ايهما افضل ولاية نيوجرسي او الجزء الجنوبي من ولايه كاليفورنيا
السلام عليكم
حبيت استفسر ايهما افضل ولاية نيوجرسي او الجزء الجنوبي من ولايه كاليفورنيا
من حيث المعيشه والسكن
والدراسه
انتظر ردكم
وشكرا
رد: ايهما افضل ولاية نيوجرسي او الجزء الجنوبي من ولايه كاليفورنيا
وعليكم السلام
صراحة انا مارحت نيوجيرسي بس اعرف كم شخص راحوا نيوجرسي وكاليفورنيا وقالوا انو كاليفورنيا احلى بكتير من نيوجرسي.
كاليفورنيا ولاية رائعه صراحه وفي شئ اهم من كدا العنصرية تقريبا نادره هنا لان الولاية عباره عن خليط من السود والبيض والمكسيكان والاسيوين وطبعا كتير من السياح لوجود الكثير من اماكن الترفيه
يعني في كاليفورنيا ممكن تلقي المرتفعات الغابات البحيرات الشواطئ الخ
والاهم من هذا كله كمان الجامعات اسمع انها ممتاز ولكن خليني اتكلم عن شئ انا مجربه ، جامعتي ، ماشاء الله جدا عاجبتني من اسلوب التدريس مستوى الفصول الخ
طبعا لو ابا اتكلم عن الولاية راح اخذ ساعات وانا ماخلصت لكن انا افضل انك تكتبيلي انتي بالتحديد اش تبي في الولاية لانه اذا انا شايف شئ مناسب ورائع ممكن يكون لكي شئ سئ . مثلا الجو هنا تقريبا دافئ وهذا شئ يعجبني لكن ممكن انتي تحبي البرد والثلج فاذا نيوجرسي افضل لكي
ودائما خلي في بالك اي ولاية فيها عيوب بس انتي احسبي عيوب كل ولاية بالنسبة لكي وشوفي المناسب
والله يكتبلك اللي فيه الخير...
رد: ايهما افضل ولاية نيوجرسي او الجزء الجنوبي من ولايه كاليفورنيا
تسلمين الله يعطيك العافيه
طيب كيف المعيشه
وين اغلى جنوب كاليفورنيا ولا نيوجرسي
والامن كيف؟
وجزاك الله خير
رد: ايهما افضل ولاية نيوجرسي او الجزء الجنوبي من ولايه كاليفورنيا
اعتقد كاليفورنيا اغلى...
لكن كله يعتمد على المنطقه اللي راح تسكني فيها يعني في مناطق تستأجري شقه غرفة نوم وصاله ب 2500 دولار وفي مناطق اخرى تقريبا ب 900 دولار او حتى يمكن 800 دولار..
وبالنسبه للامن الحمدلله الوضع هنا ممتاز ، ممتاز مو يعني مافي جرائم ابدا لكن اقصد انو ماقد احد سرقلي سيارتي مثلا او شقتي ، واحيانا اخرج في الليل واشوف الامن حق السكن موجود واحيانا كمان اشوف شرطه تدور في السكن.
يعني الوضع ممتاز والحمدلله