لجميع الطلاب الذين يبحثون عن قبول جامعه.. هذه سبعة خطوات جدا مهمة اتباعها

السلام عليكم ورحمة الله وبركاته جميعا..

نظرا للكم الهائل من الاستفسارات التي نقرأها .. وتأتينا استفسارات كثيرة جدا بخصوص البحث عن قبول جامعه في أمريكا.. فانني اضع بين ايديكم الخطوات التي اعتبرها مثاليه في البحث عن قبول جامعه والتي طبقتها اثناء بحثي عن قبول جامعه والحمدلله انها نفعتني بشكل كبير جدا :

الخطوة الأولى: عمل لستة بالجامعات الموصى بها من موقع التعليم العالي في التخصص الذي تريد ..

الخطوة الثانية: نظرا لان اللجنة التي قامت بتوصية الجامعات في التعليم العالي قد اوصت عليها من عدة سنوات مضت.. فان الملحقية الثقافية السعودية قامت بتحديث واضافة الكثير من الجامعات الى قائمة الموصى بها ولكن للأسف لم تضعه في موقع التعليم العالي وتحتفظ بتلك القائمة.. فيجب على الباحث مراسلة الملحقية الثقافيه للحصول على اللستة الجديدة وأخص بذلك مراسلة طارق الشيخ وهذه معلومات الاتصال به

Tarig alshaikh
202-298-8858
teltayeb @ sacm.org

الخطوة الثالثة: مراسلة WES على هذا الموقع

http://www.wes.org/ .. فالجامعات الامريكية لاتقبل ان يكون المعدل من 5 كما هو مطبق في السعودية.. وتتطلب ان يكون المعدل من 4.. وهذه الشركة تمتاز بميزتين رائعتين.. الاولى انها معترف بها من جامعات كثيره في امريكا .. ثانيا.. أكثر اصدقائي وانا بينهم وجدنا ان المعدل قد زاد بشكل ملحوظ ووجدنا ان مثلا المادة التي اخذت فيها + C اصبحت -B وهكذا..

الخطوة الرابعة: عمل لستة بايميلات الانترناشيونال ادمشن للجامعات الموصى بها International admission.. وكذلك لستة بايميلات منسق البرنامج الكوردنيتر في التخصص الذي تريد ان تدرس فيه..

الخطوة الخامسة: كتابة ايميل وارساله الى الانترناشيونال ادمشن لجميع الجامعات اعلاه وتضع لهم ثلاث استفسارات .. الاول: هل من الممكن ان يعطون قبول مشروط باللغه؟ هل اختبار الجيمات او الجي اري او السات او غيرها متطلب؟ واذا هو متطلب فهل من الممكن ان يعطى بناء عليه قبول مشروط؟ هل شهادة ال WES معترف فيها ؟

وايضا انصح بارسال ايميل الى منسق البرنامج للتخصص الذي تريد ان تدرس فيه وتكتب مقدمة حلوه توضح فيه خبراتك ومعدلك اذا هو عالي والاشياء الي تشعر انك مبدع فيها.. مثلا تقولهم ان معدلك فوق 3 او انك من الطلاب الاوائل على الدفعه وعندك خبرة سنتين في المجال وتدريبات ووووووو وفي الاخير تكتب سؤال هل من الممكن انكم تلغون عني اختبار الجي ار اي او الجيمات ؟ صدقوني اغلب الجامعات يطلبونها بس اذا شافو عندك اشياء تفتح النفس يلغونها عنك او اضعف الايمان يقولون لك جبها خلال او سنة دراسة لك معنا ... الخ

الخطوة السادسة: حصر اسهل ثلاث جامعات مثلا تشعر ان لديهم تقبل كبير وترحيب بك وتسهيل الاجراءات من خلال الرد على استفساراتك السابقه مثلا اذا جتك جامعة تقولك نقبل WES ونعطي قبول مشروط باللغه ولا نطلب جيمات او جي ار اي هذه بالعربي تقولك انت ارسل اوراقك والقبول بكرة يجيك http://www.mbt3th.us/vb/imgcache/2/3588alsh3er.gif يعني مرة سهله الاجراءات.. فعموما انت حاول تحصر كم جامعه الله يسلمك .. وبعدها ترسلهم الاتي:

- الضمان المالي

- WES اذا هم طالبينه

- الترانسكربت حقك اذا هم يطلبون ذلك

- توصيات الدكاترة اذا انت طالب ماجستير او دكتوراه

- الابليكيشن حقهم وتدفع قيمته قبل ماترسلهم اي شيء علشان اي شيء يوصلهم يكون عندك ملف مفتوح ويجمعون فيه مستنداتك

- شهادة الخبرة

- درجة التوفل اذا عندك شيء يفتح النفس او اي شهادة بخصوص اللغه

- شهادة الجيمات او الجي ار اي اذا انت ماخذهم

- السيرة الذاتية اذا هي مطلوبه

-الغرض من الدراسة اذا هم طالبينها منك

- امممممم ومن هذا القبيل .. وانت اسالهم وش متطلباتهم ..

الخطوة السابعه: اذا جاك اول قبول وضمنت ان عندك قبول .. بعدها تدلع الله يسلمك .. ونق لك الولاية الي تعجبك مثلا انصح ب : كاليفورنيا - اوريغن - واشنطن - كلورداو - مدينة اتلانتا في جورجيا - فلوريدا - نورث كارولينا - واذا دراهمك واجده فرح لواشنطن دي سي او هاواي http://www.mbt3th.us/vb/imgcache/2/3588alsh3er.gif.. وبصراحة عني انا.. فافضل مكان جيته في امريكا بصراحة هاواي وغيره لاتدووووور (( موية المحيط قزاز ودافية مو مثل الولايات الشرقية بنية خايسة والا الولايات الغربية بنية خايسة وباردة بعد ماينسبح فيها طول السنة - جو رائع طول السنة - طبيعة خلاااابة والي شاف المسلسل التلفزيوني الشهير لوست رايح يعرف كيف طبيعتها )) مشكلتها الوحيدة السكن غالي والي يضبط معه السكن يروح ولايشاااااور .. وعموما هذه المناطق الي انصح فيها بس اهم شيء ابعدو عن شيء اسمه شمال وبرد وقرف .. اعوذبالله 8 شهور فصل الشتاء عندهم تقرف من حياتك.. بس اول خطوة ياجماعه جبو لكم قبول حتى لو انه في غوانتمامو وبعدها تشرطو.. يما عالم قامت تتشرط واخرتها السعودية.. اول شيء تسوونه جيبو قبول وبعدين تشرطو المكان وشفو لكم قبول في اي جامعه اخرى .. وهذه والله نصيحتي للكل.. والخطوات الي فوق على ماقالو شيء بس يجيب لك اول قبول وبعدها تاخذ راحتك في البحث عن قبول للجامعه التي تريد او الولاية الي تريدها..

طبعا ارفقت لكم ملف اكسل في الملف المرفق يسهل عليكم تبعئته لاحقا .. وطريقة املاء الحقول الخاصة بالجامعات.. وهالطريقه يالله لك الحمد نفعتني كثيرا في التسهيل في عملية البحث والحصول على قبول من جامعات كثيرة.. واخرتها الحمدلله اخترت الشيء الذي تمنيته..

وهذا شرح للحقول:

الاول : اسم الجامعة

الثاني: الولاية

الثالث: اسم المدينة

الرابع: ايميل الانترناشيونال ادمشن وعلى فكرة بعض الجامعات يكون مدموج الانرناشيونال ادمشن مع الادمشن وتحصل فقط ايميل الادمشن

الخامس: ايميل منسق البرنامج الي تدرس فيه وتحتاجه اذا تبيهم يلغون عنك الجيمات او الجي اري او السات او.. لان الانترناشيونال ادمشن يطبق قوانين فقط ومايتساهل في هالامور والي مو بيده وبيد القسم..

السادس: الابليكشن ديد لاين .. لايكون تبي تقدم في الخريف القادم وتلقى التسجيل منتهي والا بينتهي وانت ماخلصت اوراقك

السابع: درجة التوفل المطلوبه و تكتب معها مشروط اذا هم ممكن يعطونك قبول مشروط .. ونفس الطريقه الثامن والتاسع والي هو الجيمات والمتشيقن بديل التوفل في بعض الجامعات ..

العاشر: مبلغ الابليكيشن

الحادي عشر: WES وتكتب نعم اذا هم طالبينه او موافقين عليه والا تكتب لا اذا هم رافضينه

الثاني عشر: من خلال ردودهم السابقة عليك كيف تقيم قبولهم .. وتكتب صعب جدا - الى سهل جدا (( انت وتقييمك))

الثالث عشر: الكونفورميشن.. تكتب انتظار اذا مابعد ردو عليك او كونفورم اذا ردو على كل استفساراتك

الرابع عشر: اسم القسم .. مثلا تلقى تخصصك موجود في قسم الهندسة مثلا وفي جامعة ثانية في تخصص البزنس ..

الخامس عشر: اسم التخصص

السادس عشر: ملاحظات اذا عندك ملاحظات.. مثلا مطلوب جيمات خلال دراسة اول ترم في الجامعة ..

السابع عشر: موقع الجامعة على الانترنت ويفضل ان تضع رابط موقع التخصص حقك بدل من انك تدخل موقع الجامعة وتسوي بحث ..

وفي الاخير ارجو ان لن تبخلو علي بدعواتكم القلبية ..

تحياتي للجميع.. وتمنياتي لكم بالتوفيق ،،

ملاحظة تمت اضافتها بعد ردود الاخوان

اول شيء بمايتعلق ب WES

WES باختصار شغلته يعادلك شهادتك من معدل 4 بدل ماهو من 5 .. ومعادلة الشهادة من 4 هذا شيء اجباري في الجامعات الامريكية.. وبعض الجامعات مو فاضية تعادلك شهادتك فيجبرونك على ال WES .. والجامعات القوية مرة في الغالب انها ماتعترف ب WES وهم بنفسهم يعادلون لك الشهادة.. وانا في موضوعي حرصت على الطلاب الي بس يبون يضمنون قبول ويدور جامعة سهلة تعطيه قبول.. والا الجامعات القوية انا انصح ان يكون التقديم عليها بعد الحصول على قبول من جامعة سهله.. اهم شيء الواحد يكون شيء بيده.. وبعدين يتشرط الي يبي.. ووقت اجراءات ال WES انت وفلوسك .. اذا انت مستعجله عليه وتريده في بضع ايام بتدفع اكثر .. بس انا ماكنت مستعجل عليه ودفعت عليها اذا ماخانتني الذاكر 160 دولار وفي هالحدود .. وعلى فكرة الملحقية تعوضك قيمتها .. وأخذت مني قرابة الثلاثة اسابيع.. والي هم يطلبونه منك انك ترسلهم سجلك الاكاديمي الأصلي ويكون مغلف في ظرف الجامعة ومختوم عليه وتحط ظرف اخر للايصال الي دفعته لل WES وترسلهم كلهم الظرفين في ظرف واحد .. انت اذا دخلت موقعهم رايح يعلمونك وش تسوين..

وهذا كل الي أعرفه عن ال WES ..

بما يتعلق بموقع التعليم العالي

انا خبرتي فيه قبل سنة ومو عارف اذا هم حدثوه الان واضافو اللستة الجديده.. وبخصوص الجامعات المقفله فموقع التعليم العالي واضع لستة بتلك الجامعات.. وبما يتعلق بطارق الشيخ ركز ان يكون سؤالك وطلبك حول اللستة الجديدة .. اطلب منه اللستة الجديده.. وبرضو اعتمد على اللستة القديمة في موقع التعليم العالي وكذلك الجديده ..

انا وضعت ايميل طارق الشيخ.. بس يبدو لي ان المنتدى رافض كتابة الايميلات بتاتا.. وماشوفه واضح.. فياليت الادراة تسمح بظهور الايميل لانه ليس شيء خاص .. ويهم الكثيرين.. عموما فيه طريقة ثانية انك تدخل موقع الملحقية وتبحث بالاسم عن طارق وراح يظهر لك ايميله..

الله يعطيك العافيه .. وربي يوفقك ولا يهينك
والملف ما يتحمل ..

الايميل عيد كتابته بس سوي مسافه قبل @ وبعده وبيضبط

اخوي تعرف جامعة تعطي قبول ماستر ادراة اعمال او اي تخصص اداري بدون توفل ..

الله يعافيك اخوي بدون اسم .. تم التعديل وشاكر لك على الفكرة الحلوة.. تسلم والله..

يعطيك العافية أخوي

و جعله في ميزان حسناتك

ما شاء الله عليك بتسهلها علينا :)

مشكور و ما تقصر

اخوي بدون اسم.. اتوقع لازم يكون عندك برنامج ضعط الملفات ZIP علشان يفك لك الملف.. انا جربته وضبط معاي.. هل فيه احد عنده برنامج ال ZIP وماضبط معه فتح الملف؟ او هل فيه احد ضبط معه فتح الملف؟

اختي مبتعثة طموحة .. الله يعافيك ويسهل عليك يارب ..

عندي WinRAR

مشكووور

ماشاء الله عليك

يعطيك العافيه والله ما قصرت اخوي

جعله في ميزان حسناتك يارب

بس كيف طريقة wes؟

فتح معي الملف زين وكل شئ كويس الله يعطيك العافيه يارب

يعطيك العافيه اخ انس

موضوعك مهم ويساعد الكثير

بس مشكلتي باللغه يعني ماراح اعرف اسوي الكلام دا كله

المهم بسالك هل اقدر اعرف شروط القبول بالجامعه من خلال الدخول على موقعهم بدون مراسلتهم؟؟؟؟

ثاني شي انا اخاف ارسل ايميل ويقبلوني وانا لسه ماصرت مبتعثه يعني باقي عليا بس ابغى اتطمن اذا حيقبلوني او لا؟

ثالث شي انا ماعندي غير جامعه وحده بامريكا هي اللي اقدر اروحلها بسبب ان المرافق بيدرس فيها وهي http://www.wku.edu/

انا ناويه ادرس ماستر microbiology وممكن اي تخصص بس بالاحياء

وابغى اتطمن هل حيقبلوني او لا ؟؟؟

وايش هدا الwes لان معدلي من 5 بالبكالوريوس وكيف طريقته؟؟

اخي انس اذا تكرمت تدخل عالرابط حق الجامعه وتشوف كيف اقدر اراسلهم واستفسر منهم عن الماجستير لتخصصي

وبكون شاكره لك والله يجزاك كل خير ويوفقك يارب عالمساعده

اختي لولي كات ..

WES باختصار شغلته يعادلك شهادتك من معدل 4 بدل ماهو من 5 .. ومعادلة الشهادة من 4 هذا شيء اجباري في الجامعات الامريكية.. وبعض الجامعات مو فاضية تعادلك شهادتك فيجبرونك على ال WES .. والجامعات القوية مرة في الغالب انها ماتعترف ب WES وهم بنفسهم يعادلون لك الشهادة.. وانا في موضوعي حرصت على الطلاب الي بس يبون يضمنون قبول ويدور جامعة سهلة تعطيه قبول.. والا الجامعات القوية انا انصح ان يكون التقديم عليها بعد الحصول على قبول من جامعة سهله.. اهم شيء الواحد يكون شيء بيده.. وبعدين يتشرط الي يبي.. ووقت اجراءات ال WES انت وفلوسك http://www.mbt3th.us/vb/imgcache/2/3909alsh3er.gif .. اذا انتي مستعجله عليه وتبينه في بضع ايام بتدفعين اكثر .. بس انا ماكنت مستعجل عليه ودفعت عليها اذا ماخانتني الذاكر 160 دولار وفي هالحدود .. وعلى فكرة الملحقية تعوضك قيمتها .. وأخذت مني قرابة الثلاثة اسابيع.. والي هم يطلبونه منك انك ترسلين لهم سجلك الاكاديمي الأصلي ويكون مغلف في ظرف الجامعة ومختوم عليه وتحط ظرف اخر للايصال الي دفعته لل WES وترسلهم كلهم الظرفين في ظرف واحد .. انتي اذا دخلتي موقعهم رايح يعلمونك وش تسوين..
وهذا كل الي أعرفه عن ال WES ..


اختي حايره ..

نعم كل الجامعات تضع شروط القبول في الموقع.. بس احيانا يكتبون مطلوب عليك اختبار الجي ار اي او الجيمات او السات مثلا .. وترسلين للقسم الي انتي تبين تدخلين فيه وتشرحين لهم انك طالبة مثلا من الاوائل او مثلا عندك خبره في المجال او من ذا الحكي الي تشعرين انك مبدعه فيه ورايح تحصلينهم يردون عليك ويقولون اوكي ارسلي اوراقك ورايح نلغي متطلب الجي ار اي وو .. وبرضو القبول المشروط يبغالك تستفسرين منهم .. ماتوقع يكتبونه في الموقع..

وبخصوص انك خايفة ترسلين ايميل ويقبلونك هذا عز الطلب :) .. الجامعات اذا اعطتك قبول مثلا خلينا نقول في خريف 2009 وانتي ماخلصتي لغة فسهل جدا انك تأخرين القبول الى وقت ثاني مثل خريف 2010 او ربيع 2009.. فلاتشيلين هم هالنقطة.. انتي بس حصلي قبول اهم شيء..

والجامعة الي قلتي عنها حاولي تراسلينهم او خلي احد من الي تعرفينهم ويعرف انجليزي يراسلهم ويسألهم الثلاثة اسئلة الي كتبتها لك.. ومن خلال ردهم رايح نعرف اذا هي جامعة سهله في القبول او لا.. والاسئلة الثلاثة الي وضعتها فوق في وجهة نظري تحدد مدى سهولة الجامعة في القبول وتضع مقياس لها ..
وطريقة ال WES شرحتها لأختي لولي كات

اختي انا دخلت على الرابط .. وهذا الايميل الي تراسلينهم عليه
graduate.studies @ wku.edu
وبخصوص متطالباتهم فهي على هالرابط
http://www.wku.edu/graduate/Internat...uirements.html

وهذا رابط الي يوضح التخصصات الي يدرسونه فيما يتعلق بالماجستير والدكتوراه .. بس ماحصلت الي قلتي له عنه وهو الميتروبولوجي .. مدري اذا هو له تسمية اخرى.. عموما هذا الرابط
http://www.wku.edu/Dept/Academic/Gra...d_degrees.html

واسال الله التوفيق للجميع،،