طالب احياء دقيقة محتاج مساعدتكم

حياك الله اخوي ،،،
اولا ابارك لك على فرصة الحصول على الابتعاث وربي يوفقك ان شاء الله
ثانيا عن نفسي مااقدر افيدك الا عن جامعات بريطانيا والي افضل انك تدرس فيها لميزات كثيره والمنتدى مغطي هذا الموضوع .
ثالثا علم المايكروبيولوجي علم كبير وواسع وممتع في نفس الوقت لذلك اختار التخصص بعناية وحاول تعرف وش التخصص الي ممكن يكون لك مكان ووضع مناسب في هيئة الدواء والغذاء بعد 5 سنوات من الآن ، بمعنى حاول تعرف عن المختبرات الجديدة ومراكز الابحاث الي قاعده تنشئها الهيئة وش توجها المستقبلي هل راح يوجد اقسام متخخصه للكشف عن البكتيريا ومركز ابحاث لها أو راح يكون التركيز على الفيروسات او الفطريات إلخ ، اتوقع اتضحت الصورة .
اخيرا هذا موقع جدا ممتاز عن جامعات بريطانيا راح تجد كل ماتريد وطريقته كالتالي :
بعد ماتفتح الصفحة راح يعطيك 5 مستطيلات يبيك تعبيها
المستطيل الاول اختر English
المستطيل الثاني اختر Postgraduate
المستطيل الثالث اكتب التخصص الي تبيه مثلا Bacteria
المستطيل الرابع اخترFull time
المستطيل الخامس اختر Anywhere in the UK
اضغط على سيرش وراح تفتح الصفحة وفيها اسماء الجامعات والمستطيل الي جنبه فيه ارقام مثلا 5 او 1 او 4 هذي تعني عدد البرامج المتاحه في الجامعة اضغط على هذه الارقام وبتفتح صفحة موضح فيها اسماء البرامج الموجودة .

موفق ان شاء الله ،،،
اخوك ،،،

اخوي حسين الخميس

الله يعطيك العافيه ويجزاك كل خير

بس رابط الموقع مو موجود

الله يوفقك دنيا واخره

اخوك سليمان

اوه عفوا اخوي سقط سهوا

هذا الرابط

Education UK - Innovative. Individual. Inspirational.

حسين الخميس

لاهنت بارك الله فيك

لك مني ارق واجمل تحية وابشر بدعوات صاااادقة في ظهر الغيب

يسر الله امورنا جميعاً اخوي