رحال جابلكم العلم اليقين عن المرحله الخامسه للأبتعاااث

بسم الله الرحمن الرحيم

السلام عليكم ورحمه الله و بركاته وبعد:


كيف حالكم ياشباب و يا شابات و يا اعضاااء و يا زوااار<ياليل اخلص:roflmao: ياجماعه الخير محدثكم راح
اليوم الى وزاره التعليم العالي في حي الغدير وتم الوصول بحمد الله في تمام الساعه 11 صباحا او ظهرا بالأصح ما علينا المهم يوم دخلت على المبنى و القى ناس صافين طابورين و يوم استفسر الى الدكتور ناصر بن محمد الفوزان واللي يصير مدير عام الإدارة العامة للبعثات جالس في كونتر الاستقبال يستقبل المراجعين و يجيب عن استفساراتهم وهذا هو تعريف عنه http://www.mohe.gov.sa/Arabic/Minist...ges/Page1.aspx

المهم و اصف طابور معهم ويوم جا دوري و اسلم عليه و اعرفه بنفسي المهم و اسأله بالتالي:

رحال : يادكتور ناصر هل يوجد مرحله خامسه.
الدكتور ناصر: ان شاء الله.
رحال : طيب يا دكتور هل يوجد فيها بكالوريس.
الدكتور ناصر : ايه راح يكون فيها بكالوريس.
رحال : طيب بالنسبه للتخصصات.
الدكتور ناصر: 90% راح تكون طب فقط.

و قالي بعد انت على وين ناوي تروح اذا جتك البعثه قلت امريكا ان شاء الرحمن قال اجل لازم تجيب قبول من الحين كأجراء احتياطي مع العلم ان الوزاره تجيبلك قبول قلتله طيب هل قبول معهد يكفي قال لا لازم قبول مشرووط و انتهت المقابله على كذا و طلعت و الفرحه تشقق وجهي بعد الأشاعات اللي طلعت على الغائها و هذا تمت المقابله بخير و سلام:heh:. و في الختام ادعوا ربي انه يوفقني و يوفق كل واحد وده يطلع بعثه و يوفق جميع المبتعثين و جميع المسلمين يا رب آآآآآآمييين.

مع تحياتي رحال للأبد...

يعطيك العافية وماقصرت وياليتك سالته وقلت له اللي عنده دبلوم ويبي يكمل بكالوريس خريج الكلية الصحية يقدر ولالا؟

اقتباس:

---

المشاركة الأصلية كتبت بواسطة طموحي مايهده ليل

يعطيك العافية وماقصرت وياليتك سالته وقلت له اللي عنده دبلوم ويبي يكمل بكالوريس خريج الكلية الصحية يقدر ولالا؟

---

والله ياخوي انا سألته عن البكالوريس عشاااني انا الحين في ثالث ثانوي و ناوي ان شاء الرحمن اطلع عرفت و يعطيك العافيه.

ماشاء الله مبروك

الله يوفقكم

ويسهل لنا مورنا احنا باقي فيه ناس ماطلعوا وانا منهم

طيب اخوي يصلح تجيب القبول وانت ماكملت الثانوي الحين ولالازم يصير عندك الشهاده وايش ناوي تدرس

ومشكووور وماقصرت

يعطيك 8765432345678987654345678908765432456789 الف عافيه

ماقصرت على المعلومات ,,

بس تتوقع بكالوريوس علوم طبية ضمن الطب ؟؟
لاني ابي امريكا او كندا وهالدولتين بالذات مافيها بكالوريوس طب بعد الثانوي ,, قلت يالله العوض ولا القطيعه علوم طبيه

اللي عنده معلومه اذا الطب يشمل العلوم الطبيه او لا يفيدني !!


وربي يوفقك ما قصرت .. ربي يحقق لك بعثتك وتروح الدوله والقسم اللي تبيهم

اقتباس:

---

المشاركة الأصلية كتبت بواسطة ذكريات مسافر

طيب اخوي يصلح تجيب القبول وانت ماكملت الثانوي الحين ولالازم يصير عندك الشهاده وايش ناوي تدرس

ومشكووور وماقصرت

---

لا يصلح اجيب قبول من الحين حتى لو انك ما خلصت تقولهم انا ما بعد خلصت اذا خلصت راح ارسلها لكم بس حتى التأكيد جا من الدكتور ناصر بنفسه و يعطيك العافيه اخوي ذكرياات مسافر.



مع تحياتي رحال للأبد...

اقتباس:

---

المشاركة الأصلية كتبت بواسطة Dr.life

يعطيك 8765432345678987654345678908765432456789 الف عافيه

ماقصرت على المعلومات ,,

بس تتوقع بكالوريوس علوم طبية ضمن الطب ؟؟
لاني ابي امريكا او كندا وهالدولتين بالذات مافيها بكالوريوس طب بعد الثانوي ,, قلت يالله العوض ولا القطيعه علوم طبيه

اللي عنده معلومه اذا الطب يشمل العلوم الطبيه او لا يفيدني !!


وربي يوفقك ما قصرت .. ربي يحقق لك بعثتك وتروح الدوله والقسم اللي تبيهم

---

هلا والله اخوي الي اعرفه ان العلوم الطبيه مع الطب في التخصصات المطلوبه في مرحله الابتعاث اللي فاتت الي هي الرابعه كانت موجوده والله اعلم و يعطيك العافيه اخوي.



مع تحياتي رحال للأبد...

اخووي رحاااااااااااال تتوقع على حسب الي بتقووله
يعني الي معه قبوولمعهد+جامعه يضمن البعثه ان شاءالله

<<< جبت قبول معهد + جامعه (ماجستير) وبـ امريكاااا

ياااااااااااااااااااااااااااااااااارب وفقناااا

^ ^ ^ ^ ^

يعطيكم العافيه

عادي يجيب الطالب/هـ قبول من الحين ..
ولا الوزارة تجيب قبول على كيفها ؟؟

لو تكرمتوا