طريقة معادلة الساعات

السلام عليكم..

انا متخرج من كلية الجبيل الصناعيه دبلوم هندسه ميكانيكه وراح اكمل بكاليورس بس ماني عارف صراحه كيف بتكون معادلة الساعات والمواد الي درستها

ياليت الي عنده معلومات يفيدني لاني سمعت ان المعادله تكون عن طريق لجنه وماتكون الا اذا رحت للجامعه وان اغلب الجامعات ماتعادل والي بتعادل لك راح يكون شي بسيط

الي متخرج من الكليه ويدرس برا او يعرف احد عادل ساعاته في اي جامعه بليز يرسلي ويتواصل معاي

واي معلومه راح استفيد منها..اتمنى من الجميع المساعده


وشغله ثانيه الكورس متى يبدا في امريكا وصحيح انه لازم تاخذ القبول قبلها بثلاث شهور

يعني انا لسه ماجبت قبول يمديني ابدا دراسه على الكورس الجاي كني سمعت انه بشهر 9؟

يعطيكم العافيه

هلا مفهي انت صج مفهي والا بس نك نيم هههههههههههههههههههههههههه
المهم ما علينا انا زيك متخرج من كلية الجبيل الصناعيه بس انا هندسة كيميائيه :D
انا راح اجاوب عليك بالي اعرفه والي استفدت من هذا المنتدى
موضوع المعادله يعتمد على الجامعه الي بتدرس فيها وعلى درجاتك بالمواد يعني بعض الجامعات المواد يعادلوها الي فوق C اما الي تحت C انسى يعادلوا لك وبعضهم يعادلوا لك كل الساعات
مثل طلاب كليتنا يعادلوا لهم فوق 50 ساعه وقد تصل الى معادلة جميع الساعات
بس اذا بتعادل لازم يكون الترانسكربت مغلف في ظرف ومختوم ختم الكليه و يكون معاه وصف المواد
اتمنى اكون افدتك بشي وسامحنا طولنا عليك:smartass:

سمور كيف يعني وصف المواد ؟؟

وصف المواد او المساقات عبارة عن وصف دقيق للمادة
يعني مثلا المادة كيمياء في وصف المواد هذا يوضح الدروس والمواضيع الا اخذتها في المادة عدد الساعات الخ!
يساعد في وقت المعادلة

اما بالنسبة لك يا اخ مفهي الا اعرفه ان جامعات كثيرر في امريكا تعادل دبلومات كلية الجبيل وكلية ينبع يعني معادلة حلوة وهذا الموضوع اكيييد رح يفيدك ان شاء الله :)
http://www.mbt3th.us/vb/forum8/thread53760.html

بالتوفيق

ايوة وصف المواد مثل ما وضحت الاخت نوووسه

يعطيكم العافيه على الردود... بس ركزووو معاي بليييييز(:

اتفقنا انهم يعادلون وترسلهم بظرف مختوم.. اخوي الي سألني اذا انا صدق مفهي عاد تبي الصدق بالعاده اكون في المود بس اغلب الاوقات مفهي

بوالشباب الي هو(انا) عوره راسه وهو يدور في الجامعات عشان يراسلهم وتيتي تيتي مثل ماراسلتي ماجيتي

الي يعرف جامعه زينه وعندهم شرح تف صيييلي شلون اراسلهم مادري اقدم طلب قبول يفيدني والله يجزاه الخير

وشرايكم بالمكاتب الي تخلص لك من مجاميعو على ماقالو.. تبون الصدق انا اذا صرت مو متمكن من شغله اتوهق وماعرف كيف ابداها

سوري على الاطاله ويعطيكم الف عافيه

اخوي شوف الرابط الي حطتها الاخت نوووسة في موضوع سائقين الشاحنات اما حلوه ساقين الشاحنات:thumbup:
في واحد مسجل هندسة ميكانيكه شوف الجامعه اذا عجبتك سجل فيها
وبصراحه انصحك لا تروح مكاتب لانهم بماطلوا فيك وياخذوا عليك فلوس كثير وهالشغله ما تاخذ شي بس يبي لك اجتهاد شخصي بس:weight_lift:

مفههي بسالك عن MSOE تقبل دبلوم هندسة كهربائية من نفسل كليتنا وكم تعادل ساعة