اسئلة مهمه لكل مبتعث ,,, اتمنى اني الاقي عندكم :الجـــــواب الكـــــافي"
السلام عليكم
اولا ما ادري انا بدون ها المنتدى وش كنت راح اسوي ..., من اول ما جاتني البعثه وانا مغير مسنتر على هالكمبيوتر :crash: ..., الله يجزى القائمين علية خير الجزاء ويجعله في موازين حسناتهم ..., وطبعا ما انسى جهد الشباب والبنات اللي دائما ما يقصرون ولا يترددون في مد يد العون لاخوانهم المبتعثين ..., وان دل فأنه يدل على ترابط المجتمع السعودي وترابط المبتعثين وكونهم يد واحد ..., مما يبعث الطمأنينه في نفوس المبتعثين (وعلى رأسهم انا) بأنهم لو صارت لهم مشكلة ما في خارج الوطن فإنهم يجدون من يساعدهم ويرشدهم ويكون لهم عونا ونصيرا.
وبصراحه كما عودتمونا اذا كانت عندنا اسئلة فإننا لا نتردد في طرحها وفي المقابل نتلقى الردود والاجوبه تترى ,, لذلك انا عندي كم سؤال واتمنى اني القى عندكم معلومات تفيدني
اولا انا دراستي تبدأ في 4 مايو 2009 وقبل كذا عندي (Orientation days) تبدأ في يوم 30ابريل الى 1 مايو 2009 في جامعة (Western Michigan University) في مدينة Kalamazoo في ولاية Michgan
وكان عندي مقابلة يوم السبت الماضي 11-4-2009 في السفارة الامريكية ,, وبعد المقابلة اخذوا جوازي واعطوني كرت اخضر وقالوا لي خلال اسبوعين راح استلم الفيزا يعني ان شاء الله بالكثير يوم 21-4-2009 ,, وطبعا دفعت لـ FedEx علشان يوصلونها لي
سؤالي هو
س1 : هل من الممكن خلال هذي الفتره من( 11 الى 21 ابريل ) احجز على الطيار قبل ما استلم قرار الابتعاث وامر الاركاب لاني اخاف اني علبال ما استلم قرار الابتعاث واخذ امر الاركاب ملراح القى حجز؟؟ طبعا من جده الى امريكا
س2 : واذا كان هذا الشي ممكن متى يفضل ان احجز ,, يعني متى المفروض اني اغادر السعودية ؟؟
على فكره واحد من الشباب قال لي لازم تسافر على الملحقية الثقافية في واشنطن قبل ما تروح لـ Kalamazoo علشان الضمان الصحي والمكافآت وغيره ,,
س3 : اذا كان ها الكلام صحيح كم يوم يبيلي علشان اخلص اموري في الملحقية ؟؟ ووش الاوراق اللي لاوم اشيلها معاي ؟؟ وهل لازم ارسل اوراق للملحقية الثقافية قبل ما اجييهم ؟؟ واذا نزلت المطار من يبي يستقبلني وكيف امور الفندق ... الخ ؟
س4 : هل فعلا اني لازم اخذ معاي فلوس ,, لاني سمعت ان الحكومه ماتعطيني مكافأه لمدة شهرين ,, واذا كان ها الكلام صحيح كم اخذ معاي ؟؟
س5 : بالنسبة للفلوس ,, كيف اشيلها معاي ؟؟ هل افتح حساب في سامبا ,, والا لازم اسوي فيزا ,, والا اخذها كاش ,, وش الافضل للطلاب مثل حالتي؟؟
س6 : بالنسبة للسكن في الجامعه ,, اذا كان احد في نفس مدينتي ,, ياليت يفيدني وش اللي لازم اسوية ؟
انا عارف ان الموضوع مكرر بس ما لقيت اي اجابة وانتمى اللي عندي اي معلومه يفيدني ,, وجزاكم الله عني خير الجزاء
رد: اسئلة مهمه لكل مبتعث ,,, اتمنى اني الاقي عندكم :الجـــــواب الكـــــافي"
معقول ...؟
محد عنده جواب اي سؤال من ها الاسئلة ؟؟
يا ناس اي شي ,, اي معلومه
رد: اسئلة مهمه لكل مبتعث ,,, اتمنى اني الاقي عندكم :الجـــــواب الكـــــافي"
س1 : هل من الممكن خلال هذي الفتره من( 11 الى 21 ابريل ) احجز على الطيار قبل ما استلم قرار الابتعاث وامر الاركاب لاني اخاف اني علبال ما استلم قرار الابتعاث واخذ امر الاركاب ملراح القى حجز؟؟ طبعا من جده الى امريكا
عزيزي الحجز ماياخذ اقل من يومين وعلى حسب خبرتي يحجزون لك على اي خطوط
س2 : واذا كان هذا الشي ممكن متى يفضل ان احجز ,, يعني متى المفروض اني اغادر السعودية ؟؟
حاول على الأقل تكون في مدينتك قبل اسبوع او عشر ايام حتى ترتب امورك
على فكره واحد من الشباب قال لي لازم تسافر على الملحقية الثقافية في واشنطن قبل ما تروح لـ Kalamazoo علشان الضمان الصحي والمكافآت وغيره ,,
مو صحيح لازم بس يفضل حتى تخلص امورك اسرع
س3 : اذا كان ها الكلام صحيح كم يوم يبيلي علشان اخلص اموري في الملحقية ؟؟ ووش الاوراق اللي لاوم اشيلها معاي ؟؟ وهل لازم ارسل اوراق للملحقية الثقافية قبل ما اجييهم ؟؟ واذا نزلت المطار من يبي يستقبلني وكيف امور الفندق ... الخ ؟
يوم واحد فقط وتخلص امورك الأوراق بطاقه الأحوال شهادتك قبولك في الجامعه ويفضل صوره من الجواز
بـ النسبه لـ الأستقبال موظفين الملحقيه متواجدين في المطار كل يوم في صاله الخطوط الدوليه في مطار دلس
بالنسبه لـ الفندق راح يوصلونك لـ فندق يقدم تخفضيات لـ الطلاب السعودين
س4 : هل فعلا اني لازم اخذ معاي فلوس ,, لاني سمعت ان الحكومه ماتعطيني مكافأه لمدة شهرين ,, واذا كان ها الكلام صحيح كم اخذ معاي ؟؟
اكيد لازم تاخذ معاك ,, طبعا اول ماتفتح حساب في مدينتك ترسل شيك ملغي لـ المشرف حقك وان شاء الله راتبك ينزل على حسابك
بالنسبه لـ الفلوس اشوف من 2000 لـ 3000 مبلغ كويس طبعا لاتاخذه مقياس يمكن تحتاج اقل وكل انسان وله صرفيته
س5 : بالنسبة للفلوس ,, كيف اشيلها معاي ؟؟ هل افتح حساب في سامبا ,, والا لازم اسوي فيزا ,, والا اخذها كاش ,, وش الافضل للطلاب مثل حالتي؟؟
والله حبيبي انا عني اول ماجيت شايل كاش وفيزا هذي ترجع لك
س6 : بالنسبة للسكن في الجامعه ,, اذا كان احد في نفس مدينتي ,, ياليت يفيدني وش اللي لازم اسوية ؟
لـ الأسف ماعندي معلومات عن مدينتك
رد: اسئلة مهمه لكل مبتعث ,,, اتمنى اني الاقي عندكم :الجـــــواب الكـــــافي"
السلام عليكم ورحمته الله وبركاته
اخوي جوب ماقصر اجوبته واضحه والقانون الامريكي يسمح انك دخل معاك لغاية 10000 الاف دولار كاش وبالنسبه للملحقيه مو ضروري تمر عليه اذا صار الوقت ضيق عليك يمكن مراسلتلهم عن طريق البريد واذا كان معاك وقت مايحتاج وجودك في الملحقيه سوى يوم واحد فقط وبالنسبه لميدنتك الي اعرف عنها مدينه جيده ولكن الله يعينك عليها في الشتاء وفيها عرب وناس طيبيين الله يوفقك
رد: اسئلة مهمه لكل مبتعث ,,, اتمنى اني الاقي عندكم :الجـــــواب الكـــــافي"
اقتباس:
المشاركة الأصلية كتبت بواسطة joop
س4 : هل فعلا اني لازم اخذ معاي فلوس ,, لاني سمعت ان الحكومه ماتعطيني مكافأه لمدة شهرين ,, واذا كان ها الكلام صحيح كم اخذ معاي ؟؟
اكيد لازم تاخذ معاك ,, طبعا اول ماتفتح حساب في مدينتك ترسل شيك ملغي لـ المشرف حقك وان شاء الله راتبك ينزل على حسابك
بالنسبه لـ الفلوس اشوف من 2000 لـ 3000 مبلغ كويس طبعا لاتاخذه مقياس يمكن تحتاج اقل وكل انسان وله صرفيته
اولا ,, الله يعطيك الف عافيه على ها المجهود
بس فيه جزئيه ما فهمتها ,,,
طبعا اول ماتفتح حساب في مدينتك ترسل شيك ملغي لـ المشرف حقك وان شاء الله راتبك ينزل على حسابك
وش معنى شيك ملغي ؟؟
ومن راح يكون المشرف حقي؟؟
وهل كلامك يعني ان المكافأة ما تتأخر ؟؟
والبنسبه للفلوس 300 دولار والا ريال
الله يجزاك بالخير ويكثر من امثالك
رد: اسئلة مهمه لكل مبتعث ,,, اتمنى اني الاقي عندكم :الجـــــواب الكـــــافي"
اقتباس:
المشاركة الأصلية كتبت بواسطة Toledo78
السلام عليكم ورحمته الله وبركاته
اخوي جوب ماقصر اجوبته واضحه والقانون الامريكي يسمح انك دخل معاك لغاية 10000 الاف دولار كاش وبالنسبه للملحقيه مو ضروري تمر عليه اذا صار الوقت ضيق عليك يمكن مراسلتلهم عن طريق البريد واذا كان معاك وقت مايحتاج وجودك في الملحقيه سوى يوم واحد فقط وبالنسبه لميدنتك الي اعرف عنها مدينه جيده ولكن الله يعينك عليها في الشتاء وفيها عرب وناس طيبيين الله يوفقك
مشكور على ها التعقيب
والله يجزاك بالخير