الأعضاء الإشتراك و التسجيل

الملتقيات
ADs

هل من مصلحتي اني اجيب القبول و افيزا ؟ مساعده تكفون

هل من مصلحتي اني اجيب القبول و افيزا ؟ مساعده تكفون


NOTICE

تنبيه: هذا الموضوع قديم. تم طرحه قبل 3163 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية flow
    flow

    مبتعث مستجد Freshman Member

    flow الولايات المتحدة الأمريكية

    flow , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Engineering , بجامعة SDSU
    • SDSU
    • Engineering
    • ذكر
    • San Diego, CA
    • السعودية
    • Apr 2009
    المزيدl

    April 17th, 2009, 02:33 PM

    السلام عليكم ورحمة الله وبركاته

    في البدايه اهنيكم على المنتدى واشكر كل اللي ياخذون من وقتهم عشان يساعدون اخوانهم المحتاجين مثلي وغيري كثير

    السؤال :

    انا لي سنتين متخرج ونويت اروح للبعثه ان شاء الله ونسبة الثانوي و القياس والتحصيلي ان شاء الله انها ممتازه

    هل تشوفون من مصلحتي اني ادبر القبول و الفيزا الامريكيه قبل يفتحون المرحله الخامسه ولا ممكن يسسون لي قلق ؟
    من باب اني متفلسف او اني جايب الفيزا و القبول على كيفي مع العلم ان الجامعه اللي انا اراسلها حاليا معتمده اللي هي جامعة ولاية ساندييغو.

    السؤال الثاني ابي اعرف بالنسبه للنسبه المركبه كيف ياخذونها 30% ثانوي 70% قياس ؟

    وبالنسبه لي انا متخرج من اختبارات الوزاره في الثانويه هل يحسبون لي نفس حسبة الطلاب الجدد اللي يختبرون اختبارات المدرسه ؟

    سؤال اخير ان شاء الله المرحله الخامسه التخصصات متعدده ولا طبيه بس ؟ لأنه كثر الحكي عن هذا الموضوع ولا لقيت احد عنده الخبر الاكيد سبحان الله حتى اللي ينشرون الشائعات مهم متأكدين ليش تنشر طيب

    الله لا يهينكم وانتظر ردكم بفارغ الصير
  2. هلا أخوي .. انا من وجهة نظرري أنك ماتفيز ألحين .. لأن يمكن مايقبلونك بالبعثه لاسمح الله او شي .. او راح يتأخرر قبوولك في البعثه وبعدين يروح من فيزتك مده كبيره ماستخدمتها ممكن يروح نصف سنه او سنه وانت جالس بالسعوديه ماستخدمتها ..

    عشان كذا انصحك اخوي جب قبول جامعه اول شي وبعدييين لما تقدم ع البعثات ويقبلوونك .. اسألهم متى تقدر تسافر تدرس وبعدين روح فيزز .. هذا أحسن حل عشان مايضيع عليك شهور من الفيزه وانت ماستخدمتها ..

    تحياتي لك ..
    7 "
  3. وين وين أصبر أول شئ اذا على كلامك انك متخرج لك سنتين يمكن راح تكون عائق او با العاميه مخرج لهم انه ما يطلعون فيزا هذا اذا انت جبت لهم شئ في السنتين وش سويت ...(الله أعلم) أحتياطااااا ثاني شئ روح توكل و ادرس على حسابك و حول من هناك احسن لك اذا انت صامل يعني ...
    با التوفيق
    7 "
  4. المشاركة الأصلية كتبت بواسطة moho_s8
    وين وين أصبر أول شئ اذا على كلامك انك متخرج لك سنتين يمكن راح تكون عائق او با العاميه مخرج لهم انه ما يطلعون فيزا هذا اذا انت جبت لهم شئ في السنتين وش سويت ...(الله أعلم) أحتياطااااا ثاني شئ روح توكل و ادرس على حسابك و حول من هناك احسن لك اذا انت صامل يعني ...
    با التوفيق
    تاكييد كلام اختي مااحب التكرير

    اسمعوا معاي قصة علشان تعرفون هالتخلف

    ايام سين من الناس في الوزاره قبل لا يطلع التشيكله الجديده من المسؤولين واحد من الاخوان من اهل المنطقه الشرقيه كان ناوي يدرس على احسابه هالسالفه قبل الابتعاث المهم الرجال راح جاب قبول وفيز وكان خلاص ناوي يسافر يعني ما اذنه في ماي هو في الطريق اتصل فيه واحد من ربعه قاله ليش تسافر على حسابك ترى فيه ابتعاث وكانت هذي المرحله الثانيه قال شنو اسوي قال انت اول ماتوصل البيت دق علي واعطيك الموقع الرجال فكر فيها بعثه افضل من دراسه على حسابي دخل اخينا في الله الموقع وجاءه الضمان المالي(النظام القديم) وراح قال انا لهم ايام كان التقديم في الوزاره القديمه فقال انا طلعي ضمان مالي شنو المطلوب قالوا له ولاشي روح اخذ ورقه خطاب للسفاره علشان تقدم على الفيزا وقال بعدين ضحك الموظف قال انت جيب الفيزا والقبول ويصير خير قال طيب خذي الفيزا وهذا القبول انصدم الموظف قال روح لدكتور ايامها صالح الشيخ يطابق الاوراق ووتاخذ قرارك وامر اركاب ومبرووووووووووووك في اللحظه صاحبنا ما صدق المهم الصدمه راح للدكتور صالح الشيخ الله يسامحه والله الشخص هذا دايم رددها يارب اذا انا ظالم هالدكتور اللله توفقني واذا و ظالمي حسبي الله ونعم الوكيل فيه قابل الدكتور قال مطابقه قال اول شي انت منو سمح لك تقدم على الفيزا ثاني شي انت منو الي اذنك تستخدم ضمانك الشخصي فاخذ الاوراق وحطهم في الدرج وقال تحول الي لجنه خاصه المهم الولد ماشالله عليه متكلم فقال اسمع ياانا ياانت والوعد عند وكيل الوزاره المعجل الولد دخل على وكيل الوازره باختصار مفيد قال مايصير يابني اذا سالفتك صحيحه انه الدكتور صالح يسوي فيك كذا المهم اتصل الوكيل على الدكتور صالح وجاء قال خير ليش معطل هذا الولد فقاله الدكتور هذا يتحداني فرد صاحبنا قال انا نظامي واذا اذا اوراقي فيها شي راح قولي واذا مامشيتوني ماراح يردني الا الوزير ضحك لمعجل الله يوفقه قال هد بالك فقال للدكتور وين اوراقه فرد الدكتور صالح ياستاذي مو شغلك وين اوراقه المهم صارت هوشه بينهم قدامي فاخير طبعا المعجل نفذ وعده للشخص بس طلب منه انه يهدي الامور وهذا شخصا تخرج حاليه هو من احد موظفين شركة سابك( انتهت الموقف) نصحيتي اخوي لك انك تتوكل على الله وتصلي استخاره وجهز اوراقك واذا لك نصيب تبي تاخذه انشالله
    7 "
  5. المشاركة الأصلية كتبت بواسطة moho_s8
    أما أختي ........ ههههههههه المهم اخوي والله لو أقولك سالفة واحد أعرفه .. كان قام البقس في الوزارة بس الشاطر يمشي اموره
    على العموم الله يوفق الجميع انشالله ....
    انا اقصد باختي الي اقتبست منه الكلام بس ياليت ما تستعجل واقرى الرد عدل مع الجزيل الشكر وانصحك تروح تشتري نظاره بدون زعل موفق والله يوفقك اخوي
    7 "
  6. الله يجزاكم خير على الردود

    وجهي تشقق من الفرحه وانا انزل و اشوف اكثر من ردين D:

    والله يا اخوان انا السنتين اللي بعد التخرج انا في جامعة الملك سعود في كلية الهندسه يعني الحمدلله وضعي تمام

    لكن لظروف عائليه مضطر اترك الديره (لحد يروح ظنه بعيد ما ذبحت احد ولا ابوي يبي يزوجني غصب P: )

    وانا ان شاء الله طالع طالع على بداية 2010 اذا ما قبلوني ببيع سيارتي واسافر على حسابي وعلى الله انهم يضموني من هناك

    طيب الله لا يهينكم احد عنده فكره عن التخصصات ؟ لأن ودي ادخل هندسه لأنها رغبتي وعندي خلفيه عنها الآن لأني سمعت ان مافيه الا طب وصيدله وادوات طبيه مع اهم في الموقع حاطين كل التخصصات



    وبالنسبه للI-20 انا مراسل المعهد وقالي ارسل المطلوبات و ان شاء الله ما بيطول واما السفاره انا قد سافرت امريكا اكثر من 4 مرات و انا صغير فإن شاء الله ما بيستلكعون بس المشكله ان مواعيد السفاره بدت تخلص عشان كذا انا ودي اعرف ابدأ اشتغل عليها ولا اريح راسي واركز في دراستي الحاليه ,,,

    مع العلم ان كشف الحساب و الشهاده البنكيه موجوده و شهادة الثانوي وحسن السيره والسلوك مترجمه ومعتمده ان شاء الله وحاليا ان شاء الله بأجيب قبول المعهد واشوف لي مكتب يجيب لي قبول الجامعه المشروط وتبقى الفيزا

    بس انا خايف اجيب القبول يصيرلي زي ما صار للرجال اللي في القصه

    بإنتظار ردودكم لا حرمناكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.