إستفسار عن / الهندسة المدنية ..!

من ناحية التوظيف فكل تخصص يتميز بميزة .. ولعلمك بلدنا محتاج المهندسين بكل التخصصات خصوصا المدنية والكهربائية .
تتميز الهندسة المدنية بمميزات في نظري افضل ميزه هي تعدد المجالات الوظيفيه حيث يندرج تحت تخصص الهندسة المدنية الكثير من التخصصات ! .. ايضا ممكن يتوظف المهندس المدني بجنب بيتهم ..! ..بأي مكان وبكل سهوله، حيث ان التخصص مرتبط بنمو السكاني بشكل كبير .
اضف الى ذلك ميزة البزنس ممكن تفتح لك مكتب هندسي , او مؤسسة مقاولات طبعا بعد حصولك على خبرة كافية . او ممكن تحصل على ماستر في الادارة المشاريع ..الخ
"انا لا أرى سلبيه للمهندس المدني الا ان الراتب بالبدايه اذا افترضنا العمل بمكتب بحدود 6500-8000 او شركة مقاولات 7000-10000 . لكن الراتب ممكن يتضاعف بسهوله حسب كفاءة المهندس في فترة وجيزه وهذي ميزه ..! مثل مارأيت احد المهندسيين السعوديين في اكبر مكتب بالسعودية وراتبة ماشاء الله 40 الف ريال لكن الحقيقه خبرته تقريبا اكثر من 15 سنه "
طبعا لو كنت موظف في الشركات الصناعية الكبرى مثل ارامكو وسابك يختلف الوضع تماماً.
انا حاولت اعطيك الزبدة .. نصيحة للجميع اهم شي ان الشخص يختار التخصص عن قناعه . والله أعلم

ماقصرت يالغالي على ردك .. وافادني كثير ..
لكن ممكن اعرف الهندسة المدنية لها علاقة بالرياضيات كثير ..!؟

مرحبا ..
مافي شك الرياضيات اساس الهندسة ، لعلمك درست تقريبا 8 كورسات كلها رياضيات .
بالتوفيق .

نعم اخوي تعمتد اعتماد كبير على الرياضيات وعلم السكون (ستاتيكا) على أساس إني أدرس التخصص ذاته لكن زي ماتفضل اخوي ENG. Saudi لازم تكون مقتنع فيه بس لاتخاف مو ذيك الصعوبة وانا عقدنا اجتماع مع مدير مشاريع وزارة التربية والتعليم وكان يقول العشم فيكم كبير لانو مافيه مهندسين مدنيين سعوديين إلا 7 والباقي اجانب شدو حيلكم لأنو في تلاعب كثير في المشاريع الحكومية بس إحنا نضطر نتغاضا عنها لين يجون مهندسين سعوديين غيرورين على وطنهم يالله شد حيلك . إي استفسار لا تردد baz-@hotmail.com

دعواتك

شكرا لكم اخواني على التجاوب ..
لكن مدري لو انا تقريبا بالرياضيات افهم .. لكن شوي بعد المحاولة .. يعني متوسط بالرياضيات ..
هل تتوقع فيه إمكانية اني ادرس الهندسة ..؟!
مع العلم اني احبها كثيير

مرحبا ,,
اذا تشوف انك تفهم بالرياضيات ومع الجد والمذاكره اول بأول ان شاء تتيسر الامور , بالتوفيق

السلا عليكم :

يا اخي الكريم ارجو ان تكون بخير .
اولا : بخصوص الهندسه المدنيه هو تخصص مرغوب ومطلوب في جميع دول العالم ومعتمد من جميع وزارات التعليم العالي في الخليج بشرط ان تكون الجامعه اللتي تدرس بها معتمده ومعترف بها من قبل وزارة التعليم اللتي في بلدك .
ثانيا : صلي واستعين بالله بصلاة الاستخاره استخير ربك بعد التاكد من قبل الوزاره ان الجامعه معتمده ومعترفه وانشالله يهديك رب العالمين الى ماتتمناه وترضاه بكل خير استخيره وصل صلاة الاستخاره وادعي ربك اذا كان خير لك ياتي به واذا كان شر لك يبعده عنك
والله يوفقك انشالله .
تقبل تحياتي أخوك : راشد الهاجري