecommunications Engineering/Communications Engineering.

هذي أسماء لتخصص هندسة الإتصالات. ابحث عن الاثنين لأن بعض الجامعات ممكن تذكر المسمى الأول والآخر تذكر الثاني. فيكون عندك فكرة.

طبعا مستبعد إنك ما تحصل جامعة ما تعطي هندسة الإتصالات تحت هالمسميين. لكن في اسوأ الأحوال وإذا ما حصلت أبحث عن: Electrical Engineering
وأكتب ايميل للجامعة تذكر فيه انك تبي تدرس Electrical Engineering: Communications Engineering. وبناء على ردهم تعرف هل يدرس عندهم أو لا.

^ ارجع وأقول النقطة الأخيرة مستبعدة لكن في اسوأ الأحوال.

ياعزيزي, السلام عليكم,,,
هندسة الاتصالات او هندسة الالكترونيات , كلها تندرج تحت تنتمي لتخصص الهندسة الكهربائية, لمن تجي تدور على تخصص هندسة اتصالات اكيد ماتلقى,,,
انا درست بكالوريس هندسة كهربائية , وتخصصت في مسار الالكترونيات والاتصالات, الان في دراستي للماجستير نفس الشي ادور على قسم الهندسة الكهربائية , ومن بعدها ادور شي اسمه Area of Focus . بمعنى ايش تبغى تدرس في اي مسار من الهندسة الكهربائية.

واذا احتجت اي اسئلة او استفسارات اكثر, تقدر ترسلي اي وقت.
وبالتوفيق ان شاءاله.