ايش اللي آخذة معي لأمريكا +++ سااااااااااااعدوني +++

بنات الله يسعدكم انا ان شاء الله مسافره شهر6- 2009 لامريكا ابي استفسر عن كم شغله الشنط كم اشيل معي لي ولزوجي كم شنطه العطور الكريمات الزيوووووووووووت البخور المبخره اقدر ادخلها بين الملابس طيب اذا اختصرت على شنطتين وزن كل وحده 30 او40 يبقى لي كم كيلو اقدر اشيل معايه في الطياره كرتون احط فيه البهارات وبن وهيل وقرفه وكل ذي الشغلات ويكمل بقيه الوزن لوزاد وزن الشنط والكرتون عن المسموح هل تكون الزياده عن كل كيلو زايد او عن كل شنطه وكم تكون الزياده بالريال او الدولار شنطه اليد ايش اخذفيها غير الجوال اواتركها و الشنطه موحق الملابس الكبيره الثانيه الوسط تشيلينها باليد تكون حولك تاخذين فيها ملابس لوحابه تغيري عبايتك او ملابسك اقدر اخذها زياده فوق الشنط هل تنوزن او لا ابي اعرف ايش اخذفيها غير الملابس طووووووووولت عليكم لكن ماعندي غيركم وماني فاهمه شي

افااااااااااااااااااااااااااااااااااااااااا 17 مشاهد ولا احد ردعلي

هذا رابط بإذن الله تستفيدي منه

http://www.mbt3th.us/vb/forum8/thread92282.html

لا تنسونا من الدعاء في ظهر الغيب لي ولجميع المشاركين في الموضوع

الله يجزاك بالخير ويعطيك على قد نيتك..

ننتظر من الاخوان والاخوات يفيدونا اكثر...

اختي ما اقدر افيدك بالموضوع بصورة رسمية

بخصوص الشنط اللي اعرفه مثلا الخطوط الالمانية اذا شنطتين لازم كل وحدة 23 كيلو بالميت

واذا شنطة وحدة 42 كيلو بس

وحتى لو دفعتي زيادة اتوقع على الكليو اكثر من ستين ريال بس ابي اقول لك شي ياريت تتاكدي من الطيران الداخلي اهم لو تروحي من ولاية لولاية ثانية عشان ما تتوهقين وتضطري ترمي الاغراض ياريت تتاكدي اكثر

بالنسبه للخطوط السعوديه هل هي نفس الي ذكرت وانا الى الان ماسافرت لامريكا

،،

أوّل شئ قولي لا إله إلا الله http://www.mbt3th.us/vb/images/icons/icon10.gif ..
روّقي و هدّي أعصابك ..

المهم ، بخصوص السوائل و الزيوت و الكريمات و هالشغلات ..
حطيها بكيس بلاستيك يتسكر بسحّاب ، أو أي شئ .. أهم شئ إنه
يتسكـر الكيس و حطيها مع العفش ، في الشناط الكبيرة ..

و نصحيتي لك ، لا تكثريـن .. بتلاقين هناك الأفضل ..
و ممكن حتى يكون بعض الأحيان أرخص .. خاصةً إذا كان فيه تخفضيات
لأن التخفضيات عندهم ، " تخفضيات " بكلّ ما تحمله الكلمه من معنى http://www.mbt3th.us/vb/images/icons/icon10.gif

بخصوص البخور ، و القهورة و البن و القرفه و هالشغلات برضو تسوين
معها نفس الحركه .. تغلفينها من أي محل ، و إذا يقدر يحط لك عليها ورقة
أو شئ يبين تاريخ إنتهاء الصلاحيه لأن في كم واحد يقولون هالشغله ضرورية !

و أنا نصيحتي لك إنّك تغلفينها في كيس مفرغ من الهواء ..
عشان يمسك الطعم و النكهة http://www.mbt3th.us/vb/images/icons/icon10.gif ولا يخرب عليك بالسفر أو يتعفن ..

بخصوص عفشك و كم كيلو و كم شنطة و كم كرتون و ذي الشغلات ..
أنصحك تأخذينها من الشركة اللي أنتم مسافرين عليها .. أو على الأقل
من المكتب اللي حجز لكم التذاكر ، و لا تأخذين بكلام أحد غيرهم ..
لأن دايم تحصل مقالب و السبب إن الناس تتفلسف http://www.mbt3th.us/vb/images/icons/icon10.gif ،

بخصوص للشنطة اللي تحملينها باليد ، برضو هاذي تسألين فيها المكتب
أو خطوط الطيران يعطيك الكلام الأكيد ، و ممنوع تأخذين فيها أي سوائل
أو مواد جلاتينيه مهما كانت .. عطور ، كريمات ، زيوت .. حتى لو مويه http://www.mbt3th.us/vb/images/icons/icon10.gif
و تقدرين تأخذين فيها ملابس أكيد إذا حابه تغيرين ..

طبعاً إنتبهي للأفياش ، و محوّلات الكهرباء لأن الكهرباء عندهم كلها 110
و شاحن جوّال إذا كان جوالك نوكيا .. و أبد ، سلامتك ..

و توصلون بالسلامه إن شاء الله ،

مشكور اخوي الله يعطيك العافيه

تفاعلوا مع الموضوع يا اخوان الله يعافيكم خلونا نفيد ونستفيد